Баллистик пуужин «Сармат»
ОХУ-ын ерөнхийлөгч Путины хэлснээр тив алгасан нисэх хүнд баллистик пуужин “Смарт”-ыг идэвхтэй туршиж эхэлсэн. Тухайн “Смарт” пуужингийн нислэгийн холын зай хязгааргүй бөгөөд ч АЭХ ямарч системийг даван туулах чадвартай бөгөөд Зөвлөлт холбоот улсын үед байсан “Воевода” цогцолбороос холын зай болоод байлдааны блокуудын тоо ба хүчин чадлаараа давамгайлсан залгамжлагч пуужингийн шинэ цогцолбор юм хэмээн нэмж мэдэгдэлээ.
“Хойд ба өмнөд туйлыг гатлан ямарч целийг дайрах чадвартай бөгөөд АЭХ ямарч систем түүнд саад болж чадахгүй”-гэж Путин итгэлтэй хэллээ.
Цөмийн хөдөлгүүртэй шинэ далавчит пуужин
Цөмийн эрчим хүч суурилуулсан шинэ далавчит пуужингийн туршилт амжилттай явагдсан бөгөөд тэр нь ажиллагааны хязгааргүй зай болоод урьдчилан таамаглахын аргагүй нислэгийн даялалыг эзэмшсэн. Пуужин цельд очих хөдөлгөөнийхөө явцад нислэгийн баллистик даялалыг ашигладаггүй учраас түүний эсрэг ямарч АЭХ систем хүчгүй юм. Ийм төхөөрөмжтэй пуужин уул нуруу болоод пуужингийн эсрэг бүс мөн агаараас эсэргүүцэн хамгаалах хориглолтыг ч тойрон гарах чадвартай юм. Видео бичлэгт пуужин Оросын нутаг дэвсгэрээс гарч Номхон далайд байх АЭХ заагийг тойрон Өмнөд Амеркийг тойрон нисээд дараа нь АНУ-ын Зүүн эрэг рүү чиглэсэн. Оросоос өөр хаана ч ийм зэвсэг байхгүй гэж Путин мэдэгдсэн байна. Хэрэв шинээр гарч ирэх тохиолдолд “манай залуус ямар нэг-шинэ зүйл бодож олох л болно”-гээд, ийм пуужингийн алсын тусгал “ хязгааргүй”, шинэ далавчит пуужинг 2017 оны эцсээр амжилттай туршсан гэж нэмж хэллээ.
Дуунаас хэт хурдан ”Кинжал”
Дуунаас хэт хурдан “Кинжал”онгоц-пуужингийн цогцолборыг бүтээсэн тухайг ОХУ-ын ерөнхийлөгч Путин зарлаад энэ системийн туршилтын бичлэгийг үзүүллээ. Түүний хэлснээр, нислэг-техникийн шинж чанараараа онгоц-тээвэрлэгч нь пуужинг “хэрэгцээтэй цагт” хүрэх цэгт пуужинг хаях бөгөөд (дууны хурднаас арав дахин илүү хурдтай) хэт авианы хурдтай нисч буй пуужин даялалынхаа аль ч хэсэгт манёврлалт хийх чадвартай ажээ.
Пуужингийн энэ чадвар нь дэлхийд одоо байгаа тэгээд ч ирээдүйд бий болох АЭХ ба ПЭХ системийг даван туулах бөгөөд цөмийн болоод ердийн байлдааны цэнэгийг 2000 километр хүртэл зайг туулан целд хүргэнэ. 2017 оны арван хоёрдугаар сард онгоц-пуужингийн цогцолбор нь Өмнөд цэргийн тойргийн нисэх буудалд байлдааны жижүүрлэлт гүйцэтгэхээр болжээ.
Усан доорхи нисгэгчгүй аппарат
ОХУ-д маш сайн гүнд явах чадвартай тив алгасах холын зайг усан дээрх болон усан доорхи онгоц ба торпедийн хурднаас хэд дахин хурдтай, усан доогуур явагч нисгэгчгүй аппарат шинээр боловсруулсан, “Энэ бол ердөө л гайхамшиг”-гэж Путин мэдэгдсэн юм. Тэдгээр нь өргөн зурваст цель-онгоц тээвэрлэгч бүлэглэл, байлдааны бэхлэлтүүд болон дэд бүтэцүүдийг хөнөөх ердийн болоод цөмийн байлдааны галт хэрэгсэлүүдээр хангагдах боломтой юм гэжээ.
Пуужингийн цогцолбор“Авангард”
Стратегийн томилгоотой далавчит блокуудаар төлөвлөгдсөн, байлдааны шинэ зарчимд тулгуурласан, хэт авайны хурдтай ”Авангард” пуужингийн цогцолборыг амжилттай туршин улмаар үйлдвэрлэж эхэлжээ. Энэ систем нь тив алгасан нисэх зайнд хэт авианы хурдтайгаар агаарын нягтралыг туулж, мянган километр хүртэл зайнд даялалаа өөрчлөх бөгөөд ямарч төрөлийн ПЭХ-д “өртөхгүй”, цохилтын блок нь “ яг л солир бууж багаа мэт, яг л шатаж буй бөмбөлөг мэт”- гэж Путин дүрслэн хэллээ. Үзүүлж буй бичлэгт төхөөрөмжийн нислэгийг компьютер дүрслэлээр үзүүлжээ. Пуужин гараанаас гарсаныхаа дараа сансарт гарч улмаар шатлалууд тасарч, цохилтын блок огцом манёврлалт хийн ПЭХ системийг тойрч агаар мандалд орж цохилт хийнэ. Путин, “ Хэрэгсэлийн жинхэнэ төрхийг” үзүүлж чадахгүй гэхдээ “маш сайн ажилласан бөгөөд бодит” гэдгийг итгэлтэй онцолсон юм.
Байлдааны лазерийн цогцолбор
ОХУ-д физикийн шинэ зарчим дээр түшиглэсэн, ирээдүйн шинэ зэвсэг бүтээсэн нь байлдааны лазерын цогцолбор юм. 2017 оноос оросын цэргийн хэрэглээнд орсон. Ерөнхийлөгч тэдгээрийн шинж чанарын талаар дэлгэрэнгүй дурьдаагүй бөгөөд харин бусад улстай харьцуулахад Оросууд нэг алхам түрүүлсэн гэж мэдэгдсэн.
ОХУ-ын пуужингийн бүх шинэ зэвсэглэл нь америкийн болоод НАТО-ийн зүүн чигт хийж буй өргөтгөл, ПЭХ-ийг ямар ч ашиггүй болгосон гэж Путин илтгэлийн төгсгөлдөө дурьдсан юм. Пентагон, үүнд гайхахгүй байна тэгээд ч “Амеркийн ард түмэн бид бүрэн бэлтгэлтэй байгаа гэдэгт итгэх ёстой”-гэж мэдэгдсэн байна.
Ц.Пүрэвдорж
