Найман хувийн хүүтэй ипотекийн зээл олголт зогслоо

Үндсэн хуулийн Цэц их суудлын
хуралдаанаа хийж, хэд хэдэн асуудлыг хэлэлцсэн. Эдгээр асуудлуудаас Үл хөдлөх
хөрөнгийн барьцааны тухай хуулийн асуудлаар гаргасан шийдвэр олон нийтийн
анхаарал ороод байгаа билээ. Тодруулбал, Үл хөдлөх хөрөнгийн барьцааны тухай
хууль нь Иргэний хуулийн 171 дүгээр зүйлийн 171.2 дахь заалтыг зөрчсөн хэмээн
Үндсэн хуулийн Цэц үзэж, дүгнэлт гаргаад байгаа юм.

 

Гэвч энэ дүгнэлтээс болоод
найман хувийн хүүтэй орон сууцны зээл зогсох магадлалтай болоод байсан.
Тэгвэл арилжааны банкны удирдлагууд өчигдөр хуралдаж, ипотекийн зээл олголтыг
түр хугацаагаар зогсоох шийдвэр гаргасан байна. Ийм шийдвэр гаргах болсон
шалтгаан нь Үндсэн хуулийн Цэцийн дүгнэлттэй холбоотой гэдгээ ч тайлбарлажээ.
Учир нь Цэцийн дүгнэлт арилжааны банкуудад халгаатай бөгөөд найман хувийн
зээлийг цаашид хэрэгжүүлэх хууль эрх зүйн орчингүй болж байна гэж тэд үзсэн
байна.

Өөрөөр хэлбэл Цэцийн гаргасан
дүгнэлт найман хувийн хүүтэй зээл олголтыг түр хугацаагаар ч болов гацааж
чадлаа. Тэгвэл энэ нь хэнд ашигтай вэ. Уг нь Цэц иргэний эрх зөрчигдөж байна
хэмээн үзэж шийдвэр гаргасан. Гэвч гаргасан шийдвэр нь буцаад иргэддээ сөргөөр
нөлөөлж болохуйц байдлыг бий болгочихлоо.

 

Харин уг асуудлаар УИХ-д
суудалтай намууд \”улс төр” хийгээд авч байна. Тодруулбал, МАН-ын зүгээс АН-ыг
буруутгаж, найман хувийн хүүтэй зээлийг зогсоохоор ҮХЦ-тэй үгсэн хуувилдсан гэж
гүтгэлээ хэмээн мэдэгдэл хийгээд авсан. Удалгүй АН, \”Шударга ёс” эвслийн
бүлэгтэй хамтран дараах мэдэгдлийг гаргав.

 

 

Хоёр намын хамтарсан мэдэгдлээс
найман хувийн хүүтэй орон сууцны зээл олголтыг үргэлжлүүлэх, цаашлаад амины
орон сууц авах тохиолдолд энэ зээлд хамрагдах боломжийг бүрдүүлэхээр ажиллаж
байгаа тухай тусгажээ. Гэвч арилжааны банкууд зээл олголтыг түр хугацаанд
зогсоолоо хэмээн мэдэгдчихээд байдаг. Асуудал яаж эргэхийг харзнаж байна гэсэн
үг юм. Эндээс харахад УИХ-д суудалтай гурван нам хэн нэгнээсээ илүү нэр хүнд
олж авахын тулд хэмлэлдэж байх зуур цөөн хэдэн иргэд нь л хохирогч болж байх
шиг байна л даа.

Орон сууцны худалдан авалт
муудсан нь үнэн. Гэхдээ ойрын өдрүүдэд орон сууцанд орохоор төлөвлөж, зээл
хөөцөлдөж байсан иргэд байхыг үгүйсгэхгүй. Гэвч утгагүй улс төржилт, тэнэглэлээс болоод
тэдний эрх зөрчигдөх нь. Одоо найман хувийн хүүгээ 20 болгож өгсөчихгүй биз дээ.  

Амар