“Макс” Ганбаа үнэхээр макс юм аа

 

 

Орой, дээд, их хэмээх англи үгийг орой дээрээ залж,
овоглох болсон Ганбаа үнэхээр \”овог” шигээ том нэгэн ажээ. Германд сурч байхдаа
бизнесийн гараагаа эхэлж, бургерийг анхлан оруулж ирсэн тэрбээр өдгөө Монголын
толгой баячуудын нэг болж чадсан. Түүний хийхгүй бизнес, хүрэхгүй газар гэж
үгүй болсон. Салбарынхаа оргилд хүрсэн бизнесмэнүүд улстөр рүү хошуурдгийн
адилаар С.Ганбаатар ч гэсэн улстөрийн үр өгөөжийг тооцоолж эхэлжээ.

Мөнгөтэй
хүнд улстөрд орох шиг амархан зүйл байхгүй бөгөөд \”Макс” Ганбаа гуйж биш гуядаж
байгаад энэ онд УИХ-ын гишүүн болох гэнэ, юун төлөө мөнгө хураасан билээ дээ. Тэгээд ч
гаргаснаа хэд дахин нугалаад олчихдог улстөр өдгөө хамгийн ашигтай бизнесийн
салбар болоод буй. \”Улстөрд хэзээ ч орохгүй. Бизнес хийдэг нь бизнесээ хийж, улс төр хийдэг нь улс төрөө
хийнэ биз. Би яавч улс төрч биш” хэмээн томорч явсан \”Макс” Ганбаа үнэхээр
сайн бизнесмэн гэдгээ харуулж \”улстөр” хэмээх бизнесийн салбарыг зүгээр орхиж
чадсангүй. Тэгээд ч улстөрд нэлээд том арын хаалгатай болж, дан ганц мөнгөөр
явахгүй, эрх мэдэл, албан тушаалын нөлөө хаана хүрч болдгийг мэдэрч яваа \”Макс”
Ганбаа улстөрч болохоор нэгэнт сэтгэл шулууджээ.

Одоогоор \”Макс” Ганбаа аль
намаас нэр дэвших нь тодорхойгүй байгаа ч тун удахгүй тодорхой болох бөгөөд тэр
намд л түүний том арын хаалга нь байх биз. Ямартай ч, энэхүү том арын
хаалганыхаа тусламжтай болов уу гэмээр түүний бизнесийн саад тотгорууд утаа
адил замхарсаар байна. Ганцхан жишээ дурдахад, Тэнгис киноны театрын урд талд
сүндэрлэж буй хоёр өөр эзэнтэй хоёр өндөр барилгаас хоёулангаас нь төмөр унаж
хүний амь хөнөөхөд хоёулангийнх нь үйл ажиллагааг зогсоосон. Гэсэн ч нөгөө
хэргээ бодвол илүү ноцтой хүн амины хэрэгтэй \”Макс” Ганбаагийн барилга л
ганцаараа баригдсаар ашиглалтад ороход бэлэн болжээ. Макс Тауэр /Max Tower/ түүний
хэмээх түүний том хэмжээтэй төмөр унаж, унах унахдаа автозамын гуравдугаар
эгнээнд унаж, тэнд гэрлэн дохио хүлээн зогссон \”Ланд Круйзер 200” маркийн автомашин
дээр унасан.

Харамсалтай энэ хэргийн улмаас тус машиныг жолоодож явсан хүний
хань, хүүхдийн эцэг 36 настай залууг нэвт сүлбүүлж амиа алдсан. Энэ хэрэгт хуулийн
хариуцлага хүлээсэн хүн байна уу. Хэдэн цаас үзүүлснээс биш хууль журмын дагуу
бодит шийтгэл хүлээсэн хүн байхгүй л юм билээ. \”Макс” Ганбаа үнэхээр макс л юм
байна. Өндөр, өндөр барилга барьж өндөр дээд тушаалтнуудаар арын хаалгадуулаад
л.