Он гарсаар улсын хэмжээнд Архангай, Дорнод, Сүхбаатар, Сэлэнгэ, Ховд, Хөвсгөл, Хэнтий зэрэг 7 аймгийн 15 суманд 18 удаагийн ой, хээрийн гал түймэр гарч /урьдчилсан байдлаар/ 24 га ой, 31984 га хээр, нийт 32008 га талбай шатсан байна.
Түймрийг унтраахад Онцгой байдлын байгууллагаас 253 алба хаагч, 21 автомашин, Хилийн цэргийн анги байгууллагаас 21 алба хаагч, 2 автомашин, орон нутгаас 610 иргэн, 69 автомашин, 53 мотоцикль, 39 морь, нийт 884 хүн, 92 автомашин, 53 мотоцикль, 39 морьтой ажиллажээ.
2018 оны дөрөвдүгээр сарын 18-ны өдрийн 09:00 цагийн байдлаар Хөвсгөл аймгийн Эрдэнэбулган сумын Зэрлэг багийн “Горхины-Эх, Ухантын даваа” гэдэг газарт /сумын төвөөс зүүн хойд зүгт 60 км-т/ гарсан ойн түймрийг унтраахаар ажиллаж байна.
Түймрийн тухай дуудлагыг 04.15-ны өдрийн 20:13 цагт хүлээн авч тус аймгийн Онцгой байдлын газрын Гал түймэр унтраах, аврах 46 дугаар ангийн 12 алба хаагч, 1 автомашин, орон нутгийн 51 хүн, 5 автомашин, 8 мотоцикль, 6 морьтойгоор түймрийн урд талд “Тарвагатай” гэдэг газар, түймрийн зүүн хойд тал “Хөх чулуу” гэдэг газар орон нутгаас 10 хүн, 10 морьтой, түймрийн хойд тал “Өндөр хидмэгийн хяр” гэдэг газар орон нутгийн 15 хүн, 15 морьтой, нийт 88 хүн, 6 автомашин, 8 мотоцикль, 31 морьтой унтраахаар ажиллав. Улмаар 17-ны өдөр нийт 53 хүн, 2 автомашин 30 морьтой нэмэлтээр очжээ. Түймрийн голомтод нийт 141 хүн, 8 автомашин, 8 мотоцикль, 61 морьтой унтраахаар ажиллаж байгаа юм байна.
Мөн тус аймгийн Чандмань-Өндөр сумаас 50 км зайтай Улаан-Асга багийн “Хуштын-Эх” гэдэг газар ойн түймэр гарсан тухай дуудлагыг энэ сарын 16-ны өдрийн 17:24 цагт хүлээн авч орон нутгийн 30 иргэн, 3 автомашин, 7 мотоцикльтойгоор ажиллаж 17-ны 00:05 цагт цурманд оруулан бүрэн унтраахаар ажиллаж байна. Түймэрт 5 га талбай өртсөн.
