Та Канад руу цагаачилмаар байна уу?

$\"\"$

Монголоос гадаад улсад гарах сонирхолтой хүмүүс ихэвчлэн Австрали, Канад улс уруу гарч амьдрах, сурах, ажиллах, цагаачлах сонирхолтой байдаг. Тиймээс Канадын Засгийн газраас 2018-2020 онд нийт 980 мянган эдийн засгийн цагаач авах квот зарласны дагуу дараах мэдээлэл, зөвлөгөөг өгч байна. Энэ нь ур чадвартай ажилтан, ажилчин, их, дээд сургууль төгсөгч, мужийн нэрээ дэвшүүлэх хөтөлбөрт хамрагдах гэсэн арга замуудаар хэрэгжих юм байна. Энэ талаарх дэлгэрэнгүй мэдээллийг орчуулагч н.Оюунаагийн орчуулгаар хүргэе.

Нийтдээ Express Entry буюу Экспресс ангилал.

Цагаачлах өргөдөл гаргах систем нь:

a. Энэ нь цахимаар гаргасан цагаачлах өргөдлийг сонгон шалгаруулах үйлчилгээ бөгөөд таны Канадад цагаачлах, мөн ажил олгох хугацааг түргэсгэх зорилгоор шинээр гарсан.

b. Энэ хөтөлбөрийн үр шим нь:

• Хялбаршуулсан өргөдлийн үйл явц;

• Өргөдлийг 6 сар, түүнээс бага хугацаанд шийдвэрлэнэ;

• Хөтөлбөр нь 3 гол хөтөлбөрөөс бүрдэнэ:

-Federal Skilled Worker Program: Федерал скиллд воркэр/ур чадвартай ажилтан;

-Federal Skilled Trade Program: Федерал скиллд трайд/ур чадвартай ажилчин;

-Canadian Experience Class: Канадын туршлагатай бүлэг /Их, дээд сургууль төгсөгч;

Түүнчлэн Нова Скотиа, Нью Брансвик, Саскачеван зэрэг мужууд энэхүү үйлчилгээг Мужаас нэр дэвшүүлэх хөтөлбөрт давхар өргөдөл гаргах, таны сонгогдох боломжийг өргөжүүлж байгаа юм.

Тухайлбал, Федерал скиллд воркэр/ур чадвартай ажилтан;

Энэ нь өргөн тархсан хөтөлбөрүүдийн нэг бөгөөд аль ч мужид цагаачлахыг зөвшөөрдөг. Сонгон шалгаруулах үйл явц нь Канадын Цагаачлалын яамны зааварчилгааны дагуу сард 1 удаа болдог. Та Нова Скотиа, Нью Брансвик, Саскачеван зэрэг мужууд руу цагаачлахыг хүсвэл тэдгээр мужуудаас зөвшөөрөл (нэр дэвшүүлэх сертификат) авсан байх шаардлагатай. Энэ нь танд нэмэлт 600 оноо авч ирэхийн зэрэгцээ онлайн системээс сонгогдох болно.

Гол шалгуурууд нь сүүлийн 10 жилийн хугацаанд 1 жил эзэмшсэн мэргэжлийн дагуу бүтэн цагийн ажил эрхэлсэн байх, тал цагаар бол нийт ажилласан цаг нь заавал хүрсэн байх.

Таны өмнөх ажлын байрны үүрэг, хариуцлага, чиг үүрэг, ажилбарууд тань эзэмшсэн мэргэжил, боловсролтой тохирч байсан гэдгээ батлах ёстой.

Бусад сонгон шалгаруулах хүчин зүйлс нь:

• Нас (дээд оноо 12, та 35 настай бол энэ оноог авна);

• Ажлын туршлага (дээд оноо 15, 6-аас дээш жил ажилласан бол авнa);

• Боловсрол (дээд оноо 25, Ph.D зэрэгтэй бол авна);

• Хэл (дээд оноо 28, үүний 24 нь эхний гадаад хэл, 4 нь хоёрдогч гадаад хэл. Шалгуур нь General IELTS-ийн шалгалтаар бүх хэсгүүдэд 6.0-с доошгүй оноо авсан байх);

• Ажлын санал (Дээд оноо 10. Та канадын ажил олгогчоос ажлын санал авсан бол авна);

• Дасан зохицох чадвар (дээд тал нь 10 оноо, Канадад ажиллаж сурч байсан, мөн ойрын төрөл садан амьдардаг бол авна);

Үндсэн өргөдөл гаргагч нь гуравдагч байгууллагаар Боловсролын дипломоо баталгаажуулуулах ёстой бөгөөд үүнийг бичиг баримттайгаа хамт өгнө. Үүнийг Education Credentials Assessment (ECA) гэх бөгөөд онлайнаар бүртгүүлэхээсээ өмнө хийлгэсэн байх шаардлагатай. Түүнчлэн IELTS оноог баталгаажуулсан сертификат байгаа тохиолдолд онлайн бүртгэл идэвхжинэ. Федерал скиллд воркэр ангиллын шалгуурыг хангахад та 67 оноо авах ёстой. Одоогийн байдлаар жишээ авсан хүний гадаад хэлний түвшинг тооцож үзээд гаргасан оноог үзүүлье:

Үндсэн өргөдөл гаргагч нь 30 настай эмэгтэй, 2 хүүхэдтэй, нөхөр нь инженер.

