Цагаан сарын буузаа хийлээ. Санхүү хямраад гурил түлхүү Бүрээс нь томдсон гэр шиг л юм боллоо. Гурил нь дэрвээд л этр.
Манай хөдөөд чинь бууз хийх сургаар баахан хар юмнууд нүүгэлтээд л ороод ирж байгаан. Өнгөрсөн жил буузныхаа талыг нь хийлцсэн хүмүүстээ жигнэж өгсөөр байгаад таарсан. Ай мөн гарзтай юм болж билээ. Танай ах дүү нар их идлээ, манай ах дүү нар их идлээ гэж эхнэр бид хоёр хэрэлдээд. Сүүлдээ хэрүүл даамжраад салахаар болсон ч гурван хүүхэдтэй айл чинь салж болдоггүй юм байна. Дөрвөн хүүхэдтэй байсан бол хоёр хоёроор нь аваад гялс салахгүй юу. Юмыг яаж мэдэхэв гээд тэгш тоотой хүүхэдтэй баймаар юм билээ.
Энэ жил буузаа гарз багатай ингэж хийлээ. Хүн амьтанд бууз хийхээ огт хэлсэнгүй.
Хэнийх буузаа хийх бол гээл дэлгүүр хавиар эргэлдэж байдаг гаруудыг босохоос өмнө гурил сонгиноо өглөө эрт авлаа. Тэгсэн ч \”эднийх буузаа хийж магадгүй” гэсэн өлсөглөн гаруудын заримаас нь үнэндээ бултаж чадсангүй. Өнгөрсөн жил хамаг буузыг маань хядсан Зоригоо туучий \”Танайх буузаа хийх гэж байгаамуу Шагж ахаа” гэхээр нь албаар төөрүүлэх маягтай \”гүй ээ Болдынх хийх гэж байгаан, надад сонгино захисан юм” гээл хэлчихсэн. Орой ч Болдынх будаа болсоон гэж бодохоос хөх инээд хүрээстэй.
Буузыг асар хурдтай элдэж, чимхдэг ганц нэг дотны хүмүүсрүүгээ мээсээж явууллаа. Утсаар ярьвал дэл сул юмнууд ханд авчих байх гэж бодоод тэр.
\”Өнөөдөр бууз хийх маш нууц ажиллагаатай тул сүүлгүй ирэгтүн Шагж” гээл мээсээж явуулчихсан.
Хариу мээсээж \”Ойлголоо, харуй бүрийгээр хашааны сүүдэр налж очимз, хаалгаа битгий цоожлоорой” гэсэн мээсээж ирэх жишээний.
Ингээд орой болоход \”буузны тоог будаа шиг иддэг” хоёр гурван аймаар гарууд ирлээ шүү. Яаж мэдэвээ та нар гэсэн чинь \”өглөө дэлгүүрт сэжиг авсан” гэх. Эхнэр түлээ оруулах зуураа миний энгрийг түшээд \”Шагж минь эднуус аль газраас манай буузыг залгихаар ирсэн амьтас юм бэ” гэж хямраад л. \”Уйлаад яах вэ , нэгэнт ийм юм болсийм чинь яалтай билээ, сэдхилээ бариа ханиа л” гэлээ.
Бууз хийлцэх хүмүүс цуглангуут хашааны хаалгаа дангинтай түгжээд нохойгоо тавьчихсан.
Гурил эв нь нийлээгүй байна гэсэн аар саар шалтгаанаар буузаа албаар орой хийж эхлэв. Шөнө дунд хүртэл бууз хийвэл сүүлд нь хүмүүс бууз идэж шалихгүй байх гэсэн бодолтой. Буузныхаа эхлэх ялангуяа дуусах хугацааг яг тааруулахгүй бол өнгөрсөн жил өглөө нь дуусаад хамаг буузаа жигнэж өгсөн гашуун туршлагатай хүн шүү дээ би. Буузаа хийгээд л байлаа. Хүмүүсийг нилээн өлсгөж байгаад оройны 11 цагийн үед бууз хийлцэгчдэд өөх тос ихтэй гурилтай шөл өгөв. Шөл буцалж байтал Батаа муу туучий буузнаас хэдийг авч тогооруу шидээд. Халуун шөл эхнэрлүү үсрээд.
Хүн түлэх нь үү яаж байгаан чи гэсэн чинь \”амтлах гэсийн Шагж ахаа” гэдийн. Ахиж тогооруу бууз шидэхгүй болтол нь загнав.
Хүмүүсийг аягаа тавингуут л шөл дүүргээд байхаар гэдэс нь цэрийгүй хайчхав. \”Шагж ахаа бууз чимхэх гэхээр гэдэс тулаад гулгих гээд байна гэж байгаа юм чинь. Заримынх нь гэдэс задчих гээд хажуугаараа хэвтчихсэн чимхэх жишээний.
Энэ хооронд манай эхнэр \”Орой махан хоол идэх эрүүл мэндэд нүгэлтэй муушдээ ” гээл тувт ухуулаастай. Би үгий нь шүүрч аваад л \”Манай муу өвөөд шөнө махан хоол их иддэг хүн байсан юм, олигтой наслаагүйдээ хөөрхий” гээд л.
Хоолыг ус шиг шингээдэг Батаа, Энхээ эднууст нөгөө шөлтэй хоолныхоо ялгаж үлдээсэн тос өөхтэй хэсгийг завсаргүй өгөөстэй. Тэр хоёрыг аль болох мухарлуу түгжиж суулгаад хоолыг нь шингээхгүйг хичээж ажиллав. Бууз дуусах алдад албаар жаахан мах үлдээж байгаад гурилыг нь түрүүлж дуусгав. Нэмж гурил зуураад бууз хийлцэгчдэд жигнэхээр болов. Мах нэмэх нэрээр баахан өөх хийгээд хутгав. Давсыг нь чангахаан хийв. Буузны ширхэгийг будаа шиг иддэг Батаа , Энхээ хоёр юм ярих сөхөөгүй гулигаад л. Тос, давс нь ихэдсэн буузыг идэж юу л шалих вэ дээ. Арай тостойм бишүү Шагж ахаа гээд л… Ингэж ажилласны хүчинд буузаа тун гарлага багатайгаар хийлээ дээ.
Эх сурвалж: Фейсбүүк.ком
![\"\"](http://undesten.mn/uploads/posts/2016-01/1454128926_dsc06061mjpg.jpg "\\"\\"")
