![\"\"](http://undesten.mn/uploads/posts/2016-02/1454316096_9f081077a60659a2original.jpg "\\"\\"")
Бурханы шашинд \”5-н цөвүүн\” гэх ойлголт байх бөгөөд бидний энэ эрин цагийг 5 цөвүүн бүрдсэн цаг гэх ба 3000-аад жилийн тэртээ Бурхан багш Замбуулинд залрах тэр үед аль хэзээнээ 5 цөвүүн бүрдсэн байсан гэдэг.
Таван цөвүүн тэдгээрийг дурдваас
1.үзлийн цөв
2.нисваанисын цөв
3.амьтны цөв
4.насны цөв
5.цагийн цөв болой.
Чухаг дээд гурав болон үйлийн үр, урд хойд насыг үгүйсгэх үзэл нь үзлийн цөв бөлгөө. Үзэл нь цөвтсөн хүмүүнийг цөвт амьтан гэх бөгөөд энэ нь амьтны цөв юм. Энэ мэт цөвтсөн амьтны сэтгэл нисваанис буюу муу сэтгэлээр түйтгэрлэгдэх тул нисваанисын цөв хэмээмүй. Нисваанисаар түйдсэн амьтад буян доройтын тул нас ахар бөгөөд цаг бусын үхлээр хорвоог орхих тул насны цөв хэмээх нь энэ болно. Эдгээр цөвүүд нийт дунд дэвэрсэн цаг үеийг цагийн цөв хэмээдэг байна.
Гэхдээ 5-н цөвүүн дэвэрсэн цаг тул юуг ч өөрчлөх аргагүй гээд буянд шамдахгүй, хилэнцийг тэвчихгүй, амьтнаас ялгарахгүй ая зөнгөөрөө залхууран мунхаглан амьдарч үл болно. Учир юун хэмээвээс 5-н цөвүүн нь буруу үзэл, муу сэтгэлээс үүдэлтэй тул түүний ерөндөг болсон ажиглал шинжлэлд тулгуурласан зөв үзлээр суурилан өөрт болон бусдад тустай зөв зүйтэй үйлийг үйлдэж, ёс суртахуунтай, энэрэхүй сэтгэлтэй байваас буяныг чуулганыг хэмжээгүй хурааж түүний үрд нас буян арвижин, эрүүл энхийн жаргалан лугаа үл хагацаж, санаж сэдсэн ажил үйлс сэтгэгчилэн бүтэж, эд баялагаар элбэг хангалуун байх нь хуурмаггүй болой. Бурханы шашины ном шаштирт 5-н цөвүүн дэвэрсэн арилаагүй орон болох Замбуулинд алив нэг хүний нэг өдрийн сожон сахил сахисны буян нь Диваажин тэргүүтэй ариун оронд олон галваар агшин таслалгүй хийсэн буянтай дүйдэг хэмээн зарлигласан байдаг.
www.khuvsgulnews.mn
