![\"\"](http://undesten.mn/uploads/posts/2016-03/1456805995_145680218856d5098c8fbff.jpg "\\"\\"")
Нийслэлд өнгөрсөн шөнө буусан манан одоо болтол бүрэн арилаагүй байна. Одоогоор үзэгдэх орчин хязгаарлагдмал байгаа учраас жолооч нарыг замын хөдөлгөөнд анхаарал болгоомжтой оролцохыг мэргэжлийн байгууллагуудаас анхааруулан зөвлөж байна. Өнөө өглөөний 07 цагийн үед Баруунтүрүү болон 22-ын товчоо орчмоор нил өтгөн манан буусан байсан учир автомашинууд аваарын гэрлээ асаасан ар араасаа цуван зогссон байв. Учир нь юу ч харагдахгүй үзэгдэх орчин хязгаарлагдмал болсон байсан юм. Тэгвэл манангаас үүдэж хэд хэдэн агаарын нислэг саатаад байгаа ажээ. Яг одоо Бишкек Улаанбаатар чиглэлийн онгоц Чингис хаан нисэх онгоцны буудалд бууж чадалгүй нийслэл дээгүүр тав дахиа тойрч байна. Улаанбаатар-Хонгконг, Улаанбаатар-Ханбумбат, Улаанбаатар-Өлгий, Улаанбаатар-Доной чиглэлийн өглөөний нислэгүүд түр саатаад байна. Манан буусан шалтгааныг мэргэжлийн байгуулагаас хараахан тогтоогоогүй байна.
О.Сайхан
Zaluu.com
