БНАСАУ-ын тэргүүн Ким Чен Ын мягмар гаригт Хятадад айлчилж, БНХАУ-ын дарга Си Зинпин-тэй хэлэлцээр хийх бодолтой талаар Nikkei Asian Review мэдээллээ. Тус хэвлэлд нийтэлснээр Ким Чен Ыны өнгөрсөн зургадугаар сарын 12-нд АНУ-ын ерөнхийлөгчтэй хийгдсэн дээд хэмжээний уулзалтын талаар түүнчлэн хэлэлцээрийн цаашдын стратегийн талаар авч хэлэлцэж магадгүй гэжээ. БНАСАУ-ын тэргүүн Ким Чен Ыныг хятадын нийслэл Бээжинд онгоцоор очих талаар мэдээллэж байгаа бөгөөд одоо Хойд Солонгосын тэргүүний аюулгүйн байдлыг хангах бэлтгэл ажиллагаа явагдаж байгаа юм байна.
БНАСАУ-ын тэргүүн гуравдугаар сарын 25-28-ны хооронд гэргийтэйгээ хамт албаны бус айлчилалыг Хятадад хийсэн билээ. Тэр айлчилал нь Ким Чен Ыны 2011 онд засгийн эрхэнд гарсан үеэс анхны хилийн чанд дахь айлчлал байсан бөгөөд айлчилал дуустал энэ талаар мэдээллээгүй юм. Ким Чен Ыны хоёр дахь айлчлал нь БНХАУ-ын дарга Си Зинпинтэй таван сарын 7-8-ны хэлэлцээр юм.
АНУ, БНАСАУ-ын түүхэнд анхны дээд хэмжээний уулзалт зургаан сарын 12-д Сингапурт болсон бөгөөд америкийн ерөнхийлөгч Дональд Трамп болон хойд солонгосын тэргүүн Ким Чен Ын нар уулзацгаасан билээ. Хоёр улсын тэргүүнүүд Сингапурыг нэг гүүрээр холбодог Сентоза аралын “Капелла” буудалд уулзацгаасан. Уулзалтын дүнг Трамп БНАСАУ-тай ”тодорхой” баримт бичигт гарын үсэг зурсан гээд Солонгосын хойгт цөмийн зэвсгийг хориглох ажиллагаа “маш хурдан” явагдана гэж мэдэгдсэн юм. Ким Чен Ын дээд хэмжээний уулзалтын үр дүнгийн талаарх баримт бичгийг хоёр орны харьцааны талаар “шинэ гараа” болсон гэж нэрлээд ирээдүйд “их өөрчлөлт” хийхээр амласан билээ.
Ц.Пүрэвдорж
