Сүүлийн үед эрэлттэй байгаа \”Барууны тэжээврүүд\” номон дахь ноцтой 5 асуулт

Сүүлийн үед эрэлт ихтэй байгаа \”Барууны тэжээврүүд\” номд орсон ноцтой 5 асуултыг хүргэе. Энэ номын үргэлжлэл болох \”Сөрөг\” ном худалдаанд гарч, \”Барууны тэжээврүүд\” ном дахин эрэлттэй номын нэг болоод байна.  Ямартай ч, Монголын Улсын соёлын гавьяат зүтгэлтэн, сэтгүүлч Г.Жамъян \”Барууны тэжээврүүд” номоороо Монгол Улсын Ерөнхийлөгч Ц.Элбэгдоржид дараах 5 асуултыг тавьсан юм. Үүнд:

\”…Нэгдүгээрт: Та С.Зоригийн алагдсан цаг мөчид шарилынх нь дэргэд байсан хүн. Хэргийн газрын ул мөрийг баллуулахгүйн тулд ямар арга хэмжээ авдгийг та хэнээс ч илүү мэднэ. Гэтэл яагаад тийм олон хүн оруулж ул мөрийг балласан бэ?

Хоёрдугаарт: Амьд гэрч Б.Булганг тэр дор нь саатуулж шалгахыг хэн хориглосон бэ? Хүмүүсийн жиг жуг яриагаар бол Таныг суллаж явуул гэж үүрэг өгсний дагуу тавьж явуулсан гэдэг. Энэ үнэн үү?

Гуравдугаарт: С.Зориг алагдаад 16-17 жил өнгөрлөө. Гол хэрэгтнийг илрүүлье, үнэн мөнийг олъё гэсэн бодол санаа, хөдлөл үйл, Таны зүгээс огт ажиглагдсангүй. Энэ ямар учиртай юм бэ?

Дөрөвдүгээрт: Аймшигт аллага болсноос хойш арван хэдэн жилийн дараа, Та тэр үед байсан баг бүрэлдэхүүнээрээ төр, засгийн бүрэн эрхийг гартаа авлаа. Ерөнхий сайд, Ерөнхий сайдын үүрэг гүйцэтгэгч байсан Ц.Элбэгдорж та Ерөнхийлөгч болоод байна. Улсын Их хурлын дарга байсан Р.Гончигдорж УИХ-ын дэд дарга болчихлоо. Сайд байсан Н.Алтанхуяг Ерөнхий сайд болоод байснаа огцорчихлоо. Таны баруун-зүүн гарын хоёр найз, Барууныг хамт зорьж байсан Ч.Сайханбилэг, С.Баярцогт нарт засгийн бүр эрх мэдэл төвлөрлөө. Таны үнэнч найз Д.Дорлигжав чинь Улсын ерөнхий прокурор, Хууль зүйн сайдын өндөр сэнтийнүүдийг сэлгэж мордоод л явж байгаа. С.Зоригийг алагдах үед нэр нь тодорч байсан Э.Бат-Үүлийгээ хотын дарга болгож, Улсын баатарын таван хошуу медалиар энгэрийг нь мялаалаа. Д.Энхбаатартаа хамгийн эхлээд генерал цол хайрлалаа. Зоригийг алагдах үед нөгөө хашгирч байсан \”хайрт” Б.Билэгтийгээ Цагдаагийн ерөнхий газрын дарга болгож нэг үзээд, ШШГЕГ-ын дарга болгочихлоо. Тагнуулын ерөнхий газрын ажилтан, Баруунд сургууль хийлгэсэн Б.Хурцыгаа Англи, Германы шорон дамжаад \”хүн хулгайлсан” хэргийн учир хоригдож байхад нь та хөтлөж ирээд ТЕГ-ын дарга болгочихлоо. Энэ мэтээр бүх эрх мэдэл таны гарт байхад \”Хамтран зүтгэгч” Зоригийнхоо хэргийг илрүүлчихье гэж яагаад ганц үг ганхийхгүй байна вэ? Энэ чинь нэг юм хэлээд байгаа юм биш үү?

Тавдугаарт: С.Зоригийг алсан аймшигт аллагын дараа, энэ хэргийн гэрч болох, тодруулж магадгүй гэсэн 15-17 хүн алагдсан, учир битүүлгээр нас барсан гэж номонд бичсэн байгаа. Тэр бүхнийг шалгасан уу? Гэр бүл, үр хүүхдүүдээс нь эдгээр хүний амийг нэхэхэд хүрвэл хэнээс нэхэх вэ? Энэ таван асуултын хариуг ард түмэндээ хэвлэл мэдээллийн хэрэгслэлээр өгөхийг танаас хичээнгүйлэн гуйж байна.