Шигдсэн хумс

Шалтгаан: Хумсаа буруу авах,бариу гутал өмсөх,хэвийн жин нэмэгдэх, хумсан дээр хүнд зүйл унаснаас хумс нүүсэн, гишгүүлэх , тамирчид хөл дээрээ хэт ачаалал өгөх,хумсаа мэрэх, чихрийн шижин, төрөлхийн хумс ургалтын гажигтай байх, шигдсэн хумс хуулуулж авахуулах, хумсаа таллаж авахуулах,хумсны мөөгөнцөр, нярай хүүхдийн арьс нимгэн байх зэрэг олон шалтгааны улмаас хумс шигдэж ургадаг байна.

Зөвлөгөө ба арчилгаа:

1. Хумсыг авахуулах нь хумсыг авсны дараа хумсны ор буюу хумс ургах ёстой талбай агшсанаар шинээр ургаж буй хумсны ургалтыг саармагжуулж ургашаа чиглэлд биш дээшээ чиглэлд ургаж дахин шигдэж ургах магадлал ихэсдэг байна. Иймд олон дахин хумс авахуулахаас зайлсхийх. Сүүлийн үед Монголд хөлийн хумсыг сугалж авахгүйгээр эмчлэх Герман техник,технологи нэвтэрч байна.

2. Хөвөн жийрэглэх арга. Хумсныхаа шигдээд байгаа хэсэгт бага зэрэг хөвөн хавчуулж ургуулах.

3.Педикурт орж хумсан дээрээ акрил тавиулах.Энэ нь нимгэн хумстай, шигдэлт нь ил харагдаж байгаа хумсанд тохиромжтой.

4.Төмөр чиг тавиулж зөв чиглэлд ургуулах.

5.Хумсыг анхнаас нь зөв авч сурах.