Б.Жавзмаа: Миний хүү хорих газарт нас барах юм бол би хуулийн байгууллагаас хүүгийнхээ амийг нэхнэ

$\"\"$

Төр, нийгмийн нэрт зүтгэлтэн,ардчилалын алтан
хараацайнуудын нэг С.Зориг агсаны амь насыг онц хэрцгийгээр
хөнөөсөн хэргийг захиалагчаас бусдыг илрүүлээд байгаа билээ.
УДШ-ээс Ц.Амгаланбаатар, Б.Содномдаржаа, Т.Чимгээ нарыг С.Зоригийн амь насыг
хөнөөсөн хэрэгт гэм буруутайд тооцож, хаалттай дэглэмтэй хорих ангид
тус бүр 20 жил хорих шийдвэр гаргасан . Харин
С.Зоригийн амийг хөнөөсөн хэрэгт ял шийтгүүлсэн хүмүүсийн ар гэрийнхэн өнөөдөр хэвлэлийн хурал хийлээ.

Уг хэрэгт холбогдсон Т.Содномдаржаагийн ээж Б.Жавзмаа:

\”Хилс хэргээр тамлагдан зовж байгаа
хүүгийнхээ төлөө явж байгаа эх хүн байна. С.Зоригийн хэргийг илрүүллээ гэсэн
худал хуурмаг шүүх хурлууд болж өнгөрсөн. Шүүх хурал
өнгөрөөд хэдэн сар болж байна. Жинхэнэ алуурчныг нь нуун дарагдуулж, энгийн
номхон иргэдэд ял хүлээлгэж, ард түмнийг төөрөгдүүлэх гэсэн энэ эмгэнэлт
жүжгийг Монголын ард түмэн бүгд сайн мэдэж байгаа. Энэ бол зохион байгуулалттай
хэрэг. Энэ хэргийг зохион байгуулсан хүмүүс нь Тагнуулын ерөнхий газар,Улсын ерөнхий прокурорын газар болон
цагдаагийн байгууллагууд. Зохиомол хэрэг үүсгэхийн тулд миний хүүг мансууруулж,
хууль бус аргаар хүний хэлсэн үгийг нь мушгин гуйвуулж, мэдүүлэг авсан. Гэрчийн мэдүүлэг авсан гэж хэлж байгаа ч үнэн хэрэгтээ тэр
гэрчүүд нь хаанаас гарч ирсэн нь мэдэгдэхгүй байгаа. Сүүлийн үед хэргийн материалуудыг ил болгосон гэж хэлж байгаа
боловч өнөөдрийг хүртэл ил болгосон зүйл алга. Харин өөрсдийн хуйвалдаанаа нууцын
зэрэглэлд оруулсан. Улсын Ерөнхий прокурорын орлогч Г.Эрдэнэбат
гэдэг хүн сүүлийн үед хэвлэлүүдэд ярилцлага өгч, худлаа зүйл ярьж байна. Энэ хүн
зохиомол зүйл ярьсан гэдгийг хэлмээр байна. Захиалагч нь илрээгүй хэрэгт энэ
хүмүүсийг яллачихаад байгаа. Энэ бол ичгүүртэй явдал. Тагнуул, шүүхийнхэн
анхнаасаа энэ хэргийг шийдэхдээ ганцхан Ц.Амгаланбаатар гэдэг алуурчны ам
яриагаар шүүх хурлаа хийсэн. Хаанаас ч юм гэрчүүд олж ирээд материалууд
цуглуулсан. Миний
хүүг тамлан зовоож, хорих газарт нас барах юм бол би хуулийн байгууллагаас
хүүгийнхээ амийг нэхнэ.

$\"\"$

Т.Чимгээгийн төрсөн ах Т.Хүрэлбат:

\”Гурван шатны шүүх хурлаар энэ хүмүүсийг бүгдийг нь яллаад
шоронд хорьж байгаа. Гэтэл Ерөнхий прокурорын орлогч Г.Эрдэнэбат гэдэг хүн
сүүлийн үед хэвлэлд энэ хэргийн талаар цогцоор хэвлэлд цацаж эхэллээ. Хэрэгтэн гэж тасалж, шоронд
хийсэн юм бол яагаад хэвлэл мэдээллийн хэрэгслээр элдэв зүйл ярьж, нэвтрүүлэг
хийж сандарч гүйгээд байгааг нь ойлгохгүй байна. Энэ гурван хүнийг нэг
айлыг гэр бүлээр нь шатааж, амь насыг нь хохироосон гэдэг. Гэтэл энэ галын
шалтгааныг УЕП-ын орлогч Д.Эрдэнэбат хэвлэлд өгсөн ярилцлагадаа цахилгааны утас
хэдэн метрийн цаана тасарсан гэж хэлсэн. Гэтэл тухайн үед Орхон аймгийн Онцгой
байдлын газраас нотломж гаргасан байдаг. Энэ нотломжид \”Гал түймэр гарсан
шалтгааныг хэргийн газрын үзлэг, гэрчүүдийн тодорхойлолтоос үзэхэд Рашаант
гудамжны .. тоотод гарсан гал цахилгаан ашиглалтын буруугаас гал гарсан” гэсэн
дүгнэлт байдаг. Хуулийн байгууллагаас 20 жилийн өмнө байрны гадаа байсан
хүмүүсээр гэрч хийж байна. Гэтэл энэ хэргийн амьд гэрч болох Булган байсаар
байтал тэр хүнийг гэрч биш гэж тайлбарлаж байна.

