Ч.Сайханбилэг Дорнодоос, З.Энхболд Өвөрхангайгаас нэр дэвших гэнэ

 

 

 

Ерөнхий сайд Ч.Сайханбилэг, УИХ-ын дарга, АН-ын дарга
З.Энхболд тэргүүтэй АН-ынхан ирэх сонгуульд орох нарийн төлөвлөгөө боловсруулж
эхэлжээ. Эрх барьж буй тэд энэ давуу байдлаа ашиглан зургадугаар сарын 29-нд
болох сонгуульд заавал ялах зорилт тавиад байна. Учир нь сонгуулийн дараахан
наадам, үргэлжлүүлээд долдугаар сарын 14-нөөс эхлэх АСЕМ-ын уулзалтыг алгасч, албан
тушаалгүй хоцрохыг хүсэхгүй байна. Удаан бэлдэж, их ч хөрөнгө хаясан АСЕМ-ыг
зарим нэг томоохон эрх мэдэлтнүүд олон улсад гарах, НҮБ-д ажиллах боломжоор
харж байгаа. Тиймээс АСЕМ-ын уулзалтын өмнө ямар ч хамаагүй аргаар сонгуульд
ялах гэсэн ганцхан чиг үүрэгтэй байгаа аж.

Ингэхдээ АН Засгийн газарт ажиллаж
буй сайдууддаа гол найдлага тавьж, бүгдийг нь тойрогт өрсөлдүүлэхээр шийдсэн
гэнэ. Өөрөөр хэлбэл, нэг сайд нэг тойрогт өрсөлдөж, хамт нэр дэвшиж буй АН-ын
нөгөө гишүүн \”авч гарах” үүрэг хүлээгээд байгаа аж. 2012 оны сонгуулиар Архангай
аймагт нэр дэвшсэн басхүү тухайн үед тус аймагт нэр хүнд өндөр явсан \”Фортуна”
Б.Батбаяр урьдчилсан олон санал асуулгаар хамгийн бага чансаатай явсан, \”хэн ч
мэдэхгүй” нам нэгт Б.Болортой хамт УИХ-д орж ирсэн шиг төлөвлөгөөгөөр ажиллах
аж. Тэгвэл АН-ын томоохон лидер Ч.Сайханбилэг ээжийнхээ төрсөн нутаг Дорнодоос нэр
дэвшинэ хэмээн хүч түрэмгийлэн орж иржээ.

Өнгөрсөн сонгуулиар Сүхбаатар аймгаас
нэр дэвшиж, ялалт байгуулсан Зам, тээврийн сайд М.Зоригт энэ сонгуулиар
Сүхбаатараас бус Дорнодоос нэр дэвшихээр болсон. Харин Ч.Сайханбилэг \”Нэг
лидер, нэг сул гишүүн” гэсэн төлөвлөгөөг зөрчин Дорнодоос нэр дэвшинэ хэмээн
дайрч, тус аймгаас Ч.Сайханбилэг, М.Зоригт гэсэн АН-ын хоёр лидер нэр дэвшихээр
болж байх шиг байна. Тэгвэл АН-ын нөгөө нэг лидер З.Энхболд удаан бодсоны эцэст2004 онд анх УИХ-д сонгогдон
орж ирж байсан Өвөрхангай аймгаас нэр дэвшихээр болжээ. Тэгвэл УИХ
дахь АН-ын бүлгийн дарга, Аж үйлдвэрийн сайд Д.Эрдэнэбаттөрөлх Багануураасаа бус Сэлэнгэ аймгаас
нэр дэвшихээр болжээ.

 

 

Ямартай ч, АН-ын лидерүүд ингэж тойрогт нэр дэвшиж намынхаа УИХ-д авах суудлыг нэмэгдүүлэхээр төлөвлөж байна. Ингэхдээ өнгөрсөн 2012 оны сонгуулиар МАН
ялалт байгуулсан газруудыг амалж авч байгаа нь энэ юм. Ямартай ч, АН сайд нараа
нэг болж өгвөл хоёр суудал олж ир хэмээн МАН ялалт байгуулдаг, асуудалтай газар
уруу илгээж байна. Илгээлтийн эзэд МАН-д хайр зарладаг аймгуудыг АН-д урватал
нь байлдан дагуулах гэнэ.

Харин Дорнод аймагт Ч.Сайханбилэг, М.Зоригт хоёулаа
нэр дэвшиж байгаа нь энэ аймгийг МАН-аас нэгмөсөн салгах гэснийх гэнэ. Нөгөө
талаас энэ Засгийн газарт сайдаар ажиллаж буй гишүүдээ АН олонд нэлээд
танигдсан, нэр хүндтэй хэмээн аймгуудад ялалт байгуулахыг даалгасан бололтой.

Учир нь, урьдчилсан хэд хэдэн судалгаагаар АН-ын нэр хүнд нийслэл хотод өндөр, хөдөө
орон нутагт муу байгаа дүн мэдээ гарсан юм. Юутай ч, АН \”хангалтгүй ажилласан” дүн авсан
сайд нараа аймгууд уруу илгээхээр болжээ.

 

Нинж