Дагваа аварга аа, Б.Болор сайдад нэг автомашинаа түр хэрэглүүлээч, бид түрээслэе

 

 

Бид чинь Сангийн сайд нь унах
унаагүй болтлоо хямарчихсан, тийм ядуу улс билүү. Буурал европ, Будант Албион,
Эрх чөлөөний орнуудыг бодвол ядуу л даа. Гэхдээ улсын Сан хөмрөгийг хариуцсан
сайд нь унах унаагүй явна гэдэг асуудал шүү. АСЕМ энэ тэр гэж томорч байхаар Сангийн
сайддаа ганц унаа авч өгсөн нь дээр биш үү, та минь ээ.

 

Дагваа аваргаас эхлээд АСЕМ-д
ирэх зочдод автомашинаар үйлчлэх санал гаргаад байгаа. Тэр айхтар хурал
чуулганаас өмнө Сангийн сайддаа нэг автомашинаа түр хэрэглүүлчихгүй байгаа.
Яахав энэ парламентын хугацаа дуусахад цөөхөн сар үлдсэн л дээ. Түүний дараа
буцаагаад авчихна биз. Автомашины түрээс энэ тэрийг нь төсвөөс шийдэж болох
байлгүй дээ.

 

Тэгэхгүй бол Монгол Улсын Сан
хөмрөгийн сайд нь такси бариад л яваад байхаар бид чинь ийм болтлоо ядуурчихаа
юу гэж бодогдоод их хэцүү юм аа. Биднийхээ төлөө хоёргүй сэтгэлээр зүтгэж буй
хэдэн улс төрчдөө харж үзэхгүй бол тун горьгүй болж. Ц.Нямдорж гишүүнд байр авч
өгсөн үү. Түрээсийн байрандаа л амьдраад байна уу. За яахав эхний ээлжинд
гадаад улс оронд харагдах талаа бодоод Сангийн сайддаа түрээсээр ч болов
автомашин авч өгье. Хүн амьтнаас сайн сураглая. Хямдхан олдох ч юм билүү. Тэр
хооронд \”Улсын номер дөрөв” гэгдэх Үндсэн хуулийн цэцийн дарга Ж.Амарсанаагийн \”голсон”
экселийг ч болов Сангийн сайддаа түр унаалж байя.

 

Хамгийн гол нь Сангийн сайд нь
явган гүйгээд байхаар улс орон минь дэлхийд муухай харагдаад байна шүү дээ. Ийм
ядуу оронд чинь дэлхийн тэргүүнүүд ирэхгүй бол яах юм бэ, тийм ээ.

 

Уг нь Б.Болор гишүүн сайд
болохоосоо өмнө Chevrolet,
Avalange, Land Cruiser 200 гэх зэрэг 154 сая төгрөгийн өртөг бүхий автомашинтай гэж
хөрөнгө орлоготой мэдүүлсэн байх юм. Гэвч сайд болсныхоо дараа эдгээр машинууд
нь байхгүй болчихож л дээ. Тэгээд л такси энэ тэрээр яваад байдаг байх. Хүүхдийн мөнгө, АСЕМ-ын бэлтгэл, алга болсон \”бонд”
гээд л шийдэх ёстой санхүүгийн асуудал бишгүй л байдаг байлгүй дээ. Тэгээд сайд
маань өөрийн автомашинуудыг \”ломбард”-аад, эсвэл зарж байгаад ч болов энэ
асуудлуудыг шийдсэн байж болзошгүй. Тэгэхээр ингэж биднийхээ төлөө зүтгэж
байгаа сайддаа ганц удаа сайн санаж, автомашин авч өгье. Эсвэл Дагваа аваргаас
дөрөвхөн сар нэг машиныг нь түрээслэе… Болж байна уу. Юу гэж бодож байна. Өөр
санаа оноо юу байна.

 

Шар хүү