Хонин жилийн онцлох 15 үйл явдал

Монгол Улс гурван саяулаа боллоо

Монголчууд өнгөрч буй онд гурван сая иргэнтэй болсноо албан ёсоор
баталгаажуулж зарласан билээ. 2015 оны нэгдүгээр сарын 24-ний өглөөний найман
цаг 27 минутад Өмнөговь аймгийн Даланзадгад сумын иргэн Э.Хатанболд, Г.Аззаяа
нарын гэр бүлд мэндэлсэн охиныг Монгол Улсын гурван сая дахь иргэнээр бүртгэн
авсан юм. Энэ оны эхний сарын 5-ны байдлаар 2 995 949 иргэнтэй байсан Монгол
Улсын гурван сая дахь иргэнийг тодруулахдаа 1000-ны нарийвчлалтайгаар тооцож,
нарийн судалгаагаар гаргасан гэдгийг мэргэжлийн байгууллагууд онцолж байлаа.
Энэ өдөр Монгол Улсад 181 иргэн шинээр мэндэлж, гурван сая дахь иргэний үе
чацуутан болсны гурав нь хилийн чинадад төрсөн юм. Эгэл жирийн хөдөөний гэр
бүлд аав, ээжийнхээ анхны хүүхэд болж мэндэлсэн Монгол Улсын гурван сая дахь
иргэнд Ерөнхийлөгч Ц.Элбэгдорж Монголжин хэмээх нэр хайрлаж байв. Засгийн
газрын тогтоолоор гурван сая дахь иргэнийг Засгийн газрын нөөц хөрөнгөөс хоёр
өрөө байр буюу эсвэл түүнтэй тэнцэх урамшуулал, тэтгэмж өгөх болсон. Мөн
түүнтэй цаг, минут, секундын хувьд хамгийн ойр төрсөн хүүхдүүдээс аймаг,
нийслэлийн дүүрэг тус бүрт нь тодруулж нийт 29 хүүхдийг тусгай тэтгэмж
урамшууллаар мялаасан. Гурван сая дахь иргэн Х.Монголжин охин маань удахгүй ой
хүрэх гээд, тэнтэр тунтар алхалсаар аав, ээжийгээ баярлуулж, эсэн мэнд бойжиж
буй. Ээж Г.Аззаяагийн нь эмээгийн ээж Мөнхчулуун хэмээх 90 гарсан буурай дөрөв
дэх үеэ үзсэн нь ийнхүү Монгол Улсын гурван сая дахь иргэн болж бүртгэгдсэн
билээ.

Монголчууд хөгжлийн замаа мессежээр сонгов

\”Монгол Улсын
2015-2016 оны хөгжлийн замаа хамтдаа сонгоё” нэрийн дор2015.01.31-ний
10:00 цагаас 2015.02.03-ний 22:00 цагийн хоорондолон нийтээсмессежээрсанал
авав.

Нийт 365,841 санал
ирснээс

– \”Оюу
Толгой\” болон бүтээн байгуулалтын том төслүүдийг шийдэх замаар ханшаа
тогтоох\” хариултыг 56.1%

– \”Зардал
хэрэглээгээ бууруулж, эдийн засгаа сахилга батжуулах замаар ханшаа
тогтоох\” хариултыг43.9% сонгов.

 

