М.Зоригт улс төрийг орхихоор шийджээ

 

УИХ-ын гишүүн, Зам, тээврийн
сайд М.Зоригт улс орхихоор
шийдсэнээ мэдэгдлээ. Тэрбээр саяхан болж өндөрлөсөн Сүхбаатар аймгийн нутгийн зөвлөлөөс зохион байгуулсан \”Гангар хун” шинэ жилийн цэнгүүний үеэр улс төрийг орхихоор шийдсэнээ мэдэгджээ. Түүнчлэн
улс төрөөс холдоод гэрэл зураг болон кино урлагт хүч
үзнэ гэдгээ хэлжээ.

М.Зоригт \”Гангар хун”-гийн эзэн болсныхоо дараа
\”Би нутгийн олон та бүхнийхээ итгэл, дэмжлэгээр УИХ-д хоёронтаа суусан. Харин
ирэх оны сонгуульд нэр дэвшихгүй гэдгээ албан ёсоор зарлаж байна. УИХ-д сууж
байх хугацаандаа хөдөө орон нутгаа төлөөлөх эрх бүхий УИХ-ын гишүүн хүн нутаг
орондоо ажиллаж амьдарч үзсэн, эгэл иргэдийн амьдралыг ойлгодог хүн байх нь зөв
юм гэдгийг ойлгосон. Тиймээс нутгийнхаа төлөө ихийг хийж бүтээж буй Сүхбаатар
аймгийн Засаг дарга Ж.Батсуурийгаа сонгуульд нэр дэвших байх аа гэж бодож
байгаа. Миний хувьд ирэх оноос улс төрөөс ангид амьдрах хүсэлтэй байгаа”
гэсэн байна.