Үе үеийн УИХ-ын чуулганыг харьцуулсан судалгаа гаргажээ

 

Монгол Улсын Их Хурлын долоо дахь удаагийн сонгуулиар 2016 онд байгуулагдсан УИХ-ын 2017 оны намрын ээлжит чуулган өндөрлөөд байна. Энэ удаагийн УИХ өнгөрсөн хугацаанд 2016 оны намрын, 2017 оны хаврын, 2017 оны намрын гээд гурван удаагийн ээлжит чуулган хийгээд байгаа билээ.

 

Үе үеийн УИХ-ын үйл ажиллагааны талаар олон нийтэд тоймтой ойлголт, тодорхой  мэдээлэл өгөх үүднээс тухайн УИХ-ын бүрэн эрхийн хугацааны гурав дахь чуулганы үйл ажиллагааг эхний гурван удаагийн чуулганы зарим тоо баримттай харьцуулсан судалгааг толилуулж байна. Энэхүү судалгаанаас Та бүхэн энэ удаагийн Улсын Их Хурлын бүрэн эрхийн хугацааны эхний гурван удаагийн ээлжит чуулганаар баталсан хууль тогтоомжийн тоон үзүүлэлт, гишүүдийн хуралдаанд оролцсон ирцийн байдал, УИХ-ын шийдвэр Үндсэн хууль зөрчсөн эсэхтэй холбоотой баримт мэдээллийг 2004 оноос хойших УИХ-ын үйл ажиллагаатай харьцуулсан судалгаатай танилцах болно.