Хэвлэх үйлдвэрийн барилгын дуудлагаар худалдав

Газар, тэр дундаа хотын төвийн газар үнэд хүрдгийг энэ жил бодитоор
харуулсан үйл явдал боллоо. Төрийн ордны зүүн тал дахь хуучин хэвлэх үйлдвэрийн
2698 метр квадрат газрыг дуудлага худалдаагаар зарж, Монгол Улсын иргэн, араб
үндэстэн Абдул Карим 24 тэрбум төгрөгөөр авахаар болсон. Гэвч тэрбээр дуудлага
худалдааны дараа мэдэгдэл хийж, 715 сая төгрөгийн дэнчингээ үлдээгээд наймаагаа
буцсан. Түүний дараагийн хамгийн өндөр үнийн санал хэлсэн \”Таван богд” группийн
захирал Ц.Баатарсайхан хуучин хэвлэх үйлдвэрийн газрыг 23 тэрбум 850 сая
төгрөгөөр авахаар Нийслэлийн өмчийн харилцааны газартай гэрээ байгууллаа. \”Таван
богд” групп худалдаж авсан газартаа Хэвлэх үйлдвэрийн барилгын загварыг
хадгалсан хоёр давхар, 100 метр урт барилга барих гэнэ. 1929 оных нь байдлаар
сэргээн барьж, \”Galleria Ulaanbaatar” худалдаа, үйлчилгээний төв нээн
ажиллуулахаар төлөвлөжээ. Мөн түүндээ Улаанбаатар хотын музей байгуулах гэнэ.
\”Galleria Ulaanbaatar”-т \”Lexsus”-ийн үзүүлэнгийн танхим, \”Говь” болон дэлхийн
алдартай брэндүүдийн нэрийн дэлгүүр, ресторан байх аж. Харин хэвлэх үйлдвэрийн
цаана байгаа газартаа орчин үеийн шийдэлтэй өндөр, хос барилга сүндэрлүүлэх юм.

С.Зориг агсны хэрэг дахин дэгдэв

Ардчилсан хөдөлгөөний удирдагч С.Зориг агсны гэргий Б.Булганыг цагдан
хориод сар гаруй хугацаа өнгөрч байна. Түүнийг ямар хэргээр цагдан хорьсон нь
тодорхойгүй ч С.Зоригийн хэргээр баривчилсан гэх таамаг олон нийтийн дунд бий.

Мөн эл хэрэгт холбогдуулан Орхон аймгийн харьяат хоёр иргэнийг саатуулсан
гэгдэж буй. Ийнхүү С.Зориг агсны хэрэг олны анхааралд дахин ороод байгаа энэ
үед түүний хэргийг илрүүлэх ажлын хэсгийнхэн Үндэсний аюулгүй байдлын зөвлөлд
ажлаа тайлагнасан гэх мэдээлэл байна.

Эх сурвалжийн мэдээлснээр С.Зориг агсны хэргийг илрүүлэх ажлын явц 65
хувьтай байгаа аж. Ажлын хэсгийнхэн хэргийн талаарх нотлох баримтыг цуглуулах,
судалгааны ажилд гадны шинжээчид оролцуулж буй гэх. Мөн сэжигтнээр саатуулсан
хүмүүсийн өмгөөллийн асуудал болон нууцын зэрэглэлийг өндөр түвшинд байлгах
ёстойг анхааруулсан гэжээ.

Түүнчлэн Б.Булганыг баривчилсан асуудлаар ар гэрийнхэн нь өмгөөлөгч авсан
хэдий ч нууцын зэрэглэлтэйд тооцож гарын үсэг зуруулж, өмгөөлөгчдөд нь өндөр
шаардлага тавьсан гэнэ. Түүнчлэн өмгөөлөгч нь Б.Булганы биеийн байдал муу
байгаа бөгөөд үйлчлүүлэгчтэйгээ уулзах боломжгүй байна гэжээ.

Б.Булганыг цагдан хорьсонтой холбогдуулан ХЭҮК-оос хүний эрх зөрчигдөж
байгаа талаар тайлан гаргасан аж. Гэвч тус газрыг шүүхийн шатанд яваа хэрэгт
хөндлөнгөөс оролцохыг хориглосон байна.

Зарим эх сурвалж С.Зориг агсны амийг хөнөөсөн хэрэг ахин сөхөгдөж буй энэ
үед тухайн үед хэргийн газар дээрээс малгай нь олдсон гэдэг Хотын дарга
Э.Бат-Үүлийг энэ хэрэгтэй холбоотой хэмээн мэдээлсэн. Харин эл мэдээлэл гарсан
даруйд Э.Бат-Үүл дарга өөрийгөө гүтгэсэн хэмээж нэр төрөө сэргээлгэхээр шүүхэд
хандахаа мэдэгдээд байгаа юм.

