Рэппэр Женни: Зарим хүмүүс хип хопыг буруу зэвсэг болгон ашиглаад байх шиг

Монголын хип хоп урлагийн түүхийг бичилцэж, энэ төрөлд өөрийн хувь нэмрээ оруулж яваа цөөн
эмэгтэй дуучдын нэг болох Б.Дуламсүрэн буюу рэппэр Женнитэй ярилцлаа. Тэрээр саяхан бүл нэмж хүүгээ дүүтэй болгосон билээ.

-Сүүлийн үед Женни нам гүмхэн байх шиг.
Хамгийн сүүлд ямар уран бүтээл хийв?

-Сүүлд
нэгэн том бүтээл гаргасан. Тэрэн дээр тулж ажиллаад байна л даа. Хамтарсан уран бүтээлүүд
хийж байгаа. Жишээлбэл, Юүдэнтэн бүлэгтэй хоёр дууны бичлэгт орсон. Мөн хэдхэн хоногийн өмнө Элкондор
хамтлагийн шинэ уран бүтээл дээр бусад уран бүтээлчдийн хамт ажилласан. Удахгүй тэр дууны клипний зураг
авалт болох байх. Сүүлийн
үед ганц нэг шоу партины тайзан дээр гарсан. Харин тоглолт гэвэл манай Гүн
ухаантан crew-гийн гишүүн, ая зохиогч авъяаслаг залуу болох Х.Анхбаярын бие даасан анхны
Хип Хоп болон Симфони оркестр хосолсон гайхалтай сайхан тоглолтонд оролцсон.

-Ер
нь Женни тэр болгон зурагтаар гарч, байнга үзэгдэхгүй ч нэлээд даацтай уран
бүтээлч гэж ойлгодог. Ялангуяа олон улсад Монголынхоо нэрийг гаргаж яваа чадварлаг уран
бүтээлч. Хэчнээн орноор явж уран бүтээлээ толилуулаад байна вэ?

-Хүний
хүсэл мөрөөдөл хүссэн газарт нь хүргэж өгдөг гэдэгт итгэдэг. Тиймдээ ч бусдын
хэлдгээр \”урлагийн буян\”-аар гэдэг шиг хэд хэдэн газар Монголоо
төлөөлж явж байсан. Одоогоор
Хятад, Франц, Америк, Дани зэрэг улсуудад хамтарсан тоглолт болон хип хоп
фестивальд оролцоод байна.

-Ер
нь яагаад хип хоп урлагт орох болсон юм бэ. Энэ урсгалд хэн нэгэн хөтөлж
оруулсан уу, өөрийн сонирхлоороо урсаад оров уу?

-Урлаг гэдэг сайхан хүмүүстэй уулзуулж, учруулж, холбож өгдөг. Хип хоп надад өөрийгөө танихад тусладаг. Би бол Монголд анх рэпийг эхлүүлсэн тэр мундаг ах нарын
бүтээгдэхүүн гэж өөрийгөө боддог. Энэ хүртэлх хугацаанд багш шиг, ах шиг, найз шиг байсан гурван эрхэм ах нарыгаа алдлаа. Миний анхны продюссер, миний Женни нэрийг хайрласан Дайн
ба Энх хамтлагийн Мсит (Д.Энхтайван), Гүн ухаантан
crew-д нэгэн цагт хамт уран бүтээл хийж явсан Мон Та Реп, Ice Top хамтлагийн
Хаагий (Хатанбаатар), миний рэпийн багш гэгдэх мөн Гүн ухаантан crew болон Дайн ба Энх
хамтлагийн гишүүн Наба (М.Наранбаатар) ах нарынхаа хэлж ярьж захисныг үргэлж дотроо бодож, дурсан санаж
явах болно.

$\"\"$

-Энэ эрхмүүдийн залгамж халаа болсон Женни
өөрийн залгамж үеийг бэлдэх үү? Ер нь насаараа үглэхгүй л байх. Цаашид юу хийх
бодолтой явдаг вэ?

-Мсит Тайванаа ах минь намайг яаж хурцалж, чиглүүлж
байсан шиг би яг тэгж өөрийнхөө залгамж үеийг бэлтгэх ажил хийнэ гэж боддог. Бас
залуусаа чадлаараа тусалж, дэмжих болно.

-Хип хоп өөрийгөө танихад тань тусладаг
гэлээ. Тэгвэл Женни гэж яг хэн бэ гэдгээ тодорхойлж чадсан уу?

