Шийдэл “орших уу эс орших уу”

Ардчилсан нам МАХН-тай сүлбэлдэхээр л
асуудалд орчих гээд байдаг. Бид их мартамхай улс л даа. Энэ үгийг бичсэн
нийтлэл болгондоо л дурдах гээд байдаг болж. Яагаав Н.Алтанхуяг Ерөнхий сайд
байхдаа Засгийн газраа авч үлдэхийн тулд МАХН-тай, тэр дундаа намын дарга
Н.Энхбаяртай \”нууц гэрээ” гэгчийг байгуулаад намын лидерүүдийн нэг Э.Бат-Үүлийн
дургүйг хүргээгүй юу. 

Намын лидер уурласан учраас гишүүд ч
дагалдаж, улмаар Н.Алтанхуяг эцсийн үгээ чуулганы индэр дээр дайж, \”матрын
нулимс” унаган байж огцорсоныг би лав их тодхон санаж байна. Гэтэл Ардчилсан
намынхан энэ үйл явдлыг \”таг мартчихсан” бололтой юм.

УИХ-д Ардчилсан намын алдаа бүрийг
өөнтөглөж, гишгэгдэл бүр дээр нь \”дэгээ тавих”-аар МАН сөрөг хүчин болон
суугаа. Үүнээс өөр ажил хийхгүй юм байна гэдгийг өнгөрөгч гурван жилийн
хугацаанд хангалттай ойлгож, мэдэрлээ шүү дээ. Тэгвэл өмнө нь Н.Алтанхуягийн
Засгийн газрыг АН-ын гишүүдтэй нийлж байгаа унагаж чадсан нөхдүүд энэ удаад ч
тэгэхгүй гэх баталгаа алга. Гол нь Ч.Сайханбилэг алдаа гаргахгүй л байх ёстой.

Гэвч \”УИХ-ын дарга З.Энхболд,
Ч.Сайханбилэг нарыг нууц тохироо хийж МАХН-ын дарга Н.Энхбаярыг Шадар сайд
болгох нь” гэсэн мэдээлэл нэг хэсэгтээ ч бүүдгэрхэн цацагдлаа. Энэ бол алдаа.

 

МАХН-ын дэд дарга Д.Тэрбишдагва энэ
тохиролцооны тухай \”мэдээгүй, худал цуурхал байх” хэмээн өчигдөрхөн телевизээр
ярьж байгаа харагдсан. Гэтэл өнөөдөр өглөө ажлын цаг эхэлмэгц УИХ дахь \”Шударга
ёс” эсвлийн бүлгийн дэд дарга З.Баянсэлэнгэ \”намын дарга Н.Энхбаярыг Шадар
сайдад нэр дэвшүүлж байна” гэх утгатай хүсэлтээ Ерөнхий сайдад өргөн барьчихлаа.

Өөрөөр хэлбэл тохироо аль эрт
хийгдчихсэн байж. Харин эгзэгтэй цаг мөчийг л хүлээж байсан бололтой юм. Ингээд
л Ц.Оюунбаатарыг өөрийн хүсэлтээр албан тушаалаас нь огцруулж, Н.Энхбаяр улс
төрд иргэн ирэх тавилантай байж л дээ.

 

Харин АН-ынхан л түүнд үргэлж мад
тавиулаад байгаа нь хачин. Яг л нэг алдаан дээр нь дөрөөлөөд л хоёр дох удаагаа
мад тавьж байхад дахин дахин түүнийгээ Н.Энхбаярт дэлгэж, найр тавьсаар л байх
юм. Үнэхээр хачин. Магадгүй Н.Алтанхуягийн ч, Ч.Сайханбилэгийн ч
Засгийн газар \”орших уу эсэх орших уу” нь Н.Энхбаяртай холбоотой учраас хүссэн
хүсээгүй найр тавихаас аргагүйд хүрдэг байх.

 

Тэгвэл энэ нь алдаа болж АН-ыг дэгээдэх
МАН-д хүч нэмэх боломжийн өгсөөр байна.

 

МАХН-д, Н.Энхбаярт найр тавьснаар
огцрох хаалгаа онгойлгосон Н.Алтанхуягийн жишээг Ч.Сайханбилэг давтах ёсгүй
гэдгийг АН-ын зарим гишүүд хэлээд эхэллээ. Яагаав дээр сануулсан Э.Бат-Үүл
дургүйцдэг шиг, Ч.Сайханбилэгийн үйлдлийг мөн л АН-ын гишүүд эсэргүүцээд эхлэх
нь тэр. Одоохондоо лидерүүдээс дуу гарахгүй байгаа ч гишүүдийн давалгай
нэмэгдвэл хүссэн хүсээгүй ханиалгаж л таараа.

 

Энэ үед МАН алга ташин хүлээн авч, шинэчлэлээс халаа авсан шийдэл орших эс
орших тухай яригдаж эхлэх нь.