Цэцийн даргыг яагаад огцруулахаар болов

 

УИХ-ын Хууль зүйн байнгын хороо
өчигдөр буюу 27-ны өдөр хуралдаж, Үндсэн хуулийн Цэцийн дарга Ж.Амарсанааг
эгүүлэн /хуулийн хэллэг/ татах тухай асуудлыг хэлэлцэж, УИХ-д шилжүүллээ.

 

Эгүүлэн татах үндэслэлдээ \”Монгол Улсын Үндсэн хуулийн
Цэцийн тухай хуульд өөрчлөлт оруулах тухай хуульд нэмэлт өөрчлөлт оруулах
тухай, УИХ-ын чуулганы хуралдааны дэгийн тухай, хуульд өөрчлөлт оруулах тухай
хуулийг тус тус баталсан. Энэ хуулийн ёсчлохыг зөвшөөрч Монгол улсын
Ерөнхийлөгчийн Тамгын газарт ирүүлээгүй, мөн хориг тавих эсэхээ шийдээгүй,
\”Төрийн мэдээлэл” эмхэтгэлд нийтлээгүй байхад Үндсэн хуулийн Цэц нэр бүхий
иргэдийн мэдээллийн дагуу маргаан үүсгэж албан ёсоор нийтлээгүй хуулийг
хэрэглэж байгаа нь Үндсэн хууль, Монгол улсын Ерөнхийлөгчийн тухай хууль,
УИХ-ын чуулганы хуралдааны дэгийн тухай хуулийг зөрчсөн” хэмээн дурджээ.Энгийнээр хэлбэл ҮХЦ-ийн дарга хууль зөрчсөн учраас эргүүлэн татаж байна гэж
ойлгож болох нь.

Тэгвэл Үндсэн хуулийн 65 дугаар
зүйлийн 65.4 дэх хэсэгт \”Үндсэн
хуулийн цэцийн дарга, гишүүн хууль зөрчвөл Үндсэн хуулийн цэцийн шийдвэр, анх
илгээсэн байгууллагын саналыг үндэслэн Улсын Их Хурал эгүүлэн татаж болно” гэж
заасан байдаг байна. Энэ
дагуу УИХ эрхээ эдэлж, Ж.Амарсанааг Үндсэн хуулийн цэцийн даргын албан
тушаалаас чөлөөлөхөөр яригдаж эхэллээ.

 

Гэвч үүнээс улбаалан Цэцийн
дарга хууль зөрчсөн гэдгийг тогтоосон шүүхийн шийдвэр байхгүй, огцруулах \”болзол”,
хуулийн зохицуулалт биелэгдээгүй, Цэц даргынхаа асуудлыг дотооддоо хэлэлцээгүй
… гэх мэт олон асуудлууд урган гарч ирээд байгаа аж.

Тэгвэл Цэцийн даргыг огцруулах
хүсэл, сонирхол УИХ-ын даргад байжээ гэж үзэх хүмүүс цөөнгүй байна. Учир нь
саяхан иргэн Энхбаяр гэгчээс Цэцэд \”УИХ-ын дарга З.Энхболдыг Төрийн
байгуулалтын байнгын хорооны зарим гишүүдийг сэлгэн томилохдоо Үндсэн хууль
зөрчсөн байж болзошгүй” гэх асуудлаар ханджээ.

Иргэний асуудлыг Цэц маргаан
үүсгэж хэлэлцэх ёстой. Гэвч үүнээс өмнө даргыг нь огцруулахаар оролдож байгаа
нь цаанаа улс төрийн зорилготой байж магадгүй гэж иргэд таамаглаад байгаа юм.

 

Мөн нөгөө талаас сүүлийн үед
Цэцтэй холбоотой элдэв асуудлууд их гарах болсон. Хэвийн үргэлжилж байсан
ипотекийн зээлийг гацаасан, Засгийн газраас лексус 570 автомашин \”авсан”
гэхчлэнгийн асуудлуудаас болж, цэвэр нэртэй Цэц \”шороотой хутгалдаад байгаа юм”.
Энэ бүгдийн хариуцлагыг Ж.Амарсанаагаар хүлээлгэх гэсэн оролдлого ч байж мэдэх
л юм.

 

А.Аюуш