Сар шинийн барилдаан эхлэхэд цөөн хором үлдлээ

Монголын үндэсний бөхийн холбооноос зохион байгуулах сар шинийн баярт зориулсан цуврал барилдаан хоёрдугаар сарын 11-нээс эхэлсэн билээ. Цуврал барилдаан аймаг, цэргийн цолтой болон залуу бөхчүүдийн 256 бөхийн барилдаанаар эхэлсэн юм. Тодруулбал:

 

• Хоёрдугаар сарын 11-ний 14.00 цагаас Дашчойлин хийдийн нэрэмжит Майдар бурханы авшиг түгээх аймаг цэргийн цолтой болон залуу 256 бөхийн барилдаан,
• Хоёрдугаар сарын 12-ны 12.00 цагаас Тарвалин хийдийн нэрэмжит сумын цолтой болон залуу бөхчүүдийн ээлжит барилдаан,
• Хоёрдугаар сарын 13-ны 12.00 цагаас Манба дацан хийдийн нэрэмжит аймаг, цэргийн начин цолтой бөхчүүдийн ээлжит барилдаан,
• Хоёрдугаар сарын 14-ний 12.00 цагаас Өсвөр болон Нийтийн монгол шандастаны ээлжит барилдаан тус тус болж өндөрлөөд байна.

Харин өнөөдөр буюу хоёрдугаар сарын 15-ны 12:00 цагаас Сар шинийн баярт зориулсан Улс, аймгийн алдар цолтой 256 бөхийн барилдаан эхлэх гэж байна.