![\"\"](http://undesten.mn/wp-content/uploads/2018/02/1519111282_1-olimp.jpg "\\"\\"")
БНСУ-д байгаа 400 орчим Монгол иргэн олимпын цанын талбайд хөгжөөн
дэмжигчээр иржээ. Монгол түмний их баяр, сар шинийн баяртай зэрэгцэн уралдаанаа хийсэн Олимпийн наадамд Монголынхоо тамирчдыг дэмжихээр БНСУ-ын өнцөг булан бүрээс зуу, зуун Монголчууд хүрэлцэн ирсэн байлаа. Алпенсиагийн цанын талбайг Монголчууд бүрхэж, \”Халуун Элгэн Нутаг” дууг уухай түрэн дуулж байсан нь сэтгэл хөдөлгөм бахархалтай мөч байв.
![\"\"](http://undesten.mn/wp-content/uploads/2018/02/1519111340_3-olimp.jpg "\\"\\"")
\”Бид Олимпийн наадамд эрхээ аван ирсэн тамирчдаа чадлаараа дэмжиж, тэдэнд баяр хүргэхийг л хүссэн” хэмээн Инчёноос ирсэн Чимгээ ярив. Тэрээр тэмцээний дараа тамирчинтай авахуулсан \”сельфи\” зургаа аль хэдийн фэйсбүүктээ оруулчихсан тухайгаа ихэд баярлан үзүүлсэн юм.
![\"\"](http://undesten.mn/wp-content/uploads/2018/02/1519111275_2-olimp.jpg "\\"\\"")
БНСУ-д Монгол Улсаас суугаа онц бөгөөд бүрэн эрхт Элчин сайд Б.Ганболд, ОУОХ-ны хүндэт гишүүн Ш.Магван тэргүүтэй хүндэт зочид Пёнчанд хүрэлцэн ирж, тамирчдаа дэмжсэн байна.\”Олимпийн тэнгэрт Монгол Улсын далбааг мандуулж, элэг нэгтнүүдээ баярлуулах нь юунаас ч илүү чухал” хэмээн Сөүлээс тэмцээний өглөө ирсэн Б.Очироо хэлсэн бөгөөд энэ удаагийн өвлийн олимпод нийт 400 орчим Монгол зохион байгуулалтад орон, нэгдсэн журмаар хүрэлцэн ирж үзсэн нь энэ ажээ.
![\"\"](http://undesten.mn/wp-content/uploads/2018/02/1519111414_4-olimp.jpg "\\"\\"")
Эх сурвалж: МҮОХ
