![\"\"](http://undesten.mn/uploads/posts/2015-12/1450933449_xopom.com-yamar-ch-hooltoy-zohicoh-20-trliyn-sous-beltgeh-zhor-21.jpg "\\"\\"")
20 төрлийн соус хийх жор
Соус нь хоолыг улам сайхан амттай, тансаг болгодог. Ялангуяа тахинаы мах, шарсан төмс, загасны махыг тохирсон соустай идэх хичнээн тааламжтай билээ дээ. Соусыг ихэвчлэн рестораны мэргэжлийн ур чадвартай тогооч нар бэлддэг. Энгийн мэт харагдавч ур чадвар, мэдрэмж шаарддаг зүйл. Рестораны нууц жор эзэгтэй таны өмнө дэлгэгдлээ
1. Бешамель
Энэхүү соус нь бүх төрлийн хоолонд тохиромжтой сонгодог соус. Бешамель соусыг паста, загас, далайн бүтээгдэхүүн, ногоо, тахиа, цацагт хяруул гэхмэт бүх төрлийн хоолонд хэрэглэх бөгөөд салатны оронд ашиглах боломжтой.
Соусын бэлтгэхдээ 2 аяга сүү халаана. 3 хоолны халбага цөцгийн тос хайлуулж 2 хоолны халбага гурил хийж сайтар хутгаад халаасан сүүн дээрээ нэмэн зөөлөн хутгаж буцалгана. 1-2 минут буцалгахад өтгөрч эхлэх бөгөөд давс, бусад амтлагчаар амталж болно.
2. Гоймон болон, пиццатай тохирох хамгийн сайхан соус болох Италийн улаан лоолийн соус
Том тавганд оливийн тос хийж халаагаад 1 ширхэг сонгино, 3 хумс буталсан сармис хийгээд 7-8 минут хуурна. Лаазалсан улаан лооль 800 гр, 2 халбага улаан лоолийн паста, 1 халбага оригано болон 4 ширхэг шинэ улаан лоолийг нэмээд 1 халбага элсэн чихэр хийсний дараа хутгаж буцалгана.
3. Сармистай соус
250 гр цөцгийн дээр яншуйг маш жижиг хэрчиж хийнэ. Бэлдсэн цөцгийн дээрээ 2-3 ширхэг сармисыг нухаж, бага зэрэг перц цацаад сайтар хутгана. Ингээд сармистай гич бэлэн боллоо.
4. Загасны махтай төгс зохицох соус
200 мл цөцгийн дээр 1 цайны халбага цагаан гич, 4 цайны халбага дижонын гич, 2 цайны халбага зөгийн бал, лайм эсвэл нимбэгийн шүүс нэмж сайтар холино. Яншуйг маш жижигхэн хэрчээд нэмж хутгана.
5. Паста болон шарсан төмстэй төгс зохицох бяслагтай соус
200 гр шингэн бяслаг, 10 мл тос, 200 мл цөцгийн тос хооронд холиод буцалтал нь хутгана. Буцлангуут нь гал дээрээс авч базилик болон хар перцээр амтлаарай. Мөн 50 гр нунтаг бяслаг нэмнэ.
6. Энгийн хирнээ амттай соус
6 халбага майонез эсвэл цөцгий байж болно. Мөн тал нь цөцгий, тал нь майонезаар хийж болох юм. Даршилсан өргөст хэмх, яншуйгаа жижиглэн хэрчээд, сармисаа нухаж жижиглээд майонез /эсвэл цөцгий/ дээрээ нэмээд сайтар хутгана. Павс перц хийгээд хөргөгчинп хийж амраана. Хүсвэл бага зэрэг нимбэгний шүүс, гич, ногоон сонгино нэмж болно. Энэхүү соус бүх төрлийн махан хоолтой зохицох бөгөөд шувуу, загас, далайн гаралтай хоолнуудтай төгс зохицно.
7. Тахианы махтай зохицох зөгийн балтай соус
2/1 стакан гич, 1/4 стакан зөгийн бал, тал цайны халбага цагаан гаа хийгээд холинон. Хөргөгчинд хийгээд хэсэг амраана. Чанасан, шарсан бүхий л төрлийн тахианы маханд тохиромжтой.
8. Улаан дарстай махан хоолтой зохицох соус
Ногоон сонгиныг хэрчээд оливийн тосонд 7 минут орчим зөөлөн гал дээр шарна. 175 мл усан дээр 2 стакан улаан дарс хийгээд 10 минуь орчим зөөлөн буцалгана. 40 гр цөцгийн тосыг хайлуулан нэг халбага гурилтай хольж хуурна. Буцалгаж бэлэн болгосон дарсан дээрээ бага багаар хийж сайтар хутгана. Давс, перц, жижиглэж хэрчсэн яншуйгаа нэмээд сайтар хутгаарай. Хэрвээ гашуун санагдвал элсэн чихэр нэмж болно.
9. Мөөгтэй соус
200 гр мөөгийг хэрчсэн сонгинотой холиод 15 минут орчим жигнэнэ. Үүн дээрээ 150 гр цөцгий болон буталсан сармисыг нэмж хутгана. 5-7 минут дахин зөөлөн жигнэнэ. Хүсвэл соусаа буталж илүү шингэн болгож болно. Энэхүү соус нь банш, төмс болон маханд тохиромжтой.
10. Барбекю буюу шарсан махтай зохицох соус
Зөөлөн гал дээр 50 гр цөцгийн тоёон дээр хэрчиж бэлдсэн 1 стакан сармисыг хийж шарна. 200 мл кетчуп юм уу улаан лоолийн сүмс, 0,3 стакан ус, 50 гр зөгийн бал, 2 цайны халбага нимбэгний шүүс, бага зэрэг перц нэмээд сайтар хутгана. Зөөлөн гал дээр буцалгана. Аяндаа өтгөрөх болно.
11. Андалуский соус
200 гр майонез дээр 3 халбага кетчуп хийгээд 1 халбага коньяк болон хэрчсэн сонгино,нимбэгний шүүс, улаан перц нэмээд сайтар хутгана. 1 цаг орчим хөргөгчинд амраана.
12. Испанийн салса соус
Үрлэн улаан лооль 15 ширхэг, 1 хумс сармис, 1 боодол яншуй, ногоон сонгиныг холигчоор холино. 1 халбага балвзамын уксус болон 1 халбага улаан лоолийн паста, бага зэрэг оливийн тос нэмнэ. Давс, перцээр амтлаарай.
13. Песто
50 гр базилик, 2 хумс сармис, 50 гр бяслаг, 3 халбага газрын самар, 100 мл оливийн тосйг холигчоор холино. Паста, салат болон шөлөнд тохиромжтой ч талхан дээрээ түрхээд идсэн ч болно.
14. Исгэлэн амттай ч чихэрлэг соус – Хяьадын хоолных биш
1,5 халбага элсэн чихэр, 2 халбага уксус, 1 хоолны халбага улаан лоолийн сүмс, бага зэрэг цуу, 3 халбага жүржийн шүүс хийгээд сайтар хутгана. 1 халбага эрдэнэ шишийн гурил дээр 4 халбага ус нэмж хутгана. Бэлдсэн зүйлүүдээ хооронп холиод зөөлөн галаар буцалгана. Тахиа болон гахайн маханд сайхан тохирох бөгөөд Дорны хоолуудтай ч нийлэмжтэй.
15. Италийн салат амтлах соус
2,5 халбага оливийн тос, 1,5 халбага уксус, буталсан сармис холиод давс, перцээр амтална. Мөн тагтай саванд хийгээд сайн сэгсэрч болно.
16. \”Цезарь” салатны соус
1 цайны халбага гич, 1 өндөгний шар, 1 цайны халбага давс хийгээд холино. Дээр нь 150 мл оливийн тосыг болгоомжтой бага багаао нэмж зуурмаг гаргана. 1 хоолны халбага лимоны шүүс, 1 цайны халбага нунтаг перец, буталж, бяцалсан 2 хумс сармис, 50 гр үрсэн бяслагыг холиороы. Цезарь болон бусад салат амтлаж болохоос гадна махан хоолонд ч тохиромжтой.
17. Грек соус
125 мл цэвэр тараг, буталсан 2 хумс сармис, 1 ширхэг өргөст хэмх / шүүсийг нь шахсан байх шаардлагатай/ 1 халбага оливийн тос, нимбэгийн шүүс, жижиглэн хэрчсэн яншуй, укроп, давс нэмж хутгаад хөргөгчинд амраана
18. Хүрэн манжин, тунхуутай соус
100 гр майонез, болон адил хэмжээтэй цөцгий дээр хүрэн манжин болон даршилсан өргөст хэмхийг жижиглэн хэрчээд сайтар холино. Мах болон зуушинд тохиромжтой.
19. Карри соус
Бүх төрлийн махан хоол, будаанд тохирно. 1 ширхэг сонгино, хэд хэдэн хумс сармисыг тосонд шарахдаа бага багаар 1 халбага угрил нэмж хутгана. Бага зэргийн шөл нэмээрэй. Мөн 2 халбага нунтаг карри нэмж 5 минут орчим буцалгана. Дараа нь 1 цайны халбага нимбэгийн шүүс, гич, 1 халбага цөцгий нэмээрэй. Халуунаар нь хэрэглэх хэрэгтэй.
20. Турк соус
2 ширхэг сонгино, 1 ширхэг улаан лооль, 1 ширхэг чинжүү холигчоор холино. Холимогоо 2 халбага оливийн тос, давс, хар, улаан перц, яншуй, бага зэрэг уксус, 1 халбага нимбэгний шүүс хийгээд сайтар хутгаад соус бэлэн болно.