 

Зэлтэрийн гацаа
арилж, Оюутолгойн далд уурхайн санхүүжилтийг шийдвэрлэлээ

 

Гурван жил гаруй
сунжраад байсан Оюу толгойн далд уурхайн бүтээн байгуулалтын санхүүжилтийн
гэрээнд арванхоёрдугаар сарын 15-нд гарын үсэг зурснаар дэлхийн 20 гаруй банк
санхүүгийн байгууллагаас 4.4 тэрбум ам доллар орж ирэхээр болсон.

Гэрээг
баталгаажуулах ёслол 12 дугаар сарын 16-нд Шангри-Ла зочид буудалд болсон
бөгөөд Монгол Улсын Ерөнхий сайд Ч.Сайханбилэг энэ үеэр \”Монголчууд бизнестээ
буцан ирлээ” гэсэн юм.

Дэлхийн банк,
санхүүгийн салбарын олон рекордыг эвдсэн энэхүү санхүүжилт уул уурхайн түүхэнд
тодоор бичигдэн үлдлээ.

 

Өршөөлийн хуулиар 1700 гаруй
ялтан суллагдав

Анхны ардчилсан
сонгууль, Байнгын ажиллагаатай парламент байгуулагдсаны 25 жилийн ойг
тохиолдуулан Монгол Улсын Их Хурал 2015 оны аравдугаар сарын 29-нд Өршөөл
үзүүлэх тухай хуулийг баталсан билээ.

Энэ хуулийн хүрээнд
нийт 3,000 гаруй ялтан хамрагдаж, 1,700 нь ялаас бүрэн чөлөөлөгдсөн юм.

Гэхдээ
Ерөнхийлөгчийн хоригийн дагуу авлига, албан тушаал, эрх мэдлээ урвуулан
ашигласан болон залилангийн хэргийг өршөөлд хамруулаагүй. Өмнө нь Өршөөл
үзүүлэх тухай хууль 2009 онд буюу зургаан жилийн өмнө батлагдаж байжээ.

 

 

Монгол Цэрэг \”Улаан талбай”-д
алхав

Эх орны дайны
ялалтын 70 жилийн ойн баярын жагсаалд Монгол
Улсын Зэвсэгт хүчний 80 гаруй албан хаагч оролцож, Москва хотын Улаан талбайд
болсон ялалтын баярын парадад оролцсон юм.

Ялалтын баярын
парадад 20 гаруй орны 14 мянган цэргийн албан хаагч оролцсон бөгөөд
\”Монголчуудын жагсаалд анх удаа оролцож байгаа нь түүхэн үйл явдалд үзүүлж
байгаа хүндэтгэл юм\” хэмээн \”Русская Планета\” сайтад мэдээлж
байлаа.

Мөн Бээжин хотын төв
талбайд энэ есдүгээр сарын 3-нд болсон Чөлөөлөх дайны ялалтын 70 жилийн ойн
цэргийн ёслолын жагсаалд Монголын цэрэг эрс оролцсон. Цэргийн ёслолын
жагсаалд манай 76 цэрэг оролцсон юм.

 

