Дуучин Шакирагийн бие галбирыг тодотгох \”Hips don’t lie” дуу дэлхий дахинд хит болж байсан үеэс
хойш хэдийнэ 10 жил өнгөрчээ. Тэгвэл хамгийн сүүлд тэрээр нээлтээ хийгээд
удаагүй байгаа \”Zootopia” хүүхэлдэйн
киноны Газеллегийн дүрд дуу оруулсан байна. Шакира өөрийн бүтээсэн дүрийн зан
чанарын тухай \”Миний бүтээж байгаа дүр учраас надтай адилхан байх ёстой гэж би
бодсон.” гэжээ. Харин Газеллегийн гадаад төрхийн хувьд үс, нүд, сормуус гээд
бүхий л зүйлийг Шакираг санагдуулам дүрсэлсэн байсан ч нэг зүйл нь дуучны
сэтгэлд хүрээгүй байна. Учир нь Газелле хэтэрхий туранхай байсан байна. Дуучин
түүнийг илүү өргөн ташаатай байгаасай гэж хүсчээ. Тиймээс кино багийнханд Газеллег
илүү \”мах шөлтэй” болгохыг санал болгож, тэд ч саналыг нь хүлээн авсан байна.
Энэ бол Шакира Диснейн хүүхэлдэйн кинонд дуу оруулсан анхны тохиолдол юм. Тэрээр
энэ тухайгаа \”Диснейтэй хамтарч ажилласан энэ дүр минь урьд өмнө нь миний хийж
байсан ажлуудаас тэс өөр юм. Би энэ дүрээ өөрийн хүүхдүүдтэйгээ хуваалцах
болно. Тэднийг бяцхан байгаа зөвхөн энэ үед ч биш, өсч том болоход нь ч буйдан
дээрээ тэдэнтэйгээ хамт тухлан суугаад \”Zootopia” хүүхэлдэйн киног үзсээр байх болно. Энэ бол
бидэнтэй үүрд хамт үлдэх бүтээл юм” гэжээ.
Ө.Намуун
