Галт тэрэгний онлайн тасалбар борлуулалтын системд хэрэглэгчдийн саналыг тусган сайжруулалт хийх зорилгоор өнгөрсөн дөрөвдүгээр сард “Улаанбаатар төмөр зам” ХНН-ээс хэрэглэгч, үйлчлүүлэгчдээс судалгаа авсан аж. Тэгвэл тус судалгааны үр дүнд тулгуурлан https://eticket.ubtz.mn систем хэрэглэгчийн хэрэгцээнд нийцүүлэн шинэчлэгджээ.
Онлайнаар хэзээ ч хаанаас ч https://eticket.ubtz.mn системд хандаж Галт тэрэгний тасалбарыг ердөө 5 минутад худалдан авах боломжтойгоос гадна бүртгэл үүсгэж болох юм байна.
Системийн шинэ боломжууд:
-И-мэйл, Facebook, Google хаягуудын аль ч хэлбэрээр бүртгүүлэх.
-Хүссэн суудлаа сонгох.
-Нэг дор 4 хүртэл суудлын тасалбар худалдан авах.
-Байнга зорчдог чиглэлээ загвар болгон хадгалах.
-Банкны дотоодын карт болон candy оноогоор төлбөр төлөх
-Интернетээр худалдаж авсан тасалбараа үзүүлээд галт тэргэндээ шууд суух боломжтой болжээ.
Дашрамд дуулгахад, галт тэрэгний хөдөлгөөн 2018 оны тавдугаар сарын 13-ны 06:00 цагаас Зуны цагийн хуваарьт шилжих юм байна.
