Монгол Банк хэмээх хөрөнгөлөг вант улс

 

 

 

\”Ам.доллар 2000
хүрвэл би ажлаа өгнө” хэмээн хэлж байсан ч эр хүний ам тангаргаас ухарч няцаж
яваа хүн бол Монгол Банкны ерөнхийлөгч Н.Золжаргал хэмээгч билээ. \”Ноён ногоон” биш Н.Золжаргал хүн
болгонд таалагдах албагүй л дээ. Гэхдээ л \”ноён ногоон” он тоололтой уралдаж
улмаар талийж байхад 3.7 тэрбум төгрөгийг хэлтсийн дарга нараа 50-100 сая төгрөгөөр шагнахад зориулж, \”мисс зиссхэн”-тэй нэр холбогдож, гадаадын гайхмаар үнэтэй
зочид буудлуудаар хэсч тансаглаж явах нь хэр зохимжтой юм бол доо.

Өчигдөр
байрныхаа хажуу талын Америк бараатай дэлгүүрт орлоо. Насаараа шахуу наймаа
хийсэн, мань мэтийн хажууд бизнесийн бараатай худалдагч эгч танил хүүхэндээ \”Монгол Банк арилжааны
банкуудад 25 сая ам.доллар 2026 төгрөгийн
хаалтын ханштайгаархудалдсан байна. Муусайн юмнууд ингэж долларын ханш өсгөөд байгаа байхгүй юу. Сонгуулийн
мөнгөө л хийж байгаа биз. Дээгүүрээ ингэж өсгөөд байхаар найман шарга эднүүс
дээр яаж доллар буух юм. Дагаад нэмэгдээд байна” хэмээн ярьж байв. Хэрвээ энэ
үнэн бол Монгол Улсын хөрөнгийг атгаж, Монгол Улсын хөрөнгийн бодлогыг
тодорхойлогч Монгол Банк хэмээх хоёр давхар хөрөнгөлөг хаус нь Засгийн эрхэнд
гарсан намын сонгуулийн мөнгийг олж өгөх хэрэгсэл болжээ. Угтаа бол аль нэг
намаас хараат ажиллах ёстой Монгол Банк их мөнгө эргэлддэг газар гэсэндээ их
мөнгөтэй холбоотой их олон асуудалтай газар. Хэн зөвшөөрсөн юм, дурсгалын зоос, моосыг дураараа
гаргаж, гаднынханд чимээгүйхэн зарчихдаг борооны дараах мөөг шиг олон янзын зооснуудаа эргээд танихгүй болчих вий дээ. Энэ мэтээр мөнгө олох ажил хийсээр байдаг Монгол Банкинд хэмнэвэл зохих хэд хэдэн
асуудал байгааг доор дурдья.

-Монгол Банкны
нэг сарын ариун цэврийн зардал нь 60 сая төгрөг гэнэ. Үүнд цэвэрлэгээний зардал
ороогүй бөгөөд орвол 100 сая давах аж. 400 орчим ажилтантай энэ байгууллагын
нэг хүнд ногдох ариун цэврийн зардал 1 сард 150 мянган төгрөг. Дандаа аминдаа \”хэт
арчаагүй” хүмүүс ажилладаг бололтой юм даг.

-За тэгээд сард
80 сая төгрөгийн сонин, хэвлэл захиалдаг юм байна.

-70 гаруй сая
төгрөгөөр галын аюулаас хамгаалдаг юм байна.

-730 сая
төгрөгөөр сургалт зохион байгуулдаг юм байна.

-1 тэрбум 700 сая
төгрөгөөр өмгөөлөгч хөлсөлдөг юм байна.

-805 сая
төгрөгөөр иргэдэд санхүүгийн боловсрол олгодог юм байна.

-874 сая
төгрөгөөр томилолтонд явдаг юм байна.

-704 сая
төгрөгөөр судалгаа явуулдаг юм байна.

-1 тэрбум 263 сая
төгрөгөөр харилцаа холбооны үйлчилгээ авдаг юм байна.

Зөвхөн 1 сарын
зардал нь шүү дээ. Татвар төлөгчдийн мөнгөөр ёстой \”найрладаг” газар нэг ширхэг
байх шиг.

Дээрх мөнгөн дүнг
Монгол Банкны 2016 оны 1-р сарын 1-нээс 1-р сарын 31 хүртэлх хугацааны төсөв
гүйцэтгэлийн албан ёсны тайлангаас авав хэмээжээ.

 

Нинж