Ээлж дараалсан улс төрчдийн баривчилгаа

Засгийн газрын хэрэг эрхлэх газрын дэд дарга асан Г.Дэнзэнг АТГ-аас
баривчилсан. Г.Дэнзэнг ЗГХЭГ-ын дэд даргаар ажиллаж байхдаа албан тушаалаа
урвуулан ашиглаж \”Эрдэнэс Тавантолгой” ХК-иас эхнэрийхээ компанид хууль бусаар
тендэр авсан гэх хэрэгт сэжиглэж шалгасан юм. Тэрбээр цагдан хорих төвд хоригдож
байхдаа өлсгөлөн зарлаж, амь насаа алдах дээрээ тулсан билээ. Мөн \”Нүүрс”
хөтөлбөрийг хэрэгжүүлэх явцдаа албан тушаалаа урвуулан ашиглаж, улсад 3.6
тэрбум төгрөгийн хохирол учруулсан хэргээр шүүгдсэн Ерөнхий сай д асан
Н.Алтанхуягийн ахлах зөвлөх асан Л.Гансүх нарын хүмүүсийг шүүх хурал Баянзүрх,
Сүхбаатар, Чингэлтэй дүүргийн шүүхэд болсон. Шүүхээс Л.Гансүхэд 4,6 жилийн
хорих ял оноож, төрийн албанд ажиллах эрхийг нь дөрвөн жилээр хассан юм.
Шүүгдэгч Н.Даваахүү, Б.Мөнгөнтуяа нарыг тус бүр улсад учруулсан хоёр тэрбум 539
сая 730 мянга 860 төгрөгийг хувь тэнцүүлэн гаргуулж, \”Багануур” ТӨХК-д олгох
шийдвэрийг Шүүх бүрэлдэхүүн гаргасан. Давж заалдах шатны шүүх хурлын шийдвэрийг
хэвээр баталсан юм. Эрүүгийн цагдаагийн газрын Эдийн засгийн гэмт хэрэгтэй тэмцэх
тасгийнхан Зам, тээврийн яамны Төрийн нарийн бичгийн дарга асан, \”Монголын
төмөр зам” ТӨХК-ийн ТУЗ-ийн дарга асан Б.Батзаяаг баривчилсан. Хэдэн зуун сая
долларын хөрөнгө оруулалттай ажлыг ердөө 100 мянган долларын дүрмийн сантай
Солонгосын \”Самсунг С&Т” компаниар гүйцэтгүүлэхээр болсон нь хууль бус
үйлдэл хэмээн эрүүгийн хэрэг үүсгэн шалгаж байгаа билээ. АТГ-аас Эрүүл мэнд,
спортын яамны сайд Г.Шийлэгдамбыг саатуулсан билээ. Түүнийг бусдаас хээл
хахууль авч байхад нь газар дээр нь илрүүлсэн юм. С.Зориг агсны гэргий
Б.Булганыг баривчилсан. Цагдаагийн ерөнхий газрын Хэвлэл мэдээллийн төвийн
дарга Б.Баатархүү хэлэхдээ \”Б.Булганыг мөн баривчилсан. Мөрдөн байцаалтын ажил
үргэлжилж байгаа учраас өөр мэдээлэл өгөх боломжгүй” гэж мэдэгдээд буй. С.Зориг
агсныг хөнөөсөн гэх хэрэгт хоёр хүнийг сэжиглэн шалгаж байгаа билээ.

Хоёр наадмаар хоёр арслан төрөв

Өнгөрөн одож буй 2015 онд урлаг, спортынхон олон сайхан амжилт гаргалаа.
Өнөө жил монголчууд хоёр ч удаа наадамдаж, хоёр арслан төрүүллээ. Төрийн их
баяр наадмаар Хэнтий аймгийн Өмнөдэлгэр сумын харьяат, \”Хангарьд” спорт хорооны
бөх улсын харцага Энхтөгсийн Оюунболд ес даван түрүүлж, улсын арслан цолыг
хүртсэн юм. Тэрбээр үндэсний бөхийн түүхэн дэх хамгийн залуу арслангаар тодроод
буй бөгөөд өдгөө 22 настай. Ид хаваа гайхуулсан залуу бөхийн шуугиан намжаагүй
байтал монголчууд Даншгийн арслангаа өлгийдөн авав. 90 гаруй жилийн дараа
төрсөн Даншгийн арслан бол Архангай аймгийн Булган сумын харьяат Алдар спорт
хороо, \”Бөхбилэгт” дэвжээний бөх Монгол Улсын өсөх идэр начин Р.Пүрэвдагва
байлаа.

