Сонгууль дөхлөө, Тайган болгох хуулийн төслөө дахин барих юм биш биз улстөрчдөө

 

 

 

Сонгууль
дөхөхөөр ард түмэндээ жигтэйхэн их хайртай болж, тэнгэрээс бууж ирдэг хүмүүс
бол энэ хэдэн улстөрчид билээ. Архагшиж, тагтаршсан улстөрчдөөс авахуулаад дөрвөн
жил ард түмнээрээ угжуулж, памперстай явсан \”хэлгүй”, \”хөлгүй” гишүүд нь хүртэл
хэл, хөлд зэрэг шахуу орж, төлөвшөөгүй хүний юм ярьж явьдаг. Өнгөрсөн 2012 оны УИХ-ын
сонгуулийн өмнө хэсэг гишүүд нэгдэн нийлж ард түмэнд таалагдаж дахин
сонгогдохын тулд тун чиг элэг хөшөөмөөр нэгэн санаа дэвшүүлсэн нь тухайн үедээ
тэгсгээд нууцлаад өнгөрсөн. Гэсэн ч үнэн юм шүү.

Аргагүй л дээ, арай илүү төлөвшсөн
нэг нь наад санаа чинь арай биш юмаа гэдгийг хэлсэн биз. Дээр дурдсанчлан хэсэг
гишүүд нийлж \”Насанд хүрээгүй, бага насны эмэгтэй хүүхдийг хүчиндсэн хүнийг
тайган болгох” хуулийн төсөл санаачилж, маш сайхан санаа сэдлээ хэмээн
өөрсдөдөө ихэд олзуурхан бусдад танилцуулсан ч амаа таглуулсан юм. Насанд
хүрээгүй, бага насны охидод хүч хэрэглэн дур хүслээ гүйцээсэн этгээдүүдийг
үнэхээр чанга, хатуугаар шийтгэх нь зөв гэхдээ арай ч хүний эрхэнд халдаж
хөнгөлж болохгүй л дээ энэ ардчилсан нийгэмд. Одоо бодвол тэр хэдэн улстөрч нь
арай л тэнэг юм сэтгэж байжээ хэмээн бодож ичиж үхэх шахаж байгаа байхдаа. Эр
хүнийг засч, тайган болгодог бүдүүлэг ёс бүдүүлэг нийгэмд л бий болсон.

Хэн
нэгэн хаан олон хатан, эмсээ хянахын тулд ойр орчмынх нь эрсийг хөнгөлж, улмаар
тэр ёс нь дэлхийгээр тархсан биз. Өдгөө манайд эртний хаад, ноёд шиг аяглаж,
олон эхнэр, залуу охидуудаар өөрийгөө чимж амьдардаг улстөрчид захаасаа аваад
бий бөгөөд ганц нэгэнд нь ойртсон эрчүүдийг хөнгөлчих юмсан гэж боддог
бололтой. Тиймдээ л хөнгөлөх хуулийн төсөл сэдсэн биз. Түүнээс биш эрүүл
саруулаар сэтгэдэг хүний толгойноос арай ч хөнгөлөх хуулийн төсөл гармаагүй
санагдана. Ямартай ч, энэ удаа \”тайган болгох” хуулийн төслөө дахин барихгүй
байх гэхдээ л өмнөхөө бодвол янз бүрийн гаж нөхдүүдээр бүрэлдэхүүнээ шинэчилж,
тиймдээ ч \”гажиг” парламент гэгдэх болсон энэ удаагийн 76-гийн дотроос
хөнгөлөхөөс долоон доор зүйл сэдэхийг байг гэхгүй л санагдана.