Ирэх сард АНУ-ын Батлан хамгаалахын Ази-Номхон далайн аюулгүй байдлын асуудал эрхэлсэн дэд сайд Рэндал Шрайвер Монгол Улсад айлчилна. Тэрээр айлчлалынхаа хүрээнд Батлан хамгаалахын сайд Н.Энхболдтой уулзан, цэргийн албан хаагчид, тэдний гэр бүлийн гишүүдэд эрүүл мэндийн үйлчилгээ үзүүлэх тухай хоёр улсын БХЯ хоорондын хэлэлцээрийг танилцуулах юм. Уулзалт ирэх сарын 1-ний пүрэв гаригийн 10:15 цагт Батлан Хамгаалах яаманд болж, хоёр талын төлөөлөл сэтгүүлчдэд мэдээлэл хийх юм байна.
