Футзалын УАШТ-ий долоо дахь өдөр 1/8 шигшээн тоглолтууд явагдаж дууслаа. \”Хангарьд Сити-Дүнжингарав\” өөрсдийн учраа болох \”Замчин\” багийг торгуулын цохилтоор буулгаж авлаа. Тоглолтын эхний үеийн цорын ганц гоолыг А.Бодьрагчаа оруулж харин 2-р үеийн эхэнд Б.Баярбат гоол оруулсанаар Хангарьд Сити тоглолтыг хошуучилж байлаа. Гэсэн ч Замчин багийн тамирчин Т.Ганзориг 13 дахь минутанд дараалсан хоёр гоолыг оруулж тооны харьцааг тэнцүүлсэн. Ийнхүү үндсэн цаг өндөрлөж багууд торгуулын цохилт \”Хангарьд Сити\” хожил байгуулсан байна. Тэднээс 5 цохилтыг гүйцэтгэсэн бүх тамирчид үүргээ амжилттай биелүүлсэн бол Замчин багийн сүүлийн цохилтыг гүйцэтгэсэн тоглолгч алдсанаар ийнхүү тэмцээнийг орхилоо. ![\"\"](http://undesten.mn/uploads/posts/2015-12/1449729477_344d33dc3274e1eb01de916c92eb677a.jpg "\\"\\"")
Өнөөдрийн сүүлийн тоглолт \”Континенталь\” ба Сансар багуудын хооронд боллоо. Тус тоглолтын эхнээс санаачлага өндөртэй байсан Континенталь 4-1 харьцаатай хожил байгуулсанаар шилдэг наймд шалгарлаа. Маргааш тэмцээний хагас шигшээн эрхийн төлөөх тоглолтууд явагдах болно. Эрхэм үзэгчид та бүхэн МХБХ-ны футзалын ордонд хүрэлцэн ирж шилдэг найман багийн өрсөлдөөнийг хүлээн авч үзээрэй.
