Л.Ганбат: Монгол хэлний шалгалтыг заавал өгсөн байх ёстой

2018 оны Элсэлтийн Ерөнхий Шалтгалтын /ЭЕШ/ онлайн бүртгэл  өнөөдөр 09:00 цагт эхэлсэн. Үүнтэй холбогдуулан
Боловсролын үнэлгээний төвөөс мэдээлэл хийлээ. Энэ үеэр Боловсрол үнэлгээний төвийн шалгалт, судалгааны хэлтсийн дарга Л.Ганбатаас дараах зүйлийг тодрууллаа.

-Энэ жилийн элсэлтийн шалгалтын онлай бүртгэл
өнөөдөр эхэлж байгаа. Энэ жил урьдчилсан байдлаар хичнээн хүүхэд элсэлтийн
шалгалтад хамрагдах вэ?

-Энэ
жилийн шалгалтын бүртгэл цаг хугацаа орон зайнаас үл хамааран, онлайнаар
өнөөдрөөс эхэлж байна. Энэ жил 45,000 орчим шалгуулагч хамрагдана гэсэн
урьдчилсан мэдээлэл байна. Нийт 10
хичээлийн сонголтоор шалгалтаа өгнө. Монгол хэл бичгийн шалгалтын тухайд ЭЕШ-ын
өмнөх өдөр зохион байгуулагддаг зарчмынхаа дагуу явагдана. Энэ жил сэтгэн
бодох, унших, эсээ бичих чадварын дасгалууд нэмэгдсэн байгаа. Харин босго оноогүй, шалгуулагчид бүр
монгол хэлний шалгалтыг заавал өгсөн байх ёстой гэсэн зарчмаар явна.
Мэдээж батламж нь тусдаа хэвлэгдэж гарна.

-Бүртгэлийн явцад алдаа цөөнгүй гардаг. Бүртгэл ямар нэгэн шинэчлэл хийгдэж байгаа
юу?

-Энэ жил бүртгэлийг Улсын Бүртгэлийн Ерөнхий Газартай
серверээ холбосон учир регистрийн дугаараа оруулахад бүх мэдээлэл нь автоматаар
гарч ирэх юм. Энэ нь мэдээллийн алдаа гаргахгүйн тулд авч хэрэгжүүлж байгаа. Хэрэв хувийн мэдээлэлтэй
холбоотой алдаа, эсвэл мэдээллээ солих шаардлага гарвал өөрийн сургуулийн
сургалтын менежерээр дамжуулан Боловсролын мэдээллийн нэгдсэн санд хандаж
мэдээллээ солиулах боломжтой. Тухайн шалгуулагч хувийн мэдээллээ солиулсны
дараа дахин хэвлэн авах юм.

-Шалгалтын хураамжийн үнэ хэд вэ. Өнгөрсөн жилийнхтэй
адилхан байх уу?

-Шалгалтын
хураамж өнгөрсөн жилийнхтэй ижил 5,800 төгрөг байна. Мөн энэ жил Англи,
Орос хэл гэх мэт хичээлийн шалгалтад сонсоод ойлгох чадварын
дасгалыгнэмж, хугацааг тодорхой хэмжээнд уртасгасан. Хугацааны хувьд
математик, физик, химийн хичээлийн шалгалт 100 мин, бусад хичээлүүд 80 минутын
хугацаанд үргэлжилнэ.

-Хөгжлийн бэрхшээлтэй хүүхдүүд элсэлтийн шалгалтад
хамрагдах боломжтой юу?

-Өнгөрсөн
жил хөгжлийн бэрхшээлтэй шалгуулагчдын хамрагдах тоо өссөн. Өмнө нь 2-3
шалгуулагч байсан бол өнгөрсөн жил 24 хамрагдасан. Тиймээс бид энэ жил эдгээр
шалгуулагчдад зориулж тусгай даалгавар гаргахаар бэлтгэл ажлаа базаасан.

-Шалгалтын хариу хэзээ гаргах вэ?

-Шалгуулагчид тавдугаар сарын 15-аас хойш системд нэвтэрч
суудлаа харах боломжтой. Шалгалтыг зургаан сарын дундын 10 хоногт зохион
байгуулахаар БСШУСЯ-нд хандсан байгаа.Шалгалтын дүн өнгөрсөн жилийнхтэй адил
долдугаар сарын 1-нд гарна. Гэхдээ энэ жил шалгалтын дүнг шууд цацдаг
системийг нэвтрүүлэхээр ажиллаж байна.

-Өнгөрсөн жил
шалгалтын материал задарсан гэх мэдээлэл явсан. Энэ жил энэ тал дээр хэрхэн
анхаарах вэ?

-Энэ бол худлаа мэдээлэл. 2006 оноос хойш материал ямар
нэгэн байдлаар задарсан тохиолдол нэг ч гараагүй гэдгийг баттай хэлж чадна.
Өнгөрсөн жилийн хувьд материал, сэдэв задарсан, эсвэл шалгалтын материал зарна
гэсэн мэдээлэл цахим сүлжээгээр тархсан. Үүнийг бид тухай бүрт нь
шийдвэрлэхээр ЦЕГ-тай хамтран Кибер гэмт хэрэгтэй тэмцэх тасаг
байгуулж, бүлэг этгээдийг илрүүлэнзохих хариуцлага хүлээлгэсэн. Энэ
жил ч мөн ийм зарчмаар ажиллана.

ШАЛГУУЛАГЧИД БҮРТГҮҮЛЭХДЭЭ ДАРААХ ЗҮЙЛСИЙГ БҮРДҮҮЛНЭ. Үүнд:

• Цахим үнэмлэх болон түүнтэй адилтгах баримт бичиг
• Өнгөт цээж зураг файлаар / цээж зураг нь 3*4 хэмжээтэй,
  сүүлийн 3 сарын дотор даруулсан, урагш цэх харсан, арын фон нь цайвар цулгуй
  өнгийн, нарны шил болон малгайгүй байна/
• Бүрэн дунд боловсролын үнэмлэх ба түүнтэй дүйцэхүйц
  боловсрол эзэмшсэнийг баталгаажуулан эрх бүхий байгууллагаас олгосон баримт
  бичиг /энэ нь зөвхөн 2018 оноос өмнөх онд төгссөн ба гадаадад суралцаж
  дүйцүүлсэн шалгуулагчид хамаарна/
• И-мэйл хаяг /шалгуулагч бүр зөвхөн өөрийн и-мэйл хаягтай
  байна/
• Шалгалтын хураамжийг Хаан банк, Голомт банк, Худалдаа
  хөгжлийн банк, Капитрон банк. Төрийн банк. Улаанбаатар банк, Хас банкны
  интернэт гүйлгээний эрхтэй төлбөрийн карт, candy /1 candy = 1 төгрөг/ цахим
  мөнгө ашиглан шилжүүлнэ.

Н.Алтанцэцэг