Урин дулаан цаг ирж зам талбайн засвар, шинэчлэлтийн ажлууд эхэлсэнтэй холбогдуулж зам хааж хөдөлгөөний эрчим удааширч байгаа учир жолооч, зорчигч нарт гар утасны UBTRAFFIC апликейшнийг Замын хөдөлгөөний удирдлагын төвөөс санал болгож байна.
Энэхүү апликейшн нь Улаанбаатар хотын замын хөдөлгөөний мэдээллийг илүү ухаалаг байдлаар танд мэдээлэх аж. Явах цэг, хүрэх цэгээ сонгосноор жолооч, зорчигч танд ачаалалтай зам уулзваруудыг мэдээлэх, хаагдсан болон осол аваар гарсан тохиолдлуудыг мэдэгдсэнээр ачаалалгүй замаар түргэн шуурхай зорчих боломжийг хангаж өгөх юм байна.
