Хүний амиар олдсон Тост, Тосон бумбын нуруу сонгуулийн шоу биш байгаасай

 

 

Дэлхийд нэн ховордож Улаан номонд орсон ургамал, амьтны /тэр
дунд цоохор ирвэс. Энэ газарт 24 ирвэс байдаг/ баянбүрд болсон Өмнөговь аймгийн
Гурвантэс сумын нутагт орших Тост, Тосон бумбын нуруунд мөнгөний төлөө нүдээ
ухаад өгөхөөс буцахгүй нөхдүүдээр толгойлуулсан уул уурхай компаниуд газар
эзэмшиж, хайгуул, олборлолтын ажил хийж байсан бөгөөд энэхүү газрыг улсын
нөөцөд авахуулахаар тэмцэж явахдаа амиа алдсан Т.Лхагвасүмбэрэл залуугийн үйл
хэрэг амжилтад хүрч Тост, Тосон бумбын нурууг улсын нөөцөд авлаа.

Улсын нөөцөд авснаартухайн газарт хайгуулын лиценз олгохыг зогсоохоос гадна өмнө
олгогдсон тусгай зөвшөөрлүүдийн талбайд ашигт малтмал эрэх, хайх, ашиглах үйл
ажиллагаа хязгаарлах гэж Ерөнхий сайдын зөвлөх Ц.Мөнхтөр сэтгүүлчдэд
мэдээлэл хийх үеэрээ мэдэгдсэн юм. Гэхдээ манай төр хүний амь эрсдэхээс
өмнө, олон нийтийн анхаарал төвлөрөхөөс өмнө аливаа асуудлыг анхаарч үзэж,
шийдвэрлэдэг болмоор байна.

Т.Лхагвасүмбэрэл шиг олон залуус хууль бус, шударга
бус явдлын төлөө шат шатны байгууллагад ханддаж, бичиг хүргүүлж, жагсч,
өлсгөлөн зарлаж байсан ч тоодоггүй төр засаг аливаа хүний амь нас эрсдэж юм уу
эрүүл мэндээрээ ноцтой хохирсонтой холбоотойгоор ард түмний анхаарал
төвлөрлөхөөр л нэг юм ухаан ордог болж. Мэдээж сонгууль дөхөхөөр жигтэйхэн ард
түмнээ сонсдог болчихдог нь төр засгийн нууц биш билээ.

Ямартай ч, Тост, Тосон
бумбын нурууг улсын нөөцөд авсан энэ ажил сонгуулийн өмнө ард түмэнд таалагдах гэсэн
ажил биш байгаасай. Нөгөө талаас Тост, Тосон бумбын нурууг аймгийн нөөцөд
авахуулах ажлынхаа явцад гурван ч удаа хулгайлагдан хутгалуулж, дарамтлуулж
байсан Т.Лхагвасүмбэрэл залуугийн эцсийн хүсэл нь энэ газрыг аймгийн нөөцөөс
улсын нөөцөд авахуулах байсан юм.

Тэгвэл энэ газарт хамгийн том газрыг эзэмшиж,
дангаараа шахуу олборлолт хийж буй УИХ-ын гишүүн, МАН-ын Б.Чойжилсүрэн
тэргүүтэй \”Саус гоби коэл транс” компанид Тост, Тосон бумбын нурууг улсын нөөцөд авах асуудлыг ил,
далд ихэд эсэргүүцсэн ч ийнхүү эрх барьж буй өөр намд ялагдлаа.