“Тавдугаар сарын 20” хэмээх ханзны дуудлага нь “Хайртай шүү” гэдэг хятад үгтэй маш төсөөтэй учраас Хятадын цахим сүлжээчид энэ өдрийг хайр дурлалаа илэрхийлэх баяр болгон тэмдэглэх болсон байна. Хятад улсад шинээр дэлгэрч буй энэ баяраар Хятадын удирдагч Ши Жиньпин болон түүний гэргий Пэн Ли-Юаний хайр дурлалын тухай cri.cn онцолжээ.
Ээж ааваа ачлан хүндэлж, эхнэр хүүхдээ хайрлан хамгаалах нь гэр бүлийн аз жаргал хэмээн Ши Жиньпин чухалчлан үздэг аж. Тэрээр гэргий Пэн Ли-Юаньтайгаа хайр дурлалаа холбон, ханийн заяа түшиж, ард иргэдийнхээ хүндэтгэлийг хүлээсэн “Хайртай хосууд”-ын үлгэр шижээ нь болсон байна.
Чи минь байгаа болохоор хайр төрдөг
1987 оны есдүгээр сард Ши Жиньпин Пэн Ли-Юань нар гэрлэсэн ч хуримын ёслол хийгээгүй. Харин ажлын хамт олон, дотны найзуудаа урин хөнгөн зоог барьсан бөгөөд хосууд баярын чихрээ ч ёслолоос өмнөхөн худалдан авч зочиддоо тарааж билээ. Бие биеэ хайрлан түшихэд сэтгэл дүүрэн байдаг, үүнийг жинхэнэ аз жаргал гэж хэлнэ биз ээ.
Бие Биеэ дурсах бол жинхэнэ хайр
Гэрлэсний дараа Ши Жиньпин албан тушаалын шаардлагаар байнга гадуур ажил албанд явдаг. Гэргий Пэн Ли-Юань ч цэрэг армийн нэрт дуучин хүн болохоор байнга тайлан тоглолтод оролцдог. Хоёулаа байнга хамт байж чадахгүй ч сэтгэлдээ нэгнээ тээж явдаг хосууд. Ши Жиньпиний ажиллаж байсан Фүжянь муж өвөлдөө маш хүйтэн болохоор Пэн Ли-Юань түүнд гараа гарган хөнжил оёж өгч байсан бол Пэн Ли-Юань төв телевизийн сар шинийн үдэшлэгт оролцоод харихад нь Ши Жиньпин гэртээ баншаа бариад хүлээж суудаг.
Сургаал сайтай гэр бүлийг байгуулах бол мөнхийн хайр
Тэд гэр бүлээ босгож, үр хүүхэдтэй болж, хүүхдээ маш хатуу чанд сургана. Охиндоо “Минзэ” гэдэг нэр хайрласан нь “ариун чигч хүн болох”-ыг нь хүсэн бэлгэдсэн юм.
Насаараа ханилах бол үнэн хайр
Удирдах албан тушаалд орсны дараа Ши Жиньпин гэргий Пэн Ли-Юаньтайгаа олон арга хэмжээнд хамт оролцох болжээ. Тэдний халуун дулаан харц, үйл хөдлөл бүрд нь хайр шингэсэн байдаг болохоор хүмүүс “Ши агаа”, “Пэн аниа” гэж энхрийлэн дууддаг. Тэд ч үнэхээр олны хайр хүндэтгэлийг хүлээсэн “Хайртай хосууд” юм даа.
