Дорноговь аймгийн Замын-Үүд суманд гуравдугаар сарын 12-13-нд шилжих шөнө ой найман сартай хүүг хүчирхийлсэн ноцтой хэрэг гарсан талаар бид өмнө нь мэдээлж байсан билээ. Ой найман сартай хүүг хүчирхийлэлд өртсөн даруйд Замын-Үүд сумын эмнэлэгт хүргэж, эмнэлэгийн анхан шатны тусламж үйлчилгээг үзүүлсэн бөгөөд 3-р сарын 13 ны оройн 19.00 цагийн үед Гэмтэл согог судлалын үндэсний төвд хэвтүүлж, 4 хоногийн турш эмчилгээ хийжээ. Үүний дараа эмнэлэгийн зүгээс хүүгийн биеийн байдал гайгүй, хагалгаа хийх шаардлагагүй гэсэн эмчийн дүгнэлт гарч 3-р сарын 16 ны өдөр ар гэрийнхэнд нь шилжүүлсэн байна. Баттай эх сурвалжаас авсан мэдээллээр ой найман сартай хүүг хүчирхийлсэн этгээдийг А.Цэрэнсугар гэдэг бөгөөд одоогоор түүнд эрүүгийн хуулийн 12.1 дүгээр зүйлийн 12.1.4-т заасны дагуу эрүүгийн хэрэг үүсгэн яллагдагчаар татаад байгаа ажээ. Монгол улсын Эрүүгийн хуулинд 12.1 дүгээр зүйлийн 12.1.4-т заалт буюу “Хүчирхийлэх гэмт хэргийг бага насны хүүхдийн эсрэг үйлдсэн бол 12-20 жил хүртэл, эсхүл бүх насаар нь хорих ял шийтгэнэ” гэх хуулийн заалттай байдаг юм байна.