Хамгийн анхны ам зураг бол хамгийн бодит зураг гэж би хувьдаа
боддог. Гэтэл миний дүүг хэрэг гарахаас 10 жилийн өмнөх зурагтай ижил хэмээн
тайлбарласан байсан. МҮОНРТ-ээр хоёрдугаар сарын 12-нд цацсан нэвтрүүлгээр
захиалагчийг удахгүй олно гэсэн. Ингэхдээ зуучлагч байгаа учраас захиалагчийг
Т.Чимгээ, Б.Содномдаржаа, Ц.Амгаланбаатар нарын ойролцоо байгаа гэж нэг шинэ
дүр гаргаж ирээд хайж байгаа гэж хэлсэн. Тэгэхээр тэдний хэлж байгаагаар нь бол энэ гурвын гэр бүлээс
зуучлагчийг хайна гэж ярьж байгаа юм. Мөн тэр нэвтрүүлэгт 1998 онд татгалзах
аргагүй санал тавьсан гэж хэлсэн байна лээ.

Ц.Амгаланбаатар үе үе их мөнгөтэй болсон, түүнийгээ захиалагчаас
авч байсан гэж прокурорын байгууллагаас бэлтгэсэн нэвтрүүлэгт ярьсан
байсан. Тэгэхээр Ц.Амгаланбаатар захиалагчийг мэдэж байгаа юм биш үү гэсэн
хардлага төрж байгаа юм. Хэрэв үе үе их мөнгөтэй байдаг байсан юм бол ээжийгээ
гэрээс нь хөөж гаргаад, гэрээ зарж байсан, таксины жолоочийн амь насыг хөнөөсөн
хүн. Тэгэхээр их мөнгөтэй байсан хүн мөнгөний төлөө хүний амь нас хохироогоод
байж болох уу. Энэ мэт хууль, прокурорын байгууллагаас гаргаж байгаа мэдээллүүд
зөрүүтэй, ойлгомжгүй, эргэлзээ төрүүлсээр байна. Гаргаж байгаа баримтууд нь бүгд зөрүүтэй байна. Тиймээс энэ хэргийг ил болгохыг шаардаж байна. Шүүх,
прокурорынхон ярихдаа бүх зүйл баримттай, нотолгоотой гэж ярьдаг. Гэтэл гарт
баригдаж, нүдэнд харагдах ямар ч нотолгоо байдаггүй. 20 жилийн өмнө байрны
гадна сууж байсан хоёр гурван эмэгтэй гэрчлээд зургийг нь хараад энэ хүмүүс мөн
байна гэж тэр нэвтрүүлэгт яриад байгаа юм. Туршлагаас хэлэхэд нэг ангид хамт
сурч байсан нөхрөө 20 жилийн дараа харахад нэгнийгээ таньдаггүй. Гэтэл байрны
гадна харсан хүнээ 20 илийн дараа энэ хүн мөн гэж зааж байгаа нь яагаад ч
үнэмшил төрөхгүй байгаа юм.

Яагаад Б.Булган гэдэг хүнийг гэрч биш гээд шүүх
хуралд ч оруулахгүй байж гадаа гудамжинд сууж байсан хүмүүсийн хэлснийг
нотолгоо болгоод энэ хүмүүсийг буруутгаж байгаа юм бэ. Б.Булганыг баахан
байцааж, хорьж шалгаад энэ хэрэгт хамааралгүй, буруугүй юм байна гээд хэргийг
нь хэрэгсэхгүй болгож шийдвэрлэсэн. Тэгвэл хуулиараа энэ хүн гэрч болох эрх нь
сэргэх ёстой. Гэтэл гэрч биш гэсэн хүнээрээ ам зураг зуруулаад Хэрэг гарсан
даруйд Булганы зурж өгсөн ам зураг байдаг. Эмэгтэй нь өндөр, эрэгтэй нь намхан
зураг. Гэтэл Б.Содномдаржаа хамаагүй өндөр, Т.Чимгээ хамаагүй намхан шүү дээ.
Эсрэгээрээ. Гэтэл 20 жилийн дараа гэрч биш Б.Булганаар дахин ам зураг
гаргуулсан байна. Ийм Харахад яг хөрөг зураг шиг зурсан. Манай дүүгийн гэрээс
хурааж авсан альбомноос харж зурсан зураг гэж бодож байгаа.” гэлээ.