Өлөн элгэн дээрээ идэж болохгүй зүйлс

Өдрийн хамгийн сайхан үе бол өглөө. Сайхан унтаад амарчихсан, хүч чадал бялхаж бүх зүйлийг шинээр эхэлмээр санагдана. Энэ мэдрэмжээ өдөржин хадгалж чадах эсэх нь өглөөний цайнаас ихээхэн шалтгаалдаг. Өглөөгүүр заавал юм идэх ёстой шүү! Гэхдээ дараах зүйлүүдийг өлөн дээрээ идэхгүй байсан нь дээр.

Лимон, апельсин, мандарин зэрэг цитрусын төрлийн жимс, түүгээр хийсэн ундаа

$\"Өлөн$

Цитрусын төрлийн жимснүүд нь элэг, ходоодонд халтай ачаалал үүсгэнэ. Улмаар гастрит буюу ходоодны салст бүрхэвчийн үрэвслийг эхлүүлэх аюултай.

Гадил

$\"Өлөн$

Зүрхний үйл ажиллагааг сайжруулдаг магни гадил жимсэнд ихээр агуулагддаг. Тэглээ гээд өлөн дээрээ идэж болохгүй. Учир нь организм дахь кали-магнийн тэнцвэр алдагдаж, өдөржин бие суларч нозоордог байна.

Түүхий ногоо

$\"Өлөн$

Ногооны салат амттай ч, түүхий ногоонд байх хүчил нь ходоодны ханыг үрэвсүүлж, шарх үүсэх гол нөхцөл болдог.

Йогурт

$\"Өлөн$

Өлөн дээрээ идсэн йогурт учиргүй хор болохгүй ч, бас хоол болохгүй. Учир нь организмд өглөөгүүр нэмэлт бактерууд хэрэггүй байдаг аж. Харин өдөр юм уу, орой идвэл жинхэнэ хэрэгцээт хүнс болно.

Хүйтэн ундаанууд

$\"Өлөн$

Ер нь хүйтэн ус, ундаа зэрэг нь хоол боловсруулах явцад муугаар нөлөөлдөг учир хооллож байх үедээ, эсвэл дараа нь халуун бүлээн ус, цай хэрэглэсэн нь дээр. Өглөөгүүр хүйтэн юм ууснаас болж хоол боловсруулах процесс бүтэн өдөржин удааширдаг.

Амттан

$\"Өлөн$

Нойр булчирхай өглөөгүүр инсулиныг хангалттай хэмжээгээр ялгаруулж чаддаггүй учир хоосон ходоодоо амттанаар дүүргэх нь хор идэж буйгаас ялгаагүй. Цусан дахь сахарын хэмжээ эрс нэмэгдэж, асуудал үүснэ. Чихрийн шижин өвчин ингэж үүсдэг ажээ. Нойр булчирхайг хамаагүй \”оролдож” огт болохгүй.

Кофе

$\"Өлөн$

Өглөө босонгуутаа кофе ууж үзээгүй хэн байх вэ? Гэтэл энэ нь маш буруу зуршил гэнэ. Ходоодны салст бүрхэвч кофенд маш ихээр цочирдог аж. Дөнгөж нойрноос сэрсэн элэг ч их хэмжээний бодис шүүх ажилтай тулгарна. Нойр булчирхай ч давхар цочирдог байна.

эх сурвалж: viva.mn