Найман хувийн хүү, тав болж буувал \”хэний гавьяа вэ\”

 

Үндсэн хуулийн цэцийн дүгнэлтээс үүдэн, хэвийн явагдаж
байсан ипотекийн зээл олголт гацаанд орчихоод байгаа. Үүнээс болж, Монгол Ардын
нам, Ардчилсан нам, Үндсэн хуулийн цэц аль нь ч бус харин орон сууц авахаар
төлөвлөж, зээл хөөцөлдөж байсан иргэд л хохирогч болоод байгаа билээ. Мөн худалдан
авалтаар хязгаарлагдаж байдаг барилгын салбар ч хүндхэн байдал ороод байгаа юм.

 

Тэгвэл УИХ-ын 47 гишүүн ипотекийн зээлийг үргэлжлүүлэх
хуулийн төслийг өргөн бариад байгаа. Энэ хуулийн төсөлд УИХ-ын дарга
З.Энхболдын дэвшүүлсэн маш олон \”таатай мэдээлэл” багтсан нь талархууштай.

 

Ямартай ч гацаанд ороод буй ипотекийн зээл үргэлжлэнэ.
Ингэхдээ бүр найман хувийн хүү буурч, таван хувь болох боломжтой гэдгийг УИХ-ын
дарга мэдэгдсэн билээ. Үүнийг л иргэд бид дэмжих ёстой юм шиг. Өөрөөр хэлбэл
ипотекийн зээлийн асуудлаар л улс төржмөөргүй санагдаад байгаа юм.

 

Ипотекийн зээл үргэлжилснээр дан ганц иргэд орон сууцтай
болоод зогсохгүй барилга угсралт, барилгын материал, тавилгын үйлдвэр, дотор
засал гээд л маш олон мянган хүнийг ажилтай, орлоготой болох юм. Тиймээс энэ
асуудлаар л улс төржихгүй, нэгдмэл зорилготой байх чухал юм шиг.

 

Сүүлийн гурван жилийн хугацаанд жилд дунджаар 25 мянган
орон сууц шинээр ашиглалтад орж, 96 мянган хүн энэ салбараас цалинжиж, 76
мянган өрх ипотекитйн зээлээр орон сууцтай болжээ. Мөн хөдөлмөрийн зах зээл
дээр барилгын салбарын мэргэжилтнүүдийн эрэлт нэмэгдэж, эдийн засгийн үр
ашгаараа уул уурхайг орлох хэмжээнд хүрснийг онцолмоор. Мөн Монгол Улс барилгын
материалаа өөрсдөө үйлдвэрлэж эхэлсэн томоохон амжилтыг ч мартаж болохгүй. Энэ
бүгдийн гавьяаг идотекийн зээл олголттой л холбож тайлбарлах нь зүйтэй.

 

Гэвч учир битүүлэг шалтгаанаар ипотекийн зээл гацаанд
орчихоод байна. Харин УИХ-ын дарга энэ гацаа сар шинийн баяраас өмнө арилж, УИХ-ын
гишүүдийн өргөн барьсан хууль батлагдана гэдгийг хэллээ. \”Хэрвээ” энэ хууль
батлагдвал зээлийн хүү буурч, иргэд орон сууцандаа орж, барилгын салбарууд
идэвхжиж, олон иргэд ажлын байраар хангагдаж, хамгийн гол нь улс орны эдийн
засагт сэргэлт авч ирнэ. УИХ дахь МАН, Бие даагчид тэднээс гадна Үндсэн хуулийн
цэц ямарваа нэгэн саад хийчихгүй л бол энэ бүх сайн сайхан ирнэ гэдэгт итгэж
болох нь.

 

УИХ-ын дарга З.Энхболд болон УИХ-ын 47 гишүүний санал
санаачлагыг хэрэгжүүлж, тэдний ажилд ташуур өгч, дэмжмээр байна.