Онгоцонд од болсон гурван гишүүний онигоо

 

 

 

 

Монгол Улсын
Шадар сайд Ц.Оюунбаатар тэргүүтэй УИХ-ын гишүүн Д.Ганбат, Ж.Батсуурь нарын
гурван эрхэм энэ сарын 13-нд Улаанбаатар-Москва-Берлин чиглэлийн МИАТ-ын
онгоцонд нэгдүгээр зэрэглэлийн суудалд сууна хэмээн томорч, улмаар онгоцыг
хөөргөхгүй хэмээн барьцаалах нь холгүй юм болсон.

Тэдний балгийн улмаас тус
онгоц хуваарьт цагаасаа 30 минут хоцорч, энгийн тасалбартай суусан атлаа
түүнийгээ онгоцон дотор сольж, нэгдүгээр зэрэглэлийн гурван зорчигчийг суудлаас
нь босгож томрох гэсэн гурван гишүүний бардамнал зогссоноор хөөрсөн байдаг. Онгоцны үйлчлэгч ингэж болохгүй
хэмээн тэдэнд тайлбарлаж,
тасалбараа авахдаа нэгдүгээр зэрэглэлийнхийг авах ёстойг ойлгуулах гэтэл \”Чи биднийг хэн гэж бодоов.Бид УИХ-ын гишүүд байна. Танихгүй байна уу. Энгийн хүмүүс
шиг энд суухгүй, заавал нэгдүгээр зэрэглэлийн суудалд сууна. Үгүй гэвэл онгоцыг
чинь хөөргөхгүй” хэмээн \”од” болсон юм.

Эцэст нь үйлчлэгч эмэгтэй УИХ-ын гишүүдийг МИАТ-ийн нэгэн удирдах
албан тушаалтантай холбож өгсөн бөгөөд мэдээж дүрэм бол дүрэм
учраас тэд нэгдүгээр зэрэглэлд сууж чадсангүй. Мөн МИАТ-ийн удирдлагын газраас
хуваарьтнислэгт саад болж буй зорчигчдыг ачаа тээштэй нь хамт буулгаж,
дараагийн нислэгээр явуулах үүргийг онгоцны жолооч, үйлчлэгч нарт өгчээ.

Энэ дагуу УИХ-ын
гишүүдийг ачаа
тээшний хамт буулгахаа ачаа тээшний дугаарыг нь тэмдэглэж авах
үедарслан барс мэт авирлаж байсан
Шадар сайд тэргүүтэй УИХ-ын гишүүдийн хулхи нь бууж, суудалдаа суугаад Берлин рүү
нисчээ.

Нислэгийн явцад тэд \”МИАТ-ийн өндөр албан тушаалтнуудыг солихгүй бол
болохгүй болжээ” хэмээн үглэсээр
явсан гэх бөгөөд од болсон гурван гишүүний үйлдэл үнэн эсэхийг Зам, тээврийн
сайд М.Зоригтоос тодруулахад:

 

-УИХ-ын гурван гишүүн
МИАТ-ын нислэг саатуулсан тухайд та ямар мэдээлэлтэй байгаа вэ?

-Би өчигдөр хэвлэлийн мэдээтэй байсан. Өнөөдөр албан ёсоор
МИАТ-ынхнаас үнэхээр тийм зүйл болсон уу, үгүй юу гэдгийг тодруулсан. Үнэхээр
тийм зүйл болсон юм билээ.Төрийн өндөр албан тушаалтнууд урьдчилж
мэдэгдсэнээр зэрэглэл ахиулах эрхзүйн орчин байдаг.Энийг компанийн
удирдлагын түвшинд шийдвэр гаргадаг. Үйлчилгээнд гарч байгаа хүмүүст эрх
байдаггүй. Хүн ёсны харьцаа байгаагүйгээс болж жоохон асуудал үүссэн юм шиг
байна лээ. Тэрнээс болж буулгах, буулгахгүйдээ тулж саатал гарсан юм болов уу
гэж ойлгосон.

 

-Хүн ёсны харьцаа байгаагүй
гэдэг нь юу гэсэн үг юм бэ?

 

-Би хажууд нь байгаагүй болохоор мэдэхгүй байна. Буулгах хүртэл
арга хэмжээ авсан гэхээр би тэгж бодож байна.

 

-МИАТ-ийнхний ажилд ямар
нэгэн саад учирсан уу?

 

-МИАТ-ээс гаргасан тайлбар дээр ямар нэгэн эдийн засгийн хохирол
гараагүй гэж бичсэн байна лээ.

 

-Хугацаа хоцрохоор гайгүй
юу?

 

-Би бас эргэлзээд л байна. Зогсолтын хугацаанд мөнгө төлдөг
баймаар юм. Олон зорчигч 30-аад минут хүлээсэн. Зорчигч гомдол гаргавал яах
билээ.

 

-Гишүүд энгийн ангилалд явж
болно биз дээ?

 

-Явж л байдаг шүү дээ. Энэ гурвын хувьд юу болсныг сайн мэдэхгүй
байна. Өнөө өглөө Ганбат гишүүнтэй таараад \”Та нар минь юу болов оо. Манай
салбарын хэдэн хүүхдийг дээрэлхээд байхгүй шүү” гэсэн чинь Би яагаа ч үгүй.
Цаад Оюунбаатар чинь юм яриад яваад байсан” гэж байна гэсэн юм.

 

Ингэж л онгоцонд од болсон гурван гишүүний энгийн суудалд суухгүй гэсэн онигоо нэгэн рүүгээ бухах, биесээ \”жийлцэх\” зэргээр цааш үргэлжилж байна.