Ерөнхийлөгч, парламентч хоёрын нууц дайн хэзээ өндөрлөж, хэнийх нь ялалтаар төгсөх вэ

 

-Аливаа зүйл оршил, өрнөл, төгсгөл гэсэн үндсэн гурван хэсэгтэй байдаг-

 

Дайны оршил

Сонгууль ойртохын хэрээр сайн, мууг хэлэлцдэг нь жам болсон
зүйл. Өнгөрсөн дөрвөн жилийн хугацаанд ард түмний бус амин хувийн эрх ашгийнхаа
төлөө ажилласан төрийн түшээдийн бусармаг үйлдлүүдийн заримыг нь ч болов сонгуулийн
өмнө дурьдаж, хариуцлага нэхдэг нь сайшаалтай. Өнгөрсөн дөрвөн жилийн хугацаанд
төсвийн хөрөнгөнөөс шамшигдуулсан олон арван хэргээс хамгийн их мөнгө шамшигдуулсан
хэрэг нь төмөр замын хэрэг бөгөөд хамгийн багадаа л гэхэд 50 тэрбум төгрөг гувчуулсан
юм.

Нэг хэсэг нь үгүйсгэж, нөгөө хэсэг нь тогтоох гэж, басхүү энэ зуур
хүмүүсийн тархи угааж буй энэ үед Дэлхийн топ 10 компанийн нэг, хөрөнгө нь
хэдэн зуун тэрбум ам.доллараар тоологддог, Өмнөд Солонгос Улс нь санхүүгийн
хүнд үед тусламж гуйдаг алдарт \”Samsung” корпорацийг Монголын төрөөс хэрэгжүүлж
буй 100 тэрбум хол давсан томоохон төсөлд 100 мянгахан ам.доллар /200 сая
төгрөг/-ын хөрөнгөтэй охин компаниар оролцсон гэдэг нь бизнесийн зах зухтай
хэний ч санаанд багтамгүй үйлдэл бөгөөд \”Samsung” корпораци
энэ төсөлд оролцох нь битгий хэл мэдээчгүй ухааны юм ярьсан юм.

Түүнчлэн тус компанийн албан ёсны нэр \”Samsung C&T Corporation”-аас дундах &
тэмдэгт /and гэсэн үг бөгөөд ба гэсэн утгатай/-ээр ялгаатай \”Samsung
СT Corporation” хэмээх 200-хан сая төгрөгийн дүрмийн сантай компани нь албаны
хүмүүсийн ярьж байсанчлан хуурамч компани болж тийш нь төсвийн мөнгийг
шилжүүлж, эргүүлэн тэндээс нь Зам,
тээврийн яамны Төрийн нарийн бичгийн дарга, \”Монголын төмөр зам” төрийн
өмчит ХК-ийн захирлаар ажиллаж байсан Б.Батзаяа нарын хүмүүс өөрсдийн данс
уруу шилжүүлэн авч мөнгө угаасан болж таарах гээд байна.

 

Дайны өрнөл

 

Нөгөө талаас тэднийг Эрүүгийн цагдаагийн газрын Эдийн засгийн гэмт хэрэгтэй
тэмцэх хэлтсийнхэн улсад онц их хэмжээний хохирол учруулсан, мөнгө угаасан гэх
үндэслэлээр шалгаж байсан бөгөөд төрд өндөр албан тушаал хашиж буй нэр бүхий
хүмүүс холбогдсон нь тогтоогдсонтой холбогдуулан шалгах, байцаах эрх мэдэл нь
дутаж Б.Батзаяа нарын хэргийг Авлигатай тэмцэх газарт шилжүүлсэн. Ерөнхийлөгчийн
мэдэлд байдаг гэх энэ газарт ирсэн хэрэгт УИХ-ын гишүүн мэтийн хүмүүс нөлөөлж
чадахгүй агаад төсвөөс хэдэн арван тэрбумаар нь хуссан Б.Батзаяа нарын хурган
дарга нарын хэрэгт төрийн томчуудыг оролцсон бнь тодорхой юм.

Тиймдээ ч энэ хэрэгт
Зам, тээврийн сайд асан, УИХ-ын гишүүн Х.Баттулга болон Зам, тээврийн сайд
асан, УИХ-ын даргын зөвлөх А.Гансүх нарыг шалгаж эхэлсэн. Үүнээс улбаалан
парламентч Х.Баттулга болон Ерөнхийлөгч Ц.Элбэгдорж нарын хооронд тэмцэл
өрнөсөн бөгөөд энэ тэмцэл эцэстээ дайн болон хувирч буйг улстөрийн хүрээнийхэн
жиг жуг хийх болж. Зам, тээврийн сайд асан, УИХ-ын даргын зөвлөх А.Гансүх, Зам, тээврийн яамны Төрийн нарийн бичгийн дарга асан, \”Монголын төмөр зам” төрийн өмчит ХК-ийнТУЗ-ийн дарга асан Б.Батзаяа
нарыг төмөр замын төслийн эзэн Х.Баттулгын хүн гэдэг бөгөөд төсвөөс тэрбум
тэрбумаар нь гувчуулсан энэ хэрэгт төрийн албанд тэнцэхгүй ч томчуудын утсан
хүүхэлдэй болсон Б.Батзаяа нарын хүмүүс шийтгэл хүлээж, \”хэзээ суллах” бол
хэмээн хүлээн сууна.

Зүгээр нэг биеийн тамирын багш мэргэжилтэй, бие хамгаалагч
залуу Б.Батзаяаг хэн гэгч эрх мэдэлтэн Зам, тээврийн яамны Төрийн нарийн бичгийн дарга, \”Монголын төмөр зам”
төрийн өмчит ХК-ийн ТУЗ-ийн даргаар тавьж, өөрийн утсан хүүхэлдэйгээ болгов.
Бас хэн гэгч эрх мэдэлтэн түүнээр \”туг тахиж, уснаас хуурай гарах”-аар мэрийж
байна.

Ямартай ч, энэ хэргийн улмаас Х.Баттулга, Ц.Элбэгдорж нарын хооронд дайн
дэгдэж эхэлснийг дээр дурдсан. Тэгвэл Ц.Элбэгдоржийн зүгээс дайралтад өртсөн
Х.Баттулга \”Ирвэс хамгаалах сан”-гийн биологич залуугийн хэргээр олны анхаарлыг
өөр зүгт хандуулж гал намжаах оролдлого хийсэн. Тэгж ч чичлэгдэх нь аргагүй. Учир
нь \”С1” телевиз түүний эзэмшлийнх бөгөөд бүхэл бүтэн баг Хөвсгөл, Өмнөговь уруу
олон хоногоор явах зардал /бензин тос, хоол унд, буудлын төлбөр, цалин хөлс гэх
мэт/ хаанаас гарч, хэн гэгч хүн санхүүжүүлэв. Нөгөө талаас Х.Баттулгаас
санхүүждэг гэгддэг \”Монгол тулгатны 100 эрхэм” нэвтрүүлгээс ганц Н.Энхбаяртай
холбоотой \”хар” бичлэгүүд алдагдаж, цацагдсан хэрэг саяхан гарсан. Ерөнхийлөгч
Ц.Элбэгдоржийн эмзэг сэдэв нь экс Ерөнхийлөгч Н.Энхбаяр бөгөөд тиймдээ ч
Ц.Элбэгдоржийг чадах гэж Н.Энхбаярын бичлэгийг цацсан хэмээх шум тархсан.

Түүнчлэн энэ шумтай холбогдуулан \”Монгол тулгатны 100 эрхэм” нэвтрүүлгийн
найруулагч, \”Херо Энтертайнмент”- студийн захирал Б.Баатар \”Энэ хэрэгт
Х.Баттулга гишүүн ямар ч холбоогүй” хэмээн мэдэгдэж, цээжээрээ хамгаалахын
зэрэгцээ өндөр хамгаалалттай серверт хадгалагдаж байсан бичлэгүүдийг нь өндөр
зохион байгуулалттай бүлэглэл хулгайлсан хэмээн бодож байна гэж хэлсэн. Түүнчлэн
экс Ерөнхийлөгч Н.Энхбаярын нууц бичлэгүүдээс гадна талийгаач агсан С.Зоригийн
тухай хийж байсан баримт киноны бичлэгүүд бас алдагдсан гэж мэдэгдсэн.

Нэгэнт
нэвтрүүлэгт оруулаагүй, олон нийтэд үзүүлж болохгүй хэмээн хассан хар бичлэгүүдийг
юунд хадгалж байв. Нөгөө талаас үнэхээр
эдгээр бичлэгүүд хулгайд алдагдсан бол хэн хулгайлж болох вэ. Маш том бүлэглэл
улстөрийн зорилгоор хулгайлсан, тэгээд Н.Энхбаяр С.Зоригийн бичлэгүүд гээд бодоод
үзэхээр яалтгүй ч үгүй Ц.Элбэгдорж дээр л буугаад байгаа юм. Тэгэхээр
Ц.Элбэгдорж нууц ажиллагаа явуулж бичлэгүүдийг хулгайлсан болж таарах гээд
байна уу.

  

Дайны
төгсгөл

 

Ямартай ч, ингэж өрнөж буй \”дайн” эхэлсэн шигээ нэг л өдөр дуусна. Гагцхүү
тэр өдөр хоёр тал харилцан буулт хийх үү аль эсвэл хэн нэгний ялалтаар өнгөрөх
үү гэдгийг харах л үлдэж байна. Гэхдээ хэн нэгний ялалт нөгөөд нь ялагдал
авчрах ба ялагчдагч өшөө авахаар эргэн ирэх магадлалтай.

\”Зул
бөхөхөөсөө өмнө бадамлана” гэгчээр энэ хоёрын дайн сонгуулийн өмнө дүрэлзээд унтарна хэмээн таамаглаж байна.Гэхдээ хортой, шартай, амбицтай
аавын хүүхдүүд \”гал зогсоох гэрээ”-нд гарын үсэг зурахгүй л бол дахин тэмцлийн
гал асч болзошгүй бөгөөд тэр гал 2017 оны Ерөнхийлөгчийн сонгуулийг зүгээр орхихгүй байж магад.

Нинж