Түүнчлэн тив дэлхийд гаргаж буй их спортын амжилтын буухиа тасарсангүй.
Тодруулбал, Соронзонболдын Батцэцэг чөлөөт бөхийн дэлхийн аваргаас алтан медаль
хүртэж хошой аварга болсон бол Отрядын Гүндэгмаа буудлагын \”Дэлхийн цом”-ын
тэмцээний хошой алт, мөнгөн медалийн эзэн болж спортын түүхэнд тодоор
тэмдэглэгдэн үлдлээ. Бодибилдингийн тамирчин Гамбагаагийн Угалзцэцэг хэмээх
бүсгүй ДАШТ-ээс алтан медаль хүртсэн нь бас л тодоор бичигдэх амжилт байлаа.
Мөн буудлагын тамирчин Энхтайваны Даваахүү \”Универсиад” наадмаас алт, мөнгө,
хүрэл медаль хүртсэн амжилт үзүүлж, Монголын буудлагын спортын түүхэнд
тэмдэглэгдэн үлдлээ.

Урлагийн
олимпийг Монгол гургалдай нар өнгөлөв

Монголын Урлагийн салбарынхан ч спортынхноос дутахааргүй амжилт үзүүлж, эх
орныхоо нэрийг тив дэлхийд цуурайтууллаа. Монгол Улсын гавьяат жүжигчин
Г.Ариунбаатар ОХУ-д зохион байгуулагдсан П.И.Чайковскийн нэрэмжит олон улсын
дуурийн дуулаачдын уралдаанд оролцож \”Гран при” шагналын эзнээр тодорсон билээ.
Харин Монгол Улсын гавьяат жүжигчин Э.Амартүвшин Английн BBC агентлагаас зохион
байгуулсан \”Cardiff Singer of the World” уралдааны үзэгчдийн нэрэмжит шагналыг
хүртсэн юм. БНХАУ-д болсон олон улсын циркийн фестивальд Монголын циркчид шидэх
банзны төрөлд гайхамшигтай үзүүлбэр толилуулж, анх удаа эмэгтэй циркчин Б.Үржинбадам
агаарт гурван удаа эргэлт хийж буусан нь дэлхийн циркийн түүхэнд тэмдэглэгдэн
үлдсэн билээ.

 

Эсэргүүцлээ илэрхийлж, өөрийгөө шатаав

\”Эв санааны нэгдэл” үйлдвэрчний эвлэлийн
дарга С.Эрдэнэ 11 дүгээр сарын 13-нд дэлхийн хамгийн том нүүрсний орд газрын
нэг Монголын \”Тавантолгой” уурхайн ажилтнуудын гэрээнд оруулсан өөрчлөлтийн
тухай мэдээлэл хийснийхээ дараа өөр дээрээ шатамхай шингэн асгаж, гал тавьсан
байна. Түүний биеийн бараг тал хувьнь түлэгдсэн.

Тэрээр өөрийгөө шатаахаасаа өмнө, \”Монгол
Улс ард иргэдээ гадаадын улс оронд худалдаж байна. Хэрвээ бид шатах ёстой юм
бол шатъя\” гэж мэдэгдсэн юм. Түүний энэ мэдэгдэл нь үйл ажиллагааны зардлаа бууруулах
зорилгоор 200 ажилтныхаа гэрээг БНХАУ-ын \”TTJVCO” компанидшилжүүлэх
болсон \”Тавантолгой” компанийн шийдвэртэй холбоотой байсан. Монголд уул уурхайн
компанийн ажилтнуудыг халах асуудал сүүлийн жилүүдэд нэлээд газар аваад байгаа. 2013 онд зэсийн \”Оюутолгой” ордын 2000
орчим ажилтныг ажлаас нь халж байсан. \”Тавантолгой”-гоос баталгаа гаргасан хэдий ч гэрээг шилжүүлсэний дараа ажлаасаа халагдана гэж
ажилтнууд айсан юм. Тиймээс л
С.Эрдэнэ эсэргүүцлээ илэрхийлж, эцсийн арга хэмжээг авсан гэж тайлбарладаг. Өөрийгөө шатаах ийм ноцтой арга хэмжээ
С.Эрдэнэ авахаас өмнө уурхайчид хэд хэдэн удаа эсэргүүцлээ илэрхийлж, суулт
зарласан байдаг. С.Эрдэнийн хувьд одоо БНСУ-д эмчилгээ хийлгэж байгаа билээ.

