![\"\"](http://undesten.mn/uploads/posts/2016-02/1456727852_996897_640867139257646_430134924_n.jpg "\\"\\"")
Муурыг хуйхалж, гэдэс дотор нь чулуу хийж түүнийгээ \”Тарваганы боодог\” хэмээн зардаг байжээ. Ялгахын аргагүй муурны боодгийг хүмүүс идээд багагүй хугацаа өнгөрчээ. Учир нь гэмт этгээдүүд нэлээд удаан хугацаанд ингэж зарж, \”боодог\” нь ч худалдан авалт өндөртэй байж. Урьд нь хэд хэдэн цайны газарт нохойны махаар хоол хийж зарж байсан тухай л сонссоноос биш муурны махаар боодог хийсэн тохиолдлыг анх удаа сонсов.
Нохойны мах ч яахав шивтэр амтагдахыг эс тооцвол хүний эрүүл мэнд, ялангуяа уушгинд их сайн гэх юм билээ. Харин муурны мах яадаг юм бол, угаас сүжгүйгээ ч хэлэх үү нэг л сэжгийн санагдаад хүмүүст сэрэмжлүүлэхээр бичлээ. Юмыг яаж мэдэхэв, гэмт этгээдүүд баригдсан ч эдийн засгийн хямралтай энэ үед хэн нэг этгээд эсвэл этгээдүүд хамтарч ийм бизнес хийхийг алийг тэр гэхэв. Муурны махаар тарваганы боодог хийж хүмүүсийг хохироосон хэргийг ихэд нууцалж байгаагаас яг хэзээ болсныг нь мэдсэнгүй, гэхдээ гарах нь гарч, хүмүүс хохирох нь хохирчээ. Мэдээж хэрэг энэ явдал бол хялбар аргаар мөнгө олох гэсэн хүмүүсийн бохир арга, гэмт хэрэг юм.
Эх сурвалжийн мэдээлснээр, нийслэлийн нэгэн дүүргийн нутаг дэвсгэрт үйл ажиллагаа явуулдаг нэгэн худалдааны төвд тарваганы боодог нэрээр муурны мах зарж байсан Б, Ш нарын дөрвөн хүнийг цагдаагийнхан баривчилжээ. Тэд муурны махыг тарваганы тос, өөхтэй хольж, тарваганы боодог хэмээн том, жижгээс нь хамааран 60-70 мянган төгрөгөөр зардаг байжээ.
Сэжигтнүүдийн өөрсдийнх нь өгсөн мэдүүлгээр, муурны хөл, толгойг нь аваад чулуу, ногоо зэргийг хийн тарваганы тос, адууны махны шөл зэргийг ашиглан боодгоо хийн бусдыг залилдаг байсан аж.
Мөн энэхүү гэр бүлийн бизнес нилээдгүй өргөжсөний баталгаа нь Яармагт муур үржүүлгийн газартай болохыг олж тогтоосон юм. Нууц байдалд ажилладаг тэд хүн харахад айраг, цагаан идээ зарж буй мэт боловч худалдан авагчтайгаа тохирвол ойрхон байрлуулсан машинаасаа муурны махаа авч өгдөг байж. Өдөрт дунджаар 5-6 муурны боодог зардаг тэд байнгын үйлчлүүлэгчид ихтэй гэдгээ хүлээсэн.
Сэжигтнүүд өөрсдөө сүүлийн хоёр жилийн турш муурны мах зарсан гэж байгаа ч гэрчүүдийн мэдүүлж байгаагаар тав орчим жил уг ажлыг хийсэн аж.
Эцэст нь гэхэд, иргэд өөрсдөө л энэ мэт зүйлд анхааралтай хандахгүй бол муурны махыг тарваганы боодог хэмээн, угаалгын машинд эргүүлж \”угаан\” сэгсрэх нь холгүй бүрсэн айраг хүртэл зарсан тохиолдлууд цагдаагийн хэлтэст бүртгэгдэж байжээ.
Нинж
