Ж.Батзандан гишүүн Б.Булгантай уулзана

 

 

 

Өнөөдөр Өргөдлийн байнгын хорооны дарга Ж.Батзандан 1983
онд хэлмэгдэж, өмч хөрөнгөө хураалгаж, аавтайгаа хамт
Завхан аймгийн Алдархаан суманд цөлөгдөж, амьдралын хатуу бэрх бүхнийг туулсан
Жалан-Аажавын хүү Батбаатарыг хүлээн авч
уулзлаа.

1983 онд МАХН-ын Төв Хорооны Улс төрийн товчооны гишүүн,
Нарийн бичгийн дарга байсан Жалан-Аажав гуайн бүх эд хөрөнгө, орон байрыг нь хурааж
Шүүхийн шийдвэргүйгээр, зөвхөн МАХН-ын
Намын Төв Хорооны шийдвэрийн дагуу түүнийг хүү Батбаатарын хамт нутаг зааж,
хугацаагүй цөллөгт явуулсан байдаг төдийгүй одоог хүртэл хурааж авсан эд
хөрөнгө, орон байрыг түүний хүүд өгөөгүй байна.

Энэ асуудлаар Жалан-Аажавын хүү Батбаатар Өргөдлийн
байнгын хороонд хандаж эд хөрөнгө, орон байраа буцаан авахад дэмжлэг үзүүлэхийг
хүслээ.

Харин УИХ-ын гишүүн Ж.Батзандан хэлэхдээ, хэдхэн жилийн
өмнө Шүүхийн шийдвэрээр бус, МАХН-ын Удирдах зөвлөлийн шийдвэрээр олон хүнийг
хэлмэгдүүлж амь нас, эрүүл мэндээр
хохироож байсан. Тиймээс хэлмэгсэдийн ар гэрийнхэний асуудалд анхаарлаа хандуулж УИХ-ын тогтоолоор
Засгийн газарт чиглэл өгөх болно гэдгээ хэлсэн юм.

 

Мөн Төр нийгмийн нэрт
зүтгэлтэн С.Зоригийн амь
насаа алдсан
хэрэгт холбогдуулан талийгаачийн гэргий Б.Булганыг цагдан хорьж, ар гэрийнхэнтэй
нь уулзуулахгүй байгаа
талаар түүний ээж Д.Байгальмаа нь УИХ-ын Өргөдлийн байнгын хороонд хандаж өргөдөл
гаргасан билээ.

Энэ асуудлын дагуу Өргөдлийн байнгын хорооны дарга
Ж.Батзандан болон ӨБХ-ны ажлын хэсгийнхэн улсын прокурорын зөвшөөрлийн дагуу Б.Булгантай
уулзаж түүний биеийн байдал, хүний эрх, эрх чөлөө зөрчигдсөн эсэх, цагдан хорих таслан сэргийлэх арга хэмжээ хуулийн дагуу явагдаж байгаа талаар хяналт шалгалт хийхээр
хөдөллөө. Энэ талаарх ажлын хэсгийн дүгнэлт ирэх долоо хоногт гарах бололтой.