![\"\"](http://undesten.mn/wp-content/uploads/2018/02/1519118597_olloo_mn_1519121158_dsc9849.jpg "\\"\\"")
Орхон аймгийн
Жаргалант суманд энэ сарын 15-ны өдөр шүлхий өвчин гарсан.Үүнтэй холбогдуулан Онцгой байдлын ерөнхий газрын дэд дарга, хурандаа
Б.Ууганбаяр, Гамшгийн шуурхай удирдлагын газрын дарга, хурандаа Б.Мандахгэрэл
нар Булган, Орхон аймгийн удирдлагуудтай өнөөдөр цахим хурал хийжээ.
Хурлаар шүлхий өвчний нөхцөл байдлын
талаар мэдээлэл сонсож, холбогдох газрын удирдлагуудад үүрэг чиглэл өгсөн
юм.Тухайлбал, шүлхий өвчинтэй тэмцэх үйл ажиллагааг эрчимжүүлэх, хяналтын
постыг чангатгах, иргэдийн ундны усны асуудалд анхаарах, голомтын болон
хяналтын постуудад ажиллаж байгаа алба хаагчдыг мэргэжлийн удирдлагаар хангаж
ажиллах, мэргэжлийн байгууллагууд мэдээллээ солилцон харилцан уялдаатай
ажиллахыг үүрэг болголоо гэж Онцгой байдлын ерөнхий
газраас мэдээллээ.
