\”Халагдсан дэд сайд\”-ууд зөвлөөд эхэллээ, төсөв хэмнэх юу болов

2015 оны төсвийн тодотголын хамт 2015 оны 10 дугаар сарын
30-ны өдөр батлагдсан Засгийн газрын тухай хуульд өөрчлөлт оруулах тухай
хуулийг үндэслэн ажил үүргээ гүйцэтгэж байгаанэр бүхий дэд сайд нарыг үүрэгт ажлаас нь чөлөөлөх шийдвэрийг Засгийн газраас гаргасан билээ. Өөрөөр хэлбэл одоо яаманд \”дэд
сайд” гэх албан тушаал байхгүй болсон.

 

Энэ онд Монгол Улсын эдийн засаг
мэдэгдэхүйц хямарлаа. Тиймээс ч улс орон даяар бүсээ чангалах, хэмнэх, танах бодлого
баримтлан ажиллав. Тэгвэл \”улс төрийн
хүрээнд хийгдсэн танах, хэмнэх ажил нь дэд сайд гэх албан тушаалыг халах байлаа”
гэж ойлгогдсон. Дэд сайд гэх албан тушаалыг халснаар 600 гаруй сая төгрөг
хэмнэж байгаа гэх мэдээлэл ч тухайн үед явж байлаа.

Гэвч энэ зүгээр л \”тархи угаалт” байсан
нь харамсалтай.

Яагаад гэж үү? Яагаад гэвэл нөгөө төсөв
хэмнэхээр халагдсан дэд сайд нар чинь бүгд сайдын болон Ерөнхийлөгчийн зөвлөх
гэсэн албан тушаалд томилогдоод, төрийн үйл хэрэгт оролцоод эхэллээ шүү дээ.Зөвлөх гэдэг албан тушаалтан ажил хийж л байгаа учраас цалин авч л таарна.
Харин дэд сайдаас их үү, бага уу гэдгийг нь хэлж мэдэхгүй юм. Гэхдээ л тэд
төсөвт өмнөх шигээ л дарамт учруулсаар л байх нь.

Сангийн дэд сайд асан С.Пүрэв өнөөдөр
Сангийн сайдад зөвлөж, яамныхаа хуучин өрөөнд тухлаж байгаа. Харин Хууль зүйн
дэд сайд асан Ц.Уугангэрэл Монгол Улсын Ерөнхийлөгчид зөвлөж, төрийн хүндтэй
албан хашч байна. Тэгвэл саяхан Зам
тээврийн дэд сайд асан Х.Иржан, сайдын зөвлөхөөр томилогдсон тухай мэдээлэл эх
сурвалжаас ирэв. Эндээс албан тушаалаасаа чөлөөлөгдсөн дэд сайдуудыг
чимээгүйхэн төрийн өндөр албан тушаалд эргүүлэн томилоод эхэллээ гэж ойлгоод
байгаа юм.

\”Нэмэгдэхүүний байрыг сольсон ч нийлбэрийн чанар өөрчлөгдөхгүй\” гэдэгтээ утга нэг үйлдэл болж байна гэж шуудхан дүгнэж болохоор.  

Харагдах өнцөг нь төсөв хэмнэж, хэрэггүй
албан тушаалыг халж буй мэт боловч яг үнэндээ өнөөх халсан хүмүүсээ илүү өндөр
албан тушаалд томилоод эхэллээ. Хаана, хэн, хэчнээн хэмжээний төсөв хэмнэв.
Харин ч албан тушаалаас нь чөлөөлж ихээхэн нөхөн олговор олгож, төсөвт бүр ч их
хэмжээний дарамт учруулчихсан юм биш биз.

А.Аюуш