Оскар ба арьс өнгө

88 дахь удаагийн Оскарын шагнал гардуулах наадмын \”гол баатар” Лионардо
Дикапрогоос илүү хөтлөгч, жүжигчин, продюсер Крис Рок байлаа. Мэдээж хөтлөгч л
тухайн оройн хамгийн гол хүн байх нь ойлгомжтой. Гэсэн хэдий ч \”Лио энэ жил авах
ёстой” гэсэн олон нийтийн хандлага идэвхтэй байснаар Оскарын гол дүр болсон юм.

Харин наадам албан ёсоор эхлэхэд Крис Рок албан үүргээ тун чадварлаг
гүйцэтгэж, өөрийгөө олон сая иргэдийн өмнө гол баатар болгосон юм. Энэ жилийн
Оскар \”арьс өнгөөр ялгаварладаггүй” гэсэн
мессежийг олон нийтэд өгөхийг ихэд хичээжээ. Тиймээс ч Крис Рокын элэглэл тэр
чигээрээ \”арьс өнгө”-тэй холбоотой байв.

Яагаад энэ асуудал ингэтлээ анхаарлаа хандуулах болов гэвэл. Оскарын
наадмын өмнө \”академи арьс өнгөөр ялгаварлан гадуурхаж, өнгөт арьстуудад боломж
олгохгүй байна” гэсэн сөрөг хандлага нийгэмд бий болоод байсан билээ. 88 дахь
удаагаа зохиогдож буй Оскарын наадамд өнгөт арьстнууд тун цөөн шагнал хүртсэн
нь энэ асуудлыг дэврүүлэхэд хүргэжээ.

 

Тиймээс академи асуудлаас гарах арга замыг сүвэгчилж, хөтлөгч болон шагнал
гардуулагчдыг өнгөт арьстан байхаар зохицуулж өгчээ. Жишээлбэл, хамгийн нэр
хүндтэй шагнал буюу шилдэг киноны шагналыг Морган Фриймэн гардуулсан юм. Мөн
ихэнх шагналыг өнгөт арьстнууд гардуулсан байна.

 

Энэ хооронд Крис Рок хошин хэлбэрээр арьс өнгөний ялгавар байхгүй гэдгийг
илтгэсээр байлаа. Жишээ нь тэрээр \”Энэ жил Уилл Смитийн тоглосон кино яагаад
Оскарт нэр дэвшсэнгүй вэ. Академи яагаад харуудыг чадваргүй гэж голоод байгаа
юм бэ. Эсвэл Уилл, харууд, өнгөт арьстнууд чадваргүй, залхуу байна уу” хэмээн
хэлсэн нь арга хэмжээг үзэж буй олон хүнд таалагдав. Эндээс үзэгч би \”өнгөт
арьстнууд оскарт өрсөлдөхөөр кино бүтээлд тоглохгүй байна. Мөн өнгөт арьстан
гол дүртэй кино бүтээл хийгдэхгүй байна” гэсэн ерөнхий ойлголтыг авлаа. Оскар ч
үүнийг ойлгуулахыг хичээсэн биз. Үгүй бол нэгдсэн улсад Оскарын наадмыг зөвхөн
шаруудад зориулагдсан хээнцэр арга хэмжээ хэмээн үнэлж эхлээд байсан юм. Харин 88 дахь удаагийн наадмын дараагаас үзэгчдийн хандлага өөрчлөгдсөн болов уу. Мөн 89 дэх, 90 дэх удаагийн наадамд \”өнгөт арьстан\” Оскар авах, олноор өрсөлдөх боломж, үүд хаалга нээгдлээ. 

 

Амар