-Би өөрийгөө бодохдоо шаль шаль гэсэн эрчүүдээс дээр эр
хүн шиг, хайр гаргаж чаддаггүй эмэгтэй хүний хажууд бас эмэгтэй хүн гэж боддог.
Зөөлөндөө зөөлөн, хатуудаа хатуу гэх үү дээ. Би ер нь багаасаа бие дааж өссөн
айлын ганц хүүхэд. Өөрийнхөөрөө бүхнийг шийддэг. Өөрийнхөө зөв гэж бодсон
зүйлээ хийдэг. Тэрийг ч манай гэрийнхэн мэддэг болохоор надад юм хэлдэггүй юм.
Харин ч өдий хүртэл ойлгож дэмждэг, миний төлөө гэдэг гэр бүлийнхэндээ маш их
баярлаж явдаг. Дуудах
нэрийг эцэг эх, дуурсагдах алдрыг өөрөө гэж үг байдаг. Би хүнтэй танилцахдаа алдар
нэрээ Дуламсүрэн гэдэг. Уран бүтээлээ танилцуулахдаа Женни нэрээр гаргадаг. Яг
үнэндээ өөрийгөө
бүрэн таниж амжаагүй л байна. Хүн, юмс цаг тутамд хувьсаж байдаг шүү дээ. Тиймээс тэртээгээс
эргээд харахад муугаасаа илүү сайн зүйл хийж, өөрөөр хэлбэл бусдад хэрэгтэй хүн байхын тулд өөрийгөө засаж, хөгжүүлж явахыг эрмэлздэг.

-Хип хопчид, рокуудын ертөнцийг үзэх үзэл
арай өөр байдаг юм шиг санагддаг юм. Женнигийн үзлийг сонирхвол?

-Урлагийн
хүмүүс амьдралыг харин ч энгийнээр, бодитоор хардаг байх гэж бодож байна. Дуу хуураараа бусдад
эерэг мэдрэмж, ухаарал, хайр, хүндлэл, итгэл, зориг, хүч зэргийг хүргэх гэж
хичээдэг. Миний
амьдралыг үзэх үзэл бол ерөнхийдөө үйлийн үр гэж байдагт итгэдэг. Тиймээс санаа
зөв бол заяа зөв гэдэг үзлийг баримталдаг. Хип хоп урлаг надад маш их зүйлийг өгсөн.

-Хайр, ухаарал өгч байна гээд рэпчид масст
зориулаад учиргүй их хайрын дуу үйлдвэрлээд байх шиг. Хип хоп тийм их хайр дуулдаг урсгал яг
мөн үү?

-Зарим хүмүүс хип хопыг буруу зэвсэг болгон ашиглаад байх
шиг. Мөнгө олох, нэр хүнд олох, олны танил болох зэвсэг болгон ашиглах
жишээтэй. Тэгээд тэрэндээ хөтлөгдөөд массыг хамрахын тулд л хайрын дуу хийгээд,
поп дахилт хийгээд л, дуу нь хит болоод л од болно гэж боддог нь харамсалтай л
байгаа юм.

$\"\"$

-Дуучид өөрсдийн гэсэн ханштай байдаг.
Женни хэдэн төгрөгөөр дуулдаг вэ?

-Надад ер нь тогтсон үнэ ханш гэж байдаггүй. Уран бүтээл
болон өөрийн хөдөлмөрөө
тодорхой хэмжээнд үнэлэх нь зүйтэй байх. Гэхдээ би өөрийгөө тэр хэмжээнд хүртэл
юм хийсэн хүн гэж бодохгүй байна. Удахгүй өөрийн уран бүтээлүүд дээр тулж
ажилласныхаа дараа тэр талаар бодъё /инээв/

-Ер
нь урын сандаа нийт хэчнээн уран бүтээлтэй вэ? $\"\"$

-Олон
олон хамтлаг,дуучидтай хамтарч дуу хийж байсан болохоор хэдэн дуу гэдгийг нь хэлж мэдэхгүй
байна. Яг
өөрийн дуу гэвэл 10 гаруй дуу байгаа.

-Үглэнэ гэдэг хэцүү юм шиг санагддаг.
Амьсгалаа зөв хуваарилахгүй бол алдах магадлал тун өндөр. Тайзан дээр алдаж
байсан биз дээ. Ер нь тайз чамд яаж нөлөөлдөг вэ?

-Тайзны
ард гараагаа хүлээж байх тоолондоо догдлол, айдастай байдаг. Тэрийг даваад гарах тэр мэдрэмж
хамгийн гоё. Тайзан
дээр дуугаа алдах үе байлгүй яахав. Хамгийн гол нь үзэгчид хэр хүлээж авч байгаагаас шалтгаалж эмоци
өөр өөр байдаг.

-Хип
хоп бол нийгмээ шүүмжилсэн харуудаас гаралтай гэдэг. Тэгвэл манайд энэ урсгал
ямар түвшинд хөгжиж байна вэ? Нийгэмд нөлөө үзүүлж чадаж байна уу?

-Манайд хип
хоп урсгал цаг үетэйгээ уралдан маш хурдацтай хөгжиж байгаа гэж боддог.
Нийгэмд ч өөрийн гэсэн нөлөөгөө үзүүлж байгаа.

–Монголын хип
хопын нэгдүгээр хүн хэн бэ. Гадаад, дотоодын ямар дуучдыг сонсох дуртай вэ?

-Ер
нь Монголоос ч тэр, баруунаас ч тэр oldschool сонсох дуртай. Гэхдээ мэдээж шинэ
урсгал шинэ уран бүтээлчдийг мөн тухайн үед нь сонсдог. Миний
хувьд №1 хүн бол Мсит ах. Учир
нь тэр хүний хийсэн ая, дууны сэдэв үг, хийж судалсан бүхий л зүйл, тэр бүү хэл
түүний үзэл бодол үнэн хийгээд сургамжтай бөгөөд маш өргөн цар хүрээг хамарч
байдаг.

$\"\"$