Б.Батзаяа өлсгөлөн зарлаад суллагдах бололтой

 

 

10 тэрбумыг хулгайлбал
10 сар суугаад төрийн ордонд, 10 мянгыг хулгайлбал 10 жил уншуулаад хорих ангид
заларсан жишээ Монгол Улсад бий. Өдөр хоногоо арга ядан өнгөрүүлж өлсч, даарсан
үр хүүхдэдээ хоол авч өгөхийн тулд 10 мянган төгрөг хулгайлсан өрх толгойлсон
эмэгтэйд дээрх ялыг өгч, үлэмж хэмжээний хохирол улсад учруулсан хүнийг
өлсгөлөн зарлалаа хэмээн сулласан түүх нэг биш нэлээдгүй бий. Улсад онц их
хэмжээний хохирол учруулж, мөнгө угаасан хурган дарга нарын цаана үргэлж төрд
суугаа томчууд байдаг бөгөөд мөнгөний ихэнх хувийг хүртдэг нь нууц биш. Нөгөө
талаас өнөөдөр төрд зөвхөн төсвийн мөнгийг хэрхэн завших вэ гэсэн бодолтой нөхдүүд
үүрлэж, хэн нь илүү завших вэ гэдгээрээ өрсөлдөж байна.

Хамгийн сүүлд л гэхэд Ерөнхий
сайд асан Алтанхуягийг засаг толгойлж байх үед түүний хар бор ажлыг хийж басхүү
түүнийнхээ үр шимийг хүртэж багагүй мөнгө халаасалсан хүргэн Г.Дэнзэнг нь
цагдан хорих 461 дүгээр ангид саатуулж багагүй хугацаанд хорьсон.

Уг нь түүнийг
Н.Алтанхуягийн авлигын хэрэгтэй холбогдуулан саатуулж, шалгаж эхэлсэн. Гэвч дээд
удирдлагаа эцсээ хүртэл хамгаалж байгаад гарч ирдэг хурган дарга нарыг адилаар Г.Дэнзэнг
хадам аав Н.Алтанхуягийнхаа булхайг нуусаар гарч ирсэн юм. Ингэхдээ өлсгөлөн
зарлаж, УИХ-д суугаа ганц нэг хүнийг өөрийнхөө биеийн байдалд санаа тавиулж
байгаад гарч ирдэг нь нууц биш. Мэдээж ингэж гарч ирсний эцэст хав дарсан хэдэн
тэрбумаараа туйлж өгдөг. Ийм жишиг Монгол төрд тогтоод удаж байгаа бөгөөд дахин
давтагдах гэж байна.

Тодруулбал, Зам, тээврийн яамны Төрийн нарийн бичгийн дарга асан Б.Батзаяаг бусадтай нийлүүлэн улсад онц их
хэмжээний хохирол учруулсан, мөнгө угаасан хэргээр хэд хэдэн хүний хамт саатуулан
шалгаж эхэлсэн бөгөөд зарим нь гадагшаа зугтаж, Интерполоор хайж байгаа. Их
хэмжээний мөнгөний хэрэг учраас Б.Батзаяа болон түүний нөхөд тийм ч амархан
суллагдчихгүй ба тэрхүү мөнгөний ихэнхийг хүртсэн төрд суугаа тэдний дээд эзэн
олон нийтийн анхаарал хэт төвлөрсөн энэ хэрэгт тусалж чадахгүй байгаагаас
Б.Батзаяа өөрийгөө суллуулах үүднээс өлсгөлөн зарлахаар шийджээ.

Ингэхдээ
УИХ-ын гишүүн О.Баасанхүүтэй уулзах хүсэлт тавьжээ. Тэгэхээр тун удахгүй УИХ-ын
гишүүн Ц.Оюунгэрэл \”Дэнзэнгийн биеийн байдал муудаад байна” гэж гүйж явж суллуулсан
шиг УИХ-ын гишүүн О.Баасанхүү \”Б.Батзаяагийн биеийн байдал муудаад байна” гэж
суллуулахаар хөөцөлдөх бололтой.