Төрийн өндөрлөгүүд золгов

XVII жарны \”Тийн унжлагат” хэмээх Шороон нохой жилийн хаврын тэргүүн
сарын шинийн нэгний өглөө 09:00 цагт Монгол Улсын Ерөнхийлөгч Х.Баттулга
Монгол Улсын төр өнө мөнхөд мандан бадарч, төр улс, түмэн олон амар
төвшин аж төрөхийн бэлгэдэл болсон Төрийн есөн хөлт цагаан туганд
хүндэтгэл үзүүллээ.

Үүний дараа УИХ-ын дарга М.Энхболд, Монгол Улсын Ерөнхий сайд
У.Хүрэлсүх нар алд цэнхэр хадаг дэлгэн Төрийн тэргүүний амар мэндийг
эрэн золгож, хөөрөг зөрүүлэн мэнд мэдэлцэж, налгар хавартай золгож
байгаа талаар ярилцлаа.

Төрийн золголтын дараа Ардын жүжигчин, Монгол Улсын Соёлын гавьяат
зүтгэлтэн ерөөлч, магтаалч Ц.Цэрэндорж төрийн хан хуурын хөг аялгууг
тааруулж, хан хуурыг эгшиглүүлэн тухайн жилийн жаврыг үргээх ёслол
үйлдлээ.

Үүний дараа Монголын бурхан шашинтны төв Гандантэгчэнлин хийдийн
тэргүүн хамба лам, гавж Д.Чойжамц, Дашчойлин хийдитэргүүн хамба
Ч.Дамбажав нар Төрийн хүндэтгэлийн өргөө гэрт морилон ирж Монгол Улсын
Ерөнхийлөгч, УИХ-ын дарга, Монгол Улсын Ерөнхий сайд нарт бараалхан
золгож, ирж буй шороон нохой жилийн өнгийг хэлэлцэв.

Төрийн золголт дууссаны дараа Монгол Улсын Ерөнхийлөгч Х.Баттулга Төрийн есөн хөлт цагаан тугны өмнө хүрэлцэн ирж:

\”Ирж буй шороон нохой жилд иргэдийн аж амьдрал өөдлөн дээшлэх сайхан жил болоосой. Та бүхэн Сар шинэдээ сайхан шинэлээрэй” гэв.

$\"\"$ $\"\"$

$\"\"$

Мөн төрийн гурван өндөрлөг ахмад буурлуудаа
хүндэтгэн амар мэндийг нь айлтган, алд цэнхэр хадаг дэлгэн золгож,
хөөрөг зөрүүлэв.

$\"\"$

Төр, засгийн удирдлагуудын хүндэтгэл үзүүлж золгосон ахмадууд 79-106
настай, малчин, токарьчин, оёдолчин, нягтлан бодогч, АИХ-ын депутат
зэрэг салбар бүрийн төлөөллүүд байлаа. Монгол Улсын Ерөнхийлөгч
Х.Баттулга ахмадуудтай золгосны дараа Төрийн ордны Есөн хөлт, цагаан
тугт танхимд дурсгалын зураг татуулж, гарын бэлгээ гардуулав.

Төрийн золголтод оролцсон ахмадууд: