Б.Булган, С.Баярцогт, Т.Лхагвасүмбэрэл агсны хэрэгт тайлбар хүсэв

 

 

УИХ дахь Өргөдлийн байнгын хорооны дарга О.Баасанхүүг энэхүү албан тушаалаас нь
түдгэлзүүлж өөр нэгнийг тавих гэж буй билээ. Түүнд ард түмний дуу хоолой болсон
өргөдлийг нуун дарагдуулж энэхүү байнгын хорооны даргын албан тушаалаа авч
үлдэж болох байсан уу гэвэл байсан. Гэхдээ тэрбээр ард түмний дуу хоолойг төр
засагт нээлттэйгээр хүргэж, эрх баригчдаас тайлбар хүслээ.

О.Баасанхүү гишүүн
болон түүний даргалж буй байнгын хооронд одоогийн байдлаар ирээд буй 60 мянга
гаруй өргөдлөөс олон нийтийн анхаарлыг хамгийн их татсан асуудлууд нь С.Зориг
агсны эхнэр Б.Булган, Монгол Улсын сайд бөгөөд ЗГХЭГ-ын дарга С.Баярцогт болон \”Ирвэс
хамгаалах сан”-гийн биологич залуу Т.Лхагвасүмбэрэл агсны хэргүүд бөгөөд
тэрбээр энэ гурван асуудалтай холбоотой өргөдлүүдэд тайлбар шаардсан юм.
Тодруулбал, Монгол Улсын сайд, ЗГХЭГ-ын дарга С.Баярцогтод хаягласан гомдолд
гадаадын хэвлэл мэдээлэлд гарсан мэдээлэл түүнд холбогдох хэргийг хэрэгсэхгүй
болгосон хуулийн байгууллагын шийдвэртэй нийцэхгүй байгааг онцолжээ. Мөн тус
хэргийг хянахдаа нэг талыг барьсан хэмээн үзэж, дахин нягталж өгөх хүсэлт ирсэн аж.

Энэ талаар О.Баасанхүү гишүүн \”Энэ мөнгөний
их сурвалжийг олж тогтоох ёстой. Хэн нэгэн эрх мэдэлтэн дуртай газраа хөрөнгө
нуучихаад түүнийг нь хуулийн байгууллага илрүүлдэггүй байж болох уу” хэмээсэн юм. Мөн энэ хүсэлтийн хамт тэрбээр Тост, Тосон бумбын нурууг тусгай хамгаалалтад авах
талаар байнгын хорооноос Н.Батцэрэг сайдад чиглэл өгсөнбайхад ямар ч
шалтгаангүй удаа дараа хурал хойшилсон нь тус нутагт лиценз эзэмшиж байгаа
компаниудын ашиг сонирхолтой холбоотой байж магадгүй гэж үзэж буйгаа хэлэв. Иймээс ирвэс хамгаалагч залуугийн амиа алдсан хэргийг илрүүлэх ажлын
хэсгийг өргөтгөх хүсэлт тавив. Үүнээс гадна С.Зориг агсны гэргий Б.Булганыг ар гэрийнхэн болон өмгөөлөгчтэй нь уулзуулахгүй байгаа тухай гомдлыг
түүний ээж ирүүлснийг
дурдаж. энэ нь Үндсэн хууль болоод олон улсын гэрээг
зөрчсөн үйлдэл болж байна. Иймээс УИХ-ын гишүүний
хувьд хууль зөрчсөн эсэхийг мэдэх эрхийн дагуу богино хугацаанд тайлбар авахыг
хүссэн гэв.

Харин Хэрэг бүртгэх мөрдөн байцаах ажиллагаанд хяналт тавих
хэлтсийн дарга Е.Сагсай \”С.Баярцогт сайдтай холбоотой хэргийг
шалгаж, хяналт тавьсан прокурор нь шийдвэрээ гаргасан. Бид иргэн н.Бат-Эрдэнийн
гомдолд дурьдсан шалтгаан үндэслэл бүхий байвал сэргээн шалгаж болно. Харин
байгаль хамгаалагч залууг амьд байхад нь Өмнөговь аймагт үүсгэсэн хэрэг шалгалтын
явцад байгаа. Мөн Хөвсгөлд амь насаа алдсан хэрэг үүсгэсэн. Тиймээс үүнийг
нэгтгэж, мөрдөн байцаах газарт өгсөн. Одоо хэрэг шалгалтын явцад байгаа. Үүнд
манай байгууллагаас ач холбогдол өгч Ерөнхий прокурор хэрэгтэй өөрийн биеэр
танилцсан” гэв. Мөн тэрбээр \”С.Зориг агсантай холбоотой хэргийг тагнуул,
цагдаагийн байгууллагын хамтарсан ажлын хэсэг шалгаж байгаа. Нэгэнт энэ хэрэг
нууцын зэрэглэлтэй учраас хүн бүр оролцож, хянах боломжгүй. Гэвч нууц байх
эсэхээс үл хамаарсан журам заавар бий. Энэ дагуу ар гэрийнхэн, өмгөөлөгчийг
уулзуулахыг эндээ яриад шийдэж болох байх. Гэхдээ ирүүлсэн материалтай уншиж
танилцаж байж, шийдвэрээ гаргаад албан ёсоор хариу өгье” гэсэн юм.

 

Нинж