Бидний амьдралын хэмнэл нэг л биш битгий хэл тэр чигээрээ биш боллоо. Оройжин зугаацаж дарвиж, сахилгагүйтэж байгаад шөнө дөлөөр, бүр үүрээр дэр, толгой нийлүүлнэ. Ингээд үд болтол унтаж үхрийн дуунаар сэрэх нь тэр. Зарим нь босно, зарим нь хэвтрийн дэглэм сахина. Ийм л хэмнэлд орчихоод байна.
Ингэж амьдрахгүй ээ. Бурууд нүд, хэл хурц, бултаараа зөв хөдлөхийг уриалах хүн ч бидний дунд цөөнгүй бий. Нэг л жишээ авъя.
“Guys” хамтлагийн гишүүн, СТА дуучин М.Мягмар “Монголчууд минь монголынхоо цагаар амьдармаар бна аа! Өглөө эртлэн босоод ажлаа хөөцөлдөх гэхээр утсаа авдаг хүн алга, яг хаанахын аль газрын цагийн хуваариар амьдарцгаагаад мань мэт нь ингээд хүлээлгийн горимд кофе шоп нтрээр цаг нөхцөөдөг байна аа! Аргаа барсан хүн аавынхаа толгойг маажина гэгчээр л юм болох юм аа.
Дэлгэр цагт эрт босоод эрт ажлуудаа амжуулж баймаар байна аа. Нэг л их унтсан амарсан хүмүүс…
Орой болохоор баар саваар л дүүрэн жаргасан баярласан, уусан идсэн хүмүүс, өглөөд эмнэлгээр дүүрэн өвчин зовлонтой яахаа мэдэхээ байж, харагдсан бүхнээсээ тусламж хүссэн хүмүүс…
Өнөөгийн нөхцөл байдлаа бодитоор харж хүн бүр дор бүртээ өөрт оногдсон ажлаа чанартай сайн хийхдээ анхаармаар санагдах юм. Харааж зүхээд байдаг урд хөршийнхөн чинь үүрийн таван жингээр эртлэн босч нөгөө иог, хийн дасгал нтрээ хийгээд жигтэйхэн л байдаг юм билээ шд. Бусад улс оронд өглөө эртлэн боссон хүнд хөнгөлөлттэй үйлчилдэг үйлчилгээний газрууд хүртэл байх… Манайд л эсрэгээрээ үд хүртэл унтаж, үхрийн дуунаар сэрж, үер болтол шээдэг хүмүүс…
За тэгээд энэ хэлээд байгаа зүйлс өөрт чинь дутагдал болж харагдвал яг одоо босож өөрийгөө өөрчил залуу минь! Боломж, аз гэгч чамайг олж харах хүртэл чинь хүлээдэггүй юм шүү!
Алтан нар ээгээд Амьдрал өрнөөд Амжиргаатай бусад чинь аль хэдийн боломжоо ашиглаад амьдрал дунд хамт буцалж байна. Гэтэл…!!!” гэжээ.
Энэ бол гарцаагүй үнэн, дэмжиж байна.
“Уруудахад унтах, идэх, мартах
Өөдлөхөд санах, сэрэх, хийх” гэдэг дээ та минь ээ…