МИ-8-ийн сүйрэл, дахин нэг хүний авч
одов

Налайх
дүүргийн нутаг дэвсгэрт нислэг үйлдэж байсан МИ-8 нисдэг тэрэг осолдсон хэрэг
гарлаа. Зэвсэгт хүчний 337 дугаар ангийн МИ-8 онгоц сургуулилалтын нислэгийн
үед осолдсон юм. Ослын улмаас нэг хүн нас барж,
нислэгийн багийн 10 хүн хүнд бэртэл авчээ. Батлан хамгаалах яамнаас
өгсөн мэдээллээр тус анги нь өглөө оройдоо төлөвлөгөөт нислэг хийдэг байна.

Тухайн
үед онгоцыг тус ангийн хурандаа н.Очирбат жолоодож явсан бөгөөд онгоц 300 орчим
метрийн өндөрт нисч явах үед гэнэт доош унасан байна. Хэдийгээр албаныхан ослын
буулт гэж байгаа ч онгоц газарт хүчтэй унасны улмаас ийнхүү албан хаагч амь
насаа алдсан байх магадлалтай аж.

Гэмтсэн
нислэгийн багийнхан Цэргийн төв госпиталп хэвтэн эмчлүүлж байгаа бөгөөд цэргийн
ангийнхан эмнэлгийн хамгаалтандаа авсан тухай мэдээлж байсан билээ.

Найман хувийн хүүтэй орон сууцны зээл зогсов

Үндсэн хуулийн Цэц их суудлын
хуралдаанаа хийж, хэд хэдэн асуудлыг хэлэлцсэн. Эдгээр асуудлуудаас Үл хөдлөх
хөрөнгийн барьцааны тухай хуулийн асуудлаар гаргасан шийдвэр олон нийтийн
анхаарал ороод байгаа билээ. Тодруулбал,Үл хөдлөх хөрөнгийн барьцааны тухай хууль нь Иргэний хуулийн 171 дүгээр
зүйлийн 171.2 дахь заалтыг зөрчсөн хэмээн Үндсэн хуулийн Цэц үзэж, дүгнэлт
гаргаад байгааюм.

 

Гэвч энэ дүгнэлтээс
болоод найман хувийн хүүтэй орон сууцны зээл зогсов. Өөрөөр хэлбэларилжааны банкны
удирдлагууд хуралдаж, ҮХЦ-ийн шийдвэртэй холбогдуулан ипотекийн зээл олголтыг зогсоох
шийдвэр гаргасан юм. Тэд Цэцийн дүгнэлт арилжааны банкуудад халгаатай бөгөөд найман
хувийн зээлийг цаашид хэрэгжүүлэх хууль эрх зүйн орчингүй болж байна гэж тэд
үзсэн байна.

Уг нь Цэц иргэний эрх зөрчигдөж байна хэмээн үзэж шийдвэр гаргасан. Гэвч
гаргасан шийдвэр нь буцаад иргэддээ сөргөөр нөлөөлж болохуйц байдлыг бий болгоод
байгаа юм. Харин уг
асуудлаар УИХ-д суудалтай намууд \”улс төр” хийсээр байна.

 

 

Банкны ээлж дараалсан дээрэм олныг сэрдхийлгэв

2015 оны 3 дугаар сарын 7-ны өдөр Баянзүрх дүүргийн VI
хорооны нутагт байрлах \”Капитрон” банкны \”Сандэй” тооцооны төвд буутай этгээд
халдаж их хэмжээний мөнгө дээрэмдсэн хэрэг гарсан билээ. Этгээдүүд 20 сая төгрөг дээрэмдсэн бөгөөд
хэргийн газраас зугтах явцдаа мөнгөө хаясан. Харин хэрэгтэнг цагдаагийн
албан хаагчид шуурхай эрэн сурвалжилж
баривчилсан юм.