-Нас 12

-Ажлын туршлага 15

-Боловсрол 22

-Англи хэл 0

-Ажлын санал 0

-Дасан зохицох 0

Бүх оноо 49

Шаардлагатай 67 оноонд хүрэхийн тулд та багадаа гэхэд IELTS-ийн 6.5 оноог авах шаардлагатай бөгөөд энэ нь танд 19 оноог авч ирнэ. Мөн таны нөхөр 4.5 оноо авбал танд нэмэлт 5 оноо ирнэ гэсэн үг.

Хүснэгтийг харна уу:

IELTS test (general module)

Үндсэн өргөдөл гаргагч: Эхний гадаад хэл(24 оноо)

IELTS

Speaking

Listening

Reading

Writing

6
points (per ability)

7.0-9.0

8.0-9.0

7.0-9.0

7.0-9.0

5
points (per ability)

6.5

7.5

6.5

6.5

4
points (per ability)

6.0

6.0

6.0

6.0

Үндсэн өргөдөл гаргагч: Хоёр дахь гадаад хэл (та 4 ур чадварын хамгийн бага шалгуурыг давж байвал 4 оноо)

TEF

Speaking

Listening

Reading

Writing

4 points total

5.0-9.0

5.0-9.0

4.0-9.0

5.0-9.0

c. Энэ хөтөлбөрөөр цагаачлал хүсэхэд шаардлагатай санхүүгийн баталгаа:

Гэр
бүлийн гишүүдийн тоо

Шаардлагатай
хэмжээ (CAD)

1

12,300

2

15,312

3

18,825

4

22,856

5

25,923

6

29,236

7-оос
дээш

32,550

d. Энэ системд мэдээллээ оруулахын тулд онлайнаар өөрийн профайлыг үүсгэнэ. Шалгуур хангасан тохиолдолд л мэдээлэл оруулах боломжтой. Та өөрийн мэдээллээ оруулахад системээс таны оноог тооцно, таныг тухайн ажил хариуцсан цагаачлалын албаны ажилтнууд сонгоно. Таны оноо зөвшөөрөгдсөн хэмжээнд хүрсэн тохиолдолд сонгогдоно.

e. Англи хэлний тест өгөхгүйгээр оноо тооцуулах боломжгүй. Франц хэлний шалгалтыг мөн оролцуулан тооцно. Иймээс аль болох өндөр оноо авахыг зөвлөж байна.

f. Засгийн газрын төлбөрүүд

Байнга оршин суух өргөдөл гаргах (Application for Permanent residence)-ад үндсэн өргөдөл гаргагч 550 канад доллар, гэр бүлийн гишүүн 550 канад доллар, 19-өөс доош настай гэр бүлийн гишүүд 150 канад доллар төлнө. Энэ нь буцаан олгогдохгүй төлбөр бөгөөд Канадын Визийн төвүүд хурааж байгаа юм.

Эрх авахад үндсэн өргөдөл гаргагч болон эхнэр нөхөр нь 490 канад доллар төлнө. Энэ үед гарах процессийн шинжтэй зардлууд:

Эрүүл мэндийн үзлэг-1 хүний 230-260 канад доллар.

g. таны өргөдөл сонгогдвол цагаачлалын үйл явц 6 сар үргэлжилдэг юм.

Та бүхэн ЭНДЭЭС оноогоо тооцож үзээрэй.

$\"\"$

Я.Хулан

IELTS	Speaking	Listening	Reading	Writing
6 points (per ability)	7.0-9.0	8.0-9.0	7.0-9.0	7.0-9.0
5 points (per ability)	6.5	7.5	6.5	6.5
4 points (per ability)	6.0	6.0	6.0	6.0

Гэр бүлийн гишүүдийн тоо	Шаардлагатай хэмжээ (CAD)
1	12,300
2	15,312
3	18,825
4	22,856
5	25,923
6	29,236
7-оос дээш	32,550

Та Канад руу цагаачилмаар байна уу?

Related Posts

Шинэ мэдээ