Хятадын хамгийн баян хүн Жек Магийн \”Амжилтын тарни\”

$\"\"$

Дэлхийн хамгийн их хүн амтай, түүнийгээ дагаад маш том зах зээл болсон Хятад Улсын онлайн худалдааны 90 орчим хувийг дангаараа эзэмшдэг \”Али Баба\” группийн эзэн Жек Ма /Jack Ma/-г өмнөд хөршийн хамгийн баян хүн гээд хэлчихэд хилсдэхгүй. Учир нь тус компанийн үнэ жил бүр хурдацтайгаар нэмэгдэж өдгөө компанийн нийт үнэ нь 170 тэрбум ам.долларт хүрч \”Гүүглэ\”, \”Фейсбүүк\” компанийн ард бичигдэж байна. Түүнчлэн компанийн 1 ширхэг хувьцаа нь 70 ам.долларт хүрч, компани нь 8-хан минутын дотор 1 тэрбум ам.долларын орлого олж дээд амжилт тогтоож байв. Ямартай ч, Хятад төдийгүй Азид \”бизнесийн бурхан\” мэт хүндлэгддэг Жек Магийн зарим хүмүүст амжилтын тарни болохуйц нэгэн өгүүллийг хүргэе.

\”Ядуу хүмүүсийн сэтгэлд хүрэхэд хамгийн хэцүү. Ямар нэгэн юмыг үнэгүй өгөхөөр түүнийг чинь занга байна гэж харна.

Нэг жижигхэн хөрөнгө оруулалт шүү дээ гэж хэлбэл их мөнгө олохгүй юм байна гэнэ.

Тэгвэл томхоноор оруулах уу гэхлээр мөнгө байхгүй гэнэ.

Шинэ чиглэлээр ажиллаад үзээч гэхлээр туршлагагүй гэж хэлнэ.

Энэ чинь тогтчихсон бизнес шүү дээ гэхээр хэцүү юм байна гэнэ.

Энэ шинэ бизнесийн загвар гэж учирлавал наадах чинь пирамид байна гэж үзнэ.

Дэлгүүр нээгээч гэхээр тийм боломж үгүй гэнэ.

Шинэ бизнес эхлүүлэх үү гэвэл амжилттай явна гэдэг баталгаа алга гэж үзнэ.

Тэдэнд нэг адил шинж чанар байдаг: Гүүглдэж шалган, өөрсдөөсөө долоон дор найдваргүй найз нөхдөө шалгаан сонсож, их сургуулийн профессороос илүү их бодон тунгааж, сохороос багыг хийдэг.

Тэднээс юу хийж чаддаг вэ гээд нэг асуугаад үз.

Тэд танд хариулахгүй.

Миний дүгнэлт: Зөвхөн зүрхний хэмнэлээ хурдасгаснаас зүгээр л илүү хурдтай хөдөлбөл яасан юм бэ? Зөвхөн бодолд автаж суухаас бодож байгаа зүйлээ хийчихвэл яасан юм бэ?

Ядуу хүмүүс нэг нийтлэг шинж чанараасаа болж амжилтанд хүрдэггүй: Тэд бүхий л амьдралаа ямар нэгэн зүйлийг хүлээсээр өнгөрүүлдэг.

Та хэн бэ гэдгээ өөрөө шийд!\” хэмээжээ.

Жек Ма гайхалтай онож хэлжээ. Бодож, тунгааж үзээрэй. Тэгээд эцэст нь хэн болохоо заавал сонгоорой. Баян уу, эсвэл ядуу юу.

Нинж