Тэгвэл 2015 оны 12 дугаар сарын 13-ны өдөр Худалдаа хөгжлийн банкинд халдаж, 420 орчим сая төгрөг дээрэмдсэн гэмт
этгээдүүдийг 24 цагийн дотор баривчилсан.Улмаар дээрэм үйлдэхдээ ашигласан приус маркын
автомашиндаа 394 саяыг нь, ломбарданд тавьсан автомашиндаа 30 саяыг нь
нуусан байжээ. Цагдаагийн байгуулага уг мөнгийг хураан авч Банкинд хүлээлгэн
өгч хохиролгүй болгосон байна.

Энэхүү хэргийг
Эрдэнэтийн харьяат, эрхэлсэн тодорхой ажилгүй төрсөн ах дүү хоёр болох 1992 онд
төрсөн Э, 1985 онд төрсөн Б нар үгсэн тохиролцож үйлдсэн нь тогтоогдсон. Бусдын амь насанд аюултай аргаар
зэвсэг хэрэглэж, хүч хэрэглэн энэхүү хэргийг үйлдсэн тэднийг Сонгинохайрхан
дүүргийн цагдаагийн нэгдүгээр хэлтэст Эрүүгийн хуулийн 147.3-аар эрүүгийн хэрэг
үүсгэн шалгаж байгаа юм.

Тэгвэл энэ хэргийн
шуугиан намжаагүй байхад Хан-Уул
дүүргийн нутаг дэвсгэрт үйл ажиллагаа явуулдаг Капитал банкны салбараас их
хэмжээний мөнгө дээрэмдсэн хэрэг энэ сарын 24-ний өдөр гарсан билээ. Сэжигтэн
этгээд баг өмсөн нэвтэрч, улмаар банкны теллерт хутга тулган сүрдүүлж 10 сая орчим төгрөгийг
дээрэмдээд зугтсан гэж цагдаагийн байгууллагаас мэдээлж байна.

Сэжигтнийг илрүүлэхээр Цагдаагийн
ерөнхий газрын даргын тушаалаар Хан-Уул дүүргийн цагдаагийн нэгдүгээр хэлтэс
болон Улаанбаатар хотын цагдаагийн газар, Эрүүгийн цагдаагийн газар, Улсын
Мөрдөн байцаах газрын алба хаагчид хамтран ажиллаж эхэлжээ. Гэмт этгээдийн банк
дээрэмдэж байх үеийн бичлэг камерт үлдсэн хэдий ч одоогоор хуулийнхан гэмт
этгээдийг баривчилж чадаагүй, улс орон даяар эрэн сурвалжилж байгаа аж.

 

Дэлхийд гайхагдсан \”Монголын бямба”

Монгол хүн мориор түүхэнд анх удаа дэлхийд түрүүлэн дэлхийн аварга болж,
Монгол түмний аархал, бахархал омогшлыг төрүүлсэн, Америкийн Нэгдсэн улс болон
дэлхий дахинд Монголыг сурталчилсан үйл явдал 2015 онд боллоо. Тодруулбал,
\”Макс” группийн ерөнхийлөгч Монгол Улсын тод манлай уяач Д.Ганбаатарын
\”Mongolian Saturday” хүлэг дэлхийн аварга болсон юм. Морийг уналга эдэлгээнд
анх гаршуулсан ард түмэн, морийг яаж шинжиж таньж, сургаж, уяж, унаж эдэлж
чаддагийг дэлхийд таниулж, дэлхийн морины том зах зээлд гарах боломжийг
монголчуудад нээж өглөө. Дэлхийн морин уралдаан хөгжсөн аль ч улсаас Монгол
Улсын адуучин залуучуудыг морь маллагчаар, морь унаачаар (Jokey),
дасгалжуулагчаар ажилд урьж ажиллуулах үүд хаалгыг нээж өгөв.

Амар