Леонардо ДиКаприо Монголд тавтай морил!

 

 

Холливудын нэрт
жүжигчин Леонардо ДиКаприо Монголд ирэх гэж байгаа тухай мэдээлэл гарсан билээ.
Хүмүүнлэг буяны үйлсэд гар татдаггүй басхүү үрэлгэн зантай, үрснийхээ хэрээр
олж чаддаг хүн бол Лео билээ. Тэрбээр энэ жил тун одтой яваа бөгөөд олон жил
хүсэн хүлээсэн Оскарын шагналаа энэ удаад авах хамгийн өндөр магадлалтай яваа.
Холливудын мэдээллийн хэрэгслүүдийн мэдээлснээр Оскарын наадам хоёрдугаар сарын
28-нд болох ба Лео болон түүний нөхөд энэ наадмын дараа Монголд очно хэмээжээ.
Гэхдээ хавар, зун эсвэл бүр намар ч байж магадгүй бөгөөд ирэхийн нь өмнө
тодорхой болох аж.

Өөрөөр хэлбэл, Оскарын шагналт жүжигчин Монголд ирнэ гээд
хэлчихэд буруудахгүй юм. Леонардо ДиКаприо \”Үхлээс эргэж ирсэн хүн” киногоороо
нэлээдгүй ашиг олсон бөгөөд энэ киногоороо Оскарын шилдэг эрэгтэй жүжигчинд нэр
дэвшчихээд байгаа. Ашиг орлого ихтэй
яваа Леонардо ДиКаприо саяхан АНУ-ын ДОХ-ын судалгааны \”amfAR” сангаас зохион байгуулсан буяны дуудлага
худалдааны үеэр Монгол Улсад аялах эрхийг бичгийг Ума Турман, Роберт де Ниро,
Жей-Зи нарын баян алдартнуудыг хол хаяж 95 мянган ам.доллар /200 сая төгрөг/
амласнаар худалдан авсан юм. \”Үхлээс эргэж ирсэн хүн” киноны дараа ОХУ-ын
Ерөнхийлөгч Владимир Путин өөрийнх нь тухай өгүүлэх Холливудын шинэ кинонд
Леонардо ДиКаприо тоглохыг дэмжсэн бөгөөд түүнтэй уулзаж ярилцсан юм.

Түүнчлэн
Леонардо өөрийгөө эхийнхээ талаас Орос цустай хэмээгээд ОХУ-ын Чельябинск
мужийн аялал жуулчлалын кластерын нүүр царай болохыг хүсч буйгаа илэрхийлсэн
юм. Магадгүй, Леонардо Путины тухай өгүүлэх шинэ кино эсвэл дараа дараачийн
шинэ бүтээлийнхээ зураг авалтын зарим
хэсгийг Монголд хийх санааг манай аялах үеэрээ олох ч юм билүү, нэрт найруулагч
Жеймс Камерун Хятадад аялах үеэрээ ургаа мод шиг атлаа ёроол нь үл харагдах
өндөр хаднуудыг харснаар алдарт \”Аватар” киноныхоо санааг олсон гэдэг.