Түрээсийн орон сууц хөтөлбөрийг хэрэгжүүлнэ

 

 

 

УИХ дахь Ардчилсан намын бүлэг өнөөдрийн хуралдаанаар хэлэлцсэн
асуудлын хүрээнд УИХ дахь Ардчилсан намын бүлгийн дарга Б.Гарамгайбаатар
бүлгийн дэд дарга Ш.Түвдэндорж, С.Одонтуяа нар сэтгүүлчдэд мэдээлэл хийлээ.

 

Тус бүлгийн хуралдаанаар
энэ долоо хоногт байнгын хороо, чуулганы нэгдсэн хуралдаанаар хэлэлцэх хэд,
хэдэн хуулийг төслийг хэлэлцсэнээс гаднаУИХ-ын дарга болон Ерөнхий сайдын
мэдээлэлийг сонсчээ. Түүнчлэн Улс төрийн намын тухай хуулийн төслийг
хэлэлцээд УИХ-аар хэлэлцүүлэх нь зүйтэй гэдэгт санал нэгдсэн байна. Энэ онд
Монголын эдийн засгийн форумыг хэрхэн зохион байгуулах талаар ЗГХЭГ-ын дарга
С.Баярцогтын танилцуулгыг тус бүлгийн хуралдаанаар сонсчээ.

УИХ-ын гишүүн Д.Ганбат
нарын өргөн барьсан Иргэний хуульд нэмэлт оруулах тухай хууль болон Үл хөдлөх
эд хөрөнгийн барьцааны тухай хуульд өөрчлөлт оруулах тухай хуулийн төслийг
бүлгийн хуралдаанаар 100 хувь дэмжиж, УИХ-ын чуулганаар яаралтай хэлэлцүүлэх
ёстой гэсэн байр суурьт нэгджээ. Мөн Өргөдлийн байнгын хорооны даргад УИХ-ын
гишүүн Ж.Батзандангийн нэрийг дэвшүүлээд байгаа аж.

Мэдээллийн дараа
сэтгүүлчдийн сонирхсон асуултад хариулсан юм.

Монгол Улсын
Ерөнхийлөгчийн санаачилсан Хариуцлагын тухай хуулийг бүлэг яагаад дэмжээгүй
шалтгааныг талаар УИХ-ын гишүүн Б.Гарамгайбаатар:\”Энэ хуулийн төсөл
Төрийн байгуулалтын байнгын хороон дээр хэлэлцэгдээд олонхийн дэмжлэг авч
чадаагүй. УИХ-аар дахин хэлэлцүүлэх талаар Ерөнхийлөгч санал, санаачлага
гаргасан. Ардчилсан намын бүлгийн гишүүд ярилцаад нэгэнт байнгын хороогоор
дэмжлэг авч чадаагүй хуулийн төслийг хэлэлцэх шаардлагагүй. Зарим нэг зүйл,
заалтыг хүлээж авахад төвөгтэй байна. Тиймээс энэ асуудлыг цэгцэлчих юм бол
хүлээж авах боломж бий. Тэгэхгүй бол улс төрийн хэрүүлийн алим үүсэх нөхцөл
байдалд орно гэж үзсэн” гэв. Түүнчлэн тэрээр, \”Түрээсийн орон сууцны журмыг
Засгийн газар удахгүй гаргана. Түрээсээр орон сууц эзэмшүүлэх асуудал яригдаж
байна. Залуу гэр бүл, өндөр настнуудыг хамруулна. Орон сууцны тодорхой хэсгийг
түрээсэлнэ. Дээр нь Засгийн газар бизнесийн моргейжийн зээлийн асуудлыг удахгүй
оруулж ирнэ. Жижиг, дунд үйлдвэрлэгчид зориулсан моргейжийн зээлийг шинээр
нэвтрүүлнэ. Зээлийн хүү орон сууцны моргейжийн хүүтэй адил төвшинд байхаар
зохицуулна” хэмээн ярьсан юм.

Үл хөдлөх хөрөнгийн
барьцааны тухай хуулийг өөрчлөлтийн талаар Ш.Түвдэндорж:\”Цэцийн гаргасан
дүгнэлтээр өмнөх хууль хүчингүй болж байна гэсэн үг. Тиймээс Монголын банкуудын
холбоо, Монголбанк орон сууцны найман хувийн зээлийг зогсоосон. Ганц моргейжийн
зээл ч биш бусад зээлүүдийг ч мөн зогсоосон. Тиймээс Ардчилсан намын бүлэг,
\”Шударга ёс” эвсэл, ИЗНН-ын гишүүд хамтарч шинэ хуулийн төсөл өргөн барьсан.
УИХ-аас хууль батлагдсан нөхцөлд орон сууцны зээлийн үйл ажиллагаа сэргэх юм.
Сэргээхдээ тодорхой зарчмын өөрчлөлтүүдийг оруулсан. Нэг үгээр хэлбэл, Монголын
ипотекийн корпораци, Банкуудын холбоо, Монгол банкнаас моргейжийн зээлийн хүүг
бууруулах боломж бүрдсэн гэж үзэж байгаа учраас жилийн найман хувийн хүүтэй
олгогддог зээлийг тав руу буулгана. Инфляци 14 хувьтай байхад ипотекийн найман
хувийн зээл хэрэгжүүлсэн. Одоо инфляци 2.9 хувь руу орсон учир зээлийн хүүг
гурван хувиар бууруулах боломжтой гэж үзэж байгаа. Дээр нь 81 ам.метр гэсэн
хязгаар тогтоож зээл олгодог байсныг болиулж байгаа.

Моргейжийн найман хувийн
зээлд хамрагдахад өрхийн сарын орлого 1.3 сая төгрөг байх ёстой байсныг одоо
530 мянган төгрөг болж босго нь буурч байгаа. Ингэхдээ 43 ам.метр
байрнаас сонголт хийхэд орлого энэ хэмжээнд байна гэсэн үг.

Хуульд оруулж буй
өөрчлөлтөөр иргэн банкнаас зөвшөөрөл авахгүйгээр түрээслэх буюу бизнесийн
орлого олох үйл ажиллагаанд ашиглах боломжтой болж байгаа. Харин зарж,
борлуулах асуудалд банкнаас зөвшөөрөл авахаар тусгасан. Бид аль болох орон
сууцны хүүг бууруулах асуудалд анхаарч байгаа. Мөн байртай болох боломжгүй
иргэдэд төрөөс дэмжлэг үзүүлэх боломжийг хайж байна. Түрээсийн орон сууц
хөтөлбөр хэрэгжүүлнэ